السلام عليكم
بغيت من الاخوات الي عندها وصفة مجربة ومضمونة لحلوةالملفوف اليمحشو بنوا دكوكو ومطلي بالشكلاط عجبني بزاف وبغيت نصاوبها في السبوع نتاع ولد خويا نهار السبت
وسمحولي ولكنا مني جزيل الشكر
اختى انا لقيت هاد الوصفة فى احد المنتديات الجزائرية و الكل يشكر فيها لكن مازال ما جربتهاش مازال ما وصلش الثور انتاعها هه هه هه نعطيك الوصفة و انت دبري راسك
حلوى الملفوف حلوى رائعة ولذيذة جدا تذوب فالفم
مضمونة 100%
المقادير:
مقادير العجينة:
أنا نعطيكم المقادير الأصلية للوصفة لأني في هاذ الطريقة قمت بضعف العبار
80غ مارغرين
80غ سكر
250غ فرينة
1/2 كيس خميرة كيميائية
فانيليا
صفار بيضة
حليب
مقادير الحشو:
80غ جوز الهند
50غ سكر مسحوق
2 ملاعق كبيرة كاكاو
فانيليا
1بياض بيضة
ماء الزهر
تحضير العجينة:
في وعاء نخلط الفرينة المارغرين صفار البيضة السكر الخميرة والفانيليا
نضيف الحليب حتى نتحصل على عجينة طرية
تحضير الحشو:
في إناء نخلط جوز الهند والسكر والفانيليا
نضيف 2 ملاعق كبار كاكاو
نضيف بياض البيضة ونبلل بماء الزهر لنتحصل على عجينة سائلة
نبسط العجينة على شكل مستطيل
نضع الحشو فوق العجينة
نلف العجينة على ثلاثة
ونقطعها إلى مربعات أو مثلثات أو مقروطات
أنا قطعتها على شكل مقروطات
نتحصلو على هاد الشكل عندما نقطعوها
ندخلها الفرن تطهى
لتحضير الطلاء:
علبة شكلاطة
2 ملاعق كبيرة حليب
قطعة صغيرة مارغرين
قطعة صغيرة جليد
ونضعها فوق حمام مائي على نار هادئة
بعدما تطهى الحلوى نقوم بطلائها بالشكلاطة
ولك أختي الإبداع في تزيين الحلوى أنا قمت برشها بجوز الهند
يمكنك أن تقومي بتزيينها بشكلاطة بيضاء
الشكل النهائي للحلوى
ايوا اختي fafa هي هاديك الله لا يحرمني من رودود الجميلة ديما كاتعتقيني شكرا على اهتمامك لمواضيعي الحبيبة
اختي هد الحلوة جات مليحة راني دارتها و لكن تحلتلي شوية فالكوشة بصح نورمال صغري الحبات برك أنا كبرتهم و تاني العجينة نشفيها شوية ما تخليهاش جارية باش تساعدك عندما ترولي العجينة مع النواد كوكو بصح تجي شابة و طرية أنا درت نفس هد الوصفة لي راكي دايرتها فالصور
شكرا اختى على الرد هادى شحال وانا محتفضا بها لكن مازال ما جربتهاش و عندما نجربها رانى ناخد ملاحضاتك بعين الاعتبار