السلام عليكن اخواتي
فقط اردت ان اقول ان بريوش اميرة الساحل يخرج100/100 فلا تترددو في التجريب فقد جربته وانبهر الجميع بشكله وذوقه لم اصوره لآن هاتفي لايخرج الصور جميلة
الا انني اضفت الى الوصفة قليل من بشور البرتقال والليمون اعطى رائحة مختلفة مع ماء الزهر
بارك الله فيك اميرة الساحل على الوصفة لن اتردد باذن الله في اي وصفة من وصفاتك الرائعة
بصحتكم أختي
و ياريت رابط الوصفة حتى يستفاد الجميع
….. المكونات رقم 1
-كاس فرينة
-كاس سكر عادي
-كاس زيت
-3بيضات ( نحتاج 2 حبات كاملين + 1 بياض و صفار نحتفظو بيه للطلاء)
-1 خميرة كيميائية
-1 ملعقة كبيرة خميرة الخبز
-2 ملاعق كبار ماء الزهر
-2 كؤوس حليب دافي
المكونات رقم 2
-كمية من الفرينة تصل تقريبا من 800غ الى كيلو
-ملح
للتزيين
-نباج او لاجيلي اذا ماتوفرش نقدر نستعمل المربى
-شوكولا
-سكر رطب او جوز هند
التحضير
-في خلاط كهربائي ( ميكسور) ندير المكونات رقم 1 و نخلط مليح مدة 5د تقريبا حتى تمتزج كل المكونات نفرغها في ليان كبير و نخليها ترتاح مدة 10الى 15 د حتى تختمر ( تشبه طريقة عمل عجينة 10 دقائق)
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 704×528.
-من بعد نضيف المكونات رقم 2 و نخلط الكل مع بعض ( لازم ماتكثريش الفرينة حتى يجي البريوش خفيف ماشي معلك برك قيس ماتتلم ) نغطيها و نخليها تخمر على جهة في مكان دافي
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 704×528.
-كي تخمر ندي صينية او كيما تحبي تشكليها انا خترت هدي القوالب و صينية كبيرة تدهنيهم و ترشيهم بالفرينة و نشكل كريات كل وحدة ندير داخلها حبة شوكولا و نطليها بصفار البيضة + قليل من القهوة الداكنة او سريعة الذوبان و نزيد نخليها تختمر
-بعدما تخمر ندخلها الفرن يكون ساخن من قبل و نخليها حتى تدي اللون الذهبي
-كي نخرجها نطليها بلاجيلي او مربى المشمش او فراولة كيما تحبي انا هنا طليتها بلاجيلي نتاع سفرجل اللي سبق و عملت عليها موضوع
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 704×528.
-من بعد نرش عليها السكر رطب او جوز الهند وهذا هو شكلها النهائي
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 704×528.
ملاحظة
– هذا النوع من العجينة يجي يلتصق كي نروح نشكل الكريات يغلبنا شوية املا كل مرة قبل ماتشكلي كرية اغطسي يديك في ماء عادي و شكلي كيما ندير كي نخدم السفنج
الاهم انو الحلوى فرحتي بيها و راهي عجباتك و هذا الشي يفرحني ويشجعني في نفس الوقت 
لاضافة المزيد و المفيد من الوصفات المجربة اتمنى ان اكون دوما عند حسن ظنكم افيد و استفيد منكن
، الحمد لله تنحتلي العقدة تع لخفاف 
خرجتلي روعة في المذاق طبعا الفكرة ديتها من وصفة الاختmc salsabile فقط بعض التعديلات الخفيفة بحيث في التزيين مكان عجينة اللوز زينت بالشوكولا اما مقادير البيسكوي و كريمة موسلين فكانت على طريقتي اتركم مع صور تطبيقاتي 
