سلاام
عرسي بقالو شهرين..
ذرك نحكيلكم كيفاه
العام هذا كامل ونا موور القراية ونقول خلي منشغلش بالي بالتحضيرات و كي وصل درك حايرة منين نبدا
الخياطة لي روحلها تعطيني اسعار خيالية و تفشلني
و زيد بقيت حايرة واش ندير واش منديرش خاطر وضعي شوي خاص نا من ولاية و زوجي من ولاية اخرى و رايحين نسكنو في ولاية اخرى و ننتقلو كل شوي
يعني مش مستقرة شوي باه ندير كل هذييييك الدوشة
و اخر شي ميزانيتي صغيرة حابة نوفق ما بين الحوايج و يكونو حاجاتي بسيطة و لكن جميلة
ذرك اليكم الخط قولولي رايكم و تبعوني بالوحدة
و راني كل يوم نجي نقولكم كيفاه
حبيبتي ربي يهنيك و تفرحي إن شاء الله، بما أن حياتك رايح يكون فيها بزاف ترحال، ما تكثريش لأن الرحلة ماشي ساهلة، المهم وجدي حوايج التصديرة و ديري حاجة شابة و ماشي بزاف، الحاجة اللي تعاودي تلبسيها اشريها و اللي ما تعوديش تلبسيها اكريها خاصة و أن ميزانيتك ما تسمحش، و ثانيا اشري حوايج الدار بيجامات نويزات ثياب داخلية كوسميتيك حوايج الدوش، و تفريشة و كووات و دراوات و مخاد علاخطرش خفاف و زربية من الخفاف، و كاش ما نتفكر راني نرجع و ابقاي على اتصال و قولينا واش شريتي و إن شاء الله الأخوات يزيدو ينصحوك خاصة اللي عندهم خبرة
شكررا موون
حت انا هكا قلت, شي لي عندي شريت بيه شوي ذهب و قعت نزمر ههههه
و راكي تعرفي دارنا يقولولي متخرجيش بلا فراااااش, ونا كي نديرو و نخسر فيه دراهم ويبقى مطايش علاه
التصديرة حنا مانديروهاش بصح هوما عندهم ف عاداتهم
ضوء القمر عرسي ان شاء الله ف ديسمبر
شكراا صفاء الروح لمرورك و دعواتك رب يسعدك
و ينكم يا لحبابات ؟؟؟
اختي كيما قالوالبنات ابداي بحواج كانتي اللبسة تع ا لدار وتع كل يو م وتصديرت ك ماتكثريش عليك و الفراش كان الحوايج اللازمة كيما ليدرا وليككوات وزور و مطارح وديري تفريشة بيها بالزربية والبشاكر ديري كوفرولي مليح كاشما نتفكرراني نقلك
قوليلنا واش ريتيحتى لدرك…………نقرعجو ههههههه
rabi yhanik nchlh wyfar7ak ad3iwli khawti la39ouba liya m3a 7bibi seif wnour 3ini