التصنيف: فرغي قلبك

السلام عليكم

كاين مقولات يقولوها الناس

مثال

يقولك قراية بكري مشي

كي قراية اليوم

ولا نسا بكري مشي كما نسا اليوم

مزال مفهمتش علاش

نتوما فهمتو؟

مثل ما قالت الاخت

انا فهمت أنو قراية بكري كانت صعبة لانو كانو يدرسو عل الشمعة ويمشو كيلومترات باش يوصلو اما درك كلش متوفر يعني ما يعملوش جهد كبير كيما بكري اما عن النسا كانو بكري نفس الشي كانت المرا تنوض عل 4 صبح باش تعجن اليوم كلش متوفر

صح اختي فرق بين قراية بكري و دورك الرنامج تبدل حسب عقول الاطفال و الشباب لانو اصبح اكثر تعقد و صعوبة الحوايج اليقريناها فيالجامعة ولاو يقراو فيها في الليسي و تاع الليسي في السيام و هكدا و الاجهزة تاع دورك مثل البورتابل وو التابلات و النات مكانتش متوفرة و منسمعوش بيها و الان طفل مدخلش يقرا يعرفيمشيهم الكل طبعا لازم البرنامج يتبدل على قد عقولهم
و النساءتاع قبل يصبرو و يتحملو كل شئ مي تاع دوركا الا البعض او القلة القليلة ماعادو يصبرو على حتشئ كلشئ اوتوماتيك على حساب الوقت طبعاااا

نسا نتاع بكري مشي كيما نسا نتاع ضرك
والقرايا بكري كانت صعيبة وتلاميذ عاقلين بصح ضرك قرايا ساهلة وتلاميذ براهيش
والاستاذ نتاعنا نتاع العربية كانت مقولته الشهيرة لي يقولهالنا (لي قرا قرا بكري)

نسا بكري كانو اهل للمصاعب و الصبر و القوة ماشي كيما ضرك كاين شي نسا جوتابل

صح كيما قالوا البنات ….
كلش تبدل ذرك…..
الله المستعان

قراية بكري مش كيما قراية اليوم
شكون قالها
جدودنا يعني بكري تاع جدودنا راهي بكري بزااااف مش غير البارح
يعني راهم على تاع العصر الاسلامي والخلافة وووو كانت الناس تقرا باه تقرا مش باه تجيب ديبلوم تعلقو فالحيط ومش باه تحكم منصب وتمشي امور العائلة
بكري كان الرجل يمشي سبع ايام وسبع ليالي باه يتاكد من معلومة صحيحة ولا غالطة ونتاع اليوم
الليسي عند الباب ويقولك الي قرا واش دار هههههه خلي برك
ونسا بكري حنونتي
تنوض بكري بكري ويفطرو بالكسرة سخونة ونسا دوكا الخبز فالكونجيلاتور ههه كول ولا اقعد
نسا بكري تحلب البقرة وتمخض اللبن تاع دوكا لحظة حلحلها في الماء وااشرب وقلع
نسا بكري رباو بالكتاتين والزيت زيتون والحشاوش
تاع دوكا في كرش امو شرب الدواوات كامل لي كوش والتالك والاودكولون واللانجات وزيت جونسون ووووو يقولو تربية الولاد صعيبة
ياعين يا ليل
بكري على روس بعضاهم وكبرو وعادو رجال
ودوكا بيناتهم عشر سنين ويرميو هدا فالحضانة وهدا عند مربية تشدو وووو ويا ربي تلحق
خلي برك
نا بكري وناس دوك فرق كيما بين السما والارض ولا راني غالطة

هههههههههه ملاحظة
انا راني من تاع دوكا هههه ما يغيضكمش الحال ههههههه

يعطيكم الصحة على الرد
كما قلتو القراية مشي كيف كيف
بصح المنهج هو هو الاستاذ هو هو
التلاميذ مشي هما
كان التلميذ كي يدخل الاستاذ الكل يسكت مكانش لي يتحرك
ذرك التلميذ يقول للاستاذ الا نتا راجل نتلاقاو برا
النسا وحدة قاتلي عييت م التربية وهي عندها 2ولاد واغلبية الوقت في دار جدهم
قلتلها علاش عييتي
نتى راكي عايشة كي نسا بكري
قاتلي نسا بكري وليوم مشي كيف كيف
قلتلها واه
بكري المرا تنوض قبل الفجر تعجن وطيب وتفطر 12ولد ولا كانت مع عايلة قولي20
تطحن لقمح وتغربل وتجيب الماء وتحطب وتربي ودير الطعام وكل شي وكانو ملاح وذرك كل شي عندها ومعجبهاش الحال
حتى لوكان مثال قفلة تقطعت متتخيطش شري وحداخرى انا منخيطش
وبهاذاك الشي وقاتلي مشي كيف كيف
انا نضن الانسان انسان ملى خلقه ربي وربي يعلم

مساء الخير اخواتي الكرام انا كملت قرايتي في 2024 ولدوك مازال ما خدمتش وهدا الامر يؤرقني خاطر كل لتخرجو ا معايا خدموا وسهلهم ربي وتزوجوا وانا لي تمنيت منصب عمل نعين بيه روحي والو فالولي ماكيش تحوسي مليح حطي ل cv حطيت كيما قالو ولكن لحد الان ماكنش لي عيط وقالي علا الخدمة زاد الهم عليا من هاد الناحية وتوترت واصبحت امي كدلك تخمم عليا وانا نشكيلها كل يوم ونفرغلها قلبي وهي كي تشوفني هاك هداك وتزيد تتحير عليا وانا مليت لقعاد في الدار كلشي في شغل الدار حفضدتوا وتعلمتو طبخ حلوى باه ننسى مافدرتش راني حاسة قاع مراكب ناس تمشي وانا حابسة مع لعلم بلي عايشة في بلاصة تاع خدمة ولي زاد طين بلة كي نخرج لبلاصة مثلا للتسوق او مناسبة معروصة ونتلافى لي نعرفهم يزيدوني ماكنش منها ملقيتيش خدمة لدوك كاين نولي لدار مانضويش ونفرغ غير في ماما مسكينة هي كرهت وانا كرهتوكيما سبق وقولت صحاباتي قاع تزوجوا راني حاسة بالوحدة والخيبة في وسطهم اشيروا علي ولي محرومة من حاجة ربي يفرحها في اقرب وقت

ختي ربي يفرج عليك ما تتحيري ما والو كيما يقولو في كل تاخيرة خيرة
متعمريش راسك و تشوفي برك الامور السطحية شوفو اوفو اسكو راهم هانيين
اسكو تحصلو على هاديك الخدمة بطرق شرعية………
ماتقطعيش لياس اونبلوس ماعندكش بزاف ملي تخرجتي
كاين دي كا و الله من 2024 و 2024 راهم بلا خدمة
اكثري من الدعاء و الاستغفار و ربي لا يضيع اجر المسلمون
ربي ما يبلع باب حتى يحل عشرة
خمي في اللي راه جاي بالاك خير منهم و كتر
و ماماك مسكينة ماتبينيلهاش بلي راكي زعفانة لعبي و ضحكي نورمال

اضحك للدنيا تضحك لك
سلام

حبيبتى متخميش بزاف ومتقليقيش روحك

ربي العالم بواش راه مخبى لك

ممكن ربي شايف من مصلحتك متلقيش خدمة ضوك

عسى أن تكرهو شيئ وهو خيرا لكم

انت اللى عليك درتيه المهم قريتى وتعلمتى واجتهدتى والحمد لله تخرجتى

والباقى خليه على ربي

متلومي روحك متقولى زهر ربي العالم بكل شيئ وكلش دار لو حكمة

متدري منا لغدوة واش راح يصرا وجامى تقارنى روحك بالاخريات

ممكن انت خير منهم بألف مرة

حبيبتى اشتغلى وقت فراغك هدا في امور تفيدك زيدي ديري دورة تدربية

زيدي نمى ثقافتك وياماك انت اللى لازم تصبريها

وربي يوفقك ويوفقنى ويوفقك الجميع

بالاك الله فيك احتي ربي يفرحك من عندو وسوف اعمل بنصيحة

اختي طلعتيلي لمورال كي رديتي عليا وعرفت بلي كاين كيما حالتي …..ربي يسر زواجك حنوووووووووووووووووونة تستاهلي كل خير

شكرا اختي والله غير راني نحاول نسي روحي ولكن كي تحبي تنساي ناس ماينساوش باه يزعجوك………….ربي يفرحك

السلام عليكن ورحمة الله وبركاته

اختي الفاضلة صاحبة المشكلة ….اسمعيني جيدا لعلك تعين ما ساقوله لك ….

لكل انسان منا مهما كان كوب نصفه مملوء وانصف الاخر فارغ …اما صاحب الكوب فينظر للنصف الفارغ دوما فتراه يردد دوما ينقصني كدا واعاني من كدا وكي اكون سعيدا يجب ان يتحقق لي كدا ….

اما الناس الاخرين فلا يرون من الانسان المقابل الا النصف الممتليء …هده لها زوج ادن هي سعيدة الاخرى درست ادن هي متعلمة…توظفت ادن لها مال ….انها عزيزتي مجرد تخمينات …

عزيزتي ان الانسان يؤجل سعادته بيديه حين يربطها بوظيفة او زواج ….رغم اني لا اقلل من شانهما فلا تكوني منهم …افعلي اللازم ثم دعي النتائج لله …

بانتظار ان يتحقق لك ما تريدين خدي معك ما تيسر من اكل وزوري ايتاما بدور الطفولة المسعفة او عجزة محرومين او مرضى مبتلين وارسمي بقلبك الحنون البسمة على شفاههم ثم قولي الحمد لله انا بخير …نامي وانت سعيدة لانك ستكونين كدلك …سباقة للخير مرضية للرب ….سترين ان الله اعطاك فرصة لفعل الخيرات قد لا تتاح لك بعد الزواج والارتباط …لا ترهني وقتك بالغد فهو لله..الان والان فقط بامكانك ان تتحركين دوري بفلكه سيكون لك …سيرزقك خير مما تطلبين …فقط كوني واثقة …

نصيحتي الاخيرة لا تطلبي وظيفة بعينها المهم اعملي ولو حلويات او ما تتقنين الدكي من يتقن فن الصعود ….

اسفة على الاطالة …

انا شاكرة اختي الفاضلة كلمات في صميم مع العلم اني لست من النوع الدي يشترط منصب معين فانا احبد فقط الاستقامة وسسمو الاخلاق في العمل ربي يرزقك من خيراتو…………

اخواتي اعلم ان هذا الموضوع قليلا ما تفكرن فيه

عندما نريد ان نقول شئ لاحد نحبوه او نحترموه او نعزوه او….يجي في بالنا الأم او الاب او الجدة او…. بصح ما يجيش في بالنا الحديث عن الحمات (لعجوزة )

علابالي بلي كل وحدة فيكم عندها حكاية مع عجوزتها

ماذا تقولين على عجوزتك اختي ؟

انا ارى ان تفتحي انت الحديث عن حماتك وسنكمل نحن مارايك .

انا نقول الله يرحمها ويسمح ليها امين يا رب العلمين

الله يرحمها وبرحم جميع المؤمنين
نقول يعطيك رحمة على رحمة وربي يدخلك فسيح جنانة
الله يبارك عليها قد مانقول ماشي كفاية عليها
و الحمد الله حتى وهي في قبرها ندكرها غير بالخير والدمعة في عيناي
هدا لكلام نقولوا لاي بنت مقبلة على زواج او زوجة في دار زوجها
حبي والديه مثل ماتحبي والديك
وتشوفي السعادة والهنا ان شاء الله

انا عجوزتي قدما هي قوية قدما هي طيبة

شكرا لك اختي اخت الرجال
مااتقوليش هكذاك كاين شي عجايز اتبوسيلهم الرجلين اعزكم الله او كي اشغل مادرتي والو ياحفيظ
علاه مااديرنيش كي بنتها او تمسح علي ولا دايما اتشوف باللي جات اللي اداتلها وليدها هي
ثاني ادات اوليد امرا ولا لالا
انا اعجوزتي انضل انقلها واش راكي مشهية واش*- اندلك والوا مااني حابة والوا او هكذا او هكذا
خلي البير بغطاه
ربي ايرزقنا العاقبة الحسنة او يهدينا المهم احنا انديرو اللي اعلينا او ربي الموفق

سلام حباباتي ربي خليكم ليا ليوم خلاص ماقدرتش لازم نحكيلكم ضري عييت نسنى في الخدمة كي الناس والو هادي قريب ربع سنين الي معايا خدمو وكملوا ودارو ديار وانا مازالني نسنا والو ميت من لبكاء ليل نهار عينيا ولاو يحمارو وديرو دي تاش من زعاف سبق وحكيتلكم حكايتي بصح ما جد والو ماما عيات وانا عيتها بشكوى وهي تحير واش ديرلي .

والكارثة كي ننسا شويا ناس يقولولي كيفاش ما لقيتيش لدوك ونتي ماكيش تحوسي ةناس راهي تخدم ويحكمولي نفس لحكاية نعاود نرجع لماما بكاء والدموع حتى لصباح و الاكرث ماشي غير لخدمة كلش حاجة ماتصدقلي ماعنديش السعد في والو كي كتروا عليا نفول لماما ماكيش حايرة مني وراه جايك كلش عادي وهي تنفعل تقولي واش حبيت ندير .معالعلم اني فتاة لكل يشهد باخلاقها وشطارتها بصح سعد ماكانش لي يشوفني يحير كيفاه لراني قاعدة واموري معسرة.دعولي ثم دعولي لان صبري نفد ماعنديش خير منكم رفيق
طال صبري ودمع جف من عيني. تعيشوا شوروا عليا الله يفرحكم

حنونتي مافهمتينيش انا قصدي نحاو فكرة العمل موالتش تهمهم وانا اصريت باه نعاون روحي راني نشرط خدمتي على لخطاب بالرغم من اني مالقيتش عمل بصح حابة نجرب لعمل لفترة بسيطة نحس بمعنى قرايتي ولوكا جيت تعرفيني تعرفي بالي انا نسعا للناس ف الخير عمري لا نحسد شخص .اما كلامي فبصفة عامة ولتحليل موضوع فقط لاغير

اختى معليش اصبري ماتعرفي الخير منين يجي وكلش مكتوب ربي
ماعليك غير بالاستغفار ثم الاستغفار
وان شاء الله ربي يفرجها عليك

يا سوسن الصبر وكثري من الا ستغفار يفتح عليك ربي عندي 6 وملقيتش عمل والحمد لله كل شي جاي مليح ان الكريم اذا اعطى ادهش تيقني ان الله يختبر ايمانك استغفري وقت قبل النوم بعد الاستقاظ وانتي في المطبخ رايحة تحسي بابوا ب الرزق تتفتحلك والله عن تجربة اادعي بهذا الدعا ء اللهم ان كان رزقي في السماء فأنزله وان كان تحت الارض فأخرجه الي وان كان بعيدا فقربه لي وان كان قليلا فبارك لي فيه وان كان كثيرا فوسعه لي ادعي به سوسن واكثري من الاستغفار والله لن تندمي حبيبتي راني حاسة بيك

يا ه يا حنونتي يا رنيم شحال فرحني ردك والله وكانك حليتلي مشاكلي هدا ماتمناه ادعية تعنني وتسهلي رزقي روحي يارنيم الله الباب الي راكي حايرة منو يتفتح في وجهك فرحتيني بدعاء………………..

شكرا غاليت على النصيحة وبادن اله ناخد بيها انا كي فتحتلكم قلبي غير لاني واثقة بلي الانسان بكلمة قادرة تفرحيه وترديه اسعد انسان كيما قادرة بكلمة تحطميهوانا راني فرحانة بلي عندي خيات يمسحولي دمعتي ربي ينويلك الي في البال

حببتي ربي يهديها وتتراجع عن القرار لي خذانو حاولوا تتكلمو معاها بالتي هي احسن بلاك تغيضوها

شكرا اختي جزاك الله خيرا

هدا اليسي هو المخير عدنا المهم اختي ربي يحفظك و شكراااا

ربي يهدي الجميع ،حاولو تتكلمو مع أستاذة أخرى تتوسطلكم معاها ،لاحظت بلي معظم الملتحقات الجدد بالتعليم (خاصة المتخرجات من الجامعة وليس المدارس العليا للأساتذة) يتعاملو مع التلاميذ بطريقةغيربيداغوجية يجمعو معاهم كأنهم من أفراد الأسرة ويتماداو معاهم ويحكولهم على كلش من بعد ينقلب الموقف عليهم

بالنسبة لي
أن ألمس أصابع أولادي حين ولادتهم (الرقم 7)

بالنسبة لي
[glint]
5- ان تنظر الى الشخص الذي تحبه وتجده ينظر اليك [♥]
[/glint]

موضوع جميل غلاتي

اختار عند لمس اصابع مولود حديث الولادة

ينقل لقسم فرغي قلبك

لتفتح لكِ العضوآت قلوبهن و تصارحنكِ

دمتي بسعآدة

ديوووونه

أن ألمس أصابع مولودي

دمت في رعاية الله

صدقيني اختي الصغيرة احترت في الاختيار
لانك فعلا اخترت اجمل واروع لحظات يمكن ان يعيشها الشخص في جميع مراحل عمره
وجميعها تحقق السعادة حتى وان كانت بدرجات متفاوتة
صعدت مرة اخرى لموضوعك ولم اتمكن من الاختيار ههههههههههه

حدث لي هذه الأيّام موقف لا أعرف كيف أتصّرف فيه:

لي جارة من سنين، قدّمت لي يوما معروفا من دون أن تعرفني، شكرتها، و رجوتها أن تسألني أيّ مساعدة دون احراج .
و عزمت أن أردّ صنيعها معي بما أحسن، و اللله شاهدأنّي صدقت النيّة و وفّقني في ذلك.
توطّدت بيننا ما خلته صداقة طيّبة حتّى و إن كانت سطحيّة لاختلاف ثقافاتنا.

اكتشفت منذ وقت بالصدفة أنّها أذتني،و تحقّقت ،فعلت ذلك من دون سبب.
شعرت أنّ غيرة مكبوثة دفعتها لذلك…. لكن لا يهم.

بحكم الجورة لا أريد أخذ موقف حاسم، و مواجهتها بخيبة ظنّي.
لكن لم يعد لي خاطر حتّى في القاء السلام عليها، و كلّما رأيتها من بعيد أحاول تجنّبها.

حقّا اتّقي شرّ من أحسنت إليه.

فما رأيكن؟

عندك الحق اختي اتقي شرها ووكلي عليها ربي
رجع لي يغلط يسلك في الدنيا قبل الاخرة

اختي صح هي جارتك والجار وصى عليه النبي صلى الله عليه وسلم
لكن انت ماتحتكيش معاها كيما الاول حتى ماتوقعيش في مشاكل وكلش ملبعيد سلام سلام

و مذا عن قلبي؟
لديّ احساس بالحزن و الغضب لخيانة طيبتي و تعاطفي معها، يتجدّد كلّما رأيتها.

دوام الحال من المحال غاليتي
وفي وقتنا توقعي شر من احسنت اليه والعكس
عليك با لابتعاد ويكفي حق الجوار من تحية وسلام
دمت بخير

حسنا، سأردّ عليكن معا:
معظمكّن يشاركني فكرة الابتعاد، أكتفي بسلام دون الإطالة بالكلام.
لكن أعجبني أكثر ما ذكّرتنا به أمّ عبد الرحمن، سأحاول كظم غيظي و أدفع بالتي هي أحسن،
أحتاج بعض الوقت كي اروّض قلبي، فأذى الجارة كان معنويّا و مادّيا، و ما يهمني ودّها،إّي ابتغيت منذ البدأ أجرا، و تجارة مع الله،
و نويت باخلاص أن أمدّ يد العون قدرما استطعت كي يبعث لي من يمدّ لي نفس اليد.

ربّما ما حدث كان إشارة لي في أمر كنت سأشركها فيه لتحسين دخلها و رفع معنويّاتها.
للحظات خفت شرّها على أسرتي فما اقدَمَت عليه كان كيدا حقيرا، لكن احتسبت اللّه و استرجعت سكينتي،
فعلا الذكرى تنفع المؤمنين.

شكرا.

بارك الله فيك غاليتي مريومة وجزاك الله خيرا على صبرك و إحتساب الاجر عند الله وربي يكثر من امثالك غاليتي.
هدانا الله لما فيه الخير و الصلاح لنا أجمعين.

ربي يعوضك بالجارة الصادقة

السلام عليكم ورحمة الله وبركاته اخواتي العزيزات نقولكم صح عيدكم مناه عندي بزاف ما زرتكمش لظروف خاصة

المهم واش نقولكم انا حامل في الشهر السادس ومن درك راني نخمم على زيادتي بحكم راني نسكن بعيدة على مالياومالين زوجي كيفاه رايحة نزيد وحدي وراني عندي طفل عمرو 4سنواتوبطبيعة خدمة راجلي ما يقدرش يديني مناه خدام وانا بعد مانيش حابة نروح مناه مانكونش مرتاحة لتما
وراني خايفة من الزيادة مناه جربتها مع بني الاول وجاتني واعرة بزاف وراني نخمم ندير ابرة الظهر اي بدون الم باه ما نسوفريش والعلم لله واش رايكم يا اخواتي
والسلام عليكم
اريد الرد

ماتخافي ماوالو اللي وحل هو اللي يسلك وكل كرش وملايكاتها حطي ربي في قلبك وانشاء الله تزيدي وتسلكي على خير وترجعي لدارك وانت بمولودك الجديد وجدينا لبسيسة برك ربي يفرحك اختي

اختي اولا مبارك لك وربي يسسر ولادتك
ثانيا انصحك بعدم الخوف و القلق راه ياثر عليك وعلى الجنين
ثالثا لا انصحك بتلك الابرة عندها اضرار كثيرة اثبتها الطب وهي تستخدم للضرورة فقط الولادة القيصرية
واذا كانت ولادتك عادية ما كملاه
ربي يوفقك

السلام عليكم ورحمة الله وبركاته
…..اولا اخيتي لا يجب استباق الامور والتفكير فيها مازلتي في الشهر السادس
ازيلي عنك الوساوس اخيتي وتوكلي على الله
اما بخصوص الابرة ادا كان فيها ظرر لك وللموولود فلا تستعمليها
اسال الله ان يرزقك بالذريةا لصالحة التي تعينك على طاعته

ربي يسلكك على خير

حنونة الابرة الي راكي تحكي عليها عندها اضرارها صح ما تحسيش بالالم في الزيادة بصح بعد الولادة رح تشوفي الويل الله يجيرنا اختي عملتها في فرنسا وراهي نادمة ومادام ربي خلق هذي الحاجة في المراة عندو فيها حكمة كيما يقولو ناس زمان نقصان الذنوب وزيادة الاجر
حنونتي الله ييسر لك وسلكك على خير وانصحك تولدي طبيعي جدا لانو هذا اسلم وشكرا

السلام عليكم…عندى حاجة راهى فى قلبى او رانى خايفة او حشمانة …فى الاشهر اللخيرة بدات تبان فى ساق عروق زرقاء فى رجلى ..وتبين انها الدوالى …دهبت الى الطبيب و اعطانى حبوب و طلب منى اجراء راديو على ساقى ..لكى يجرى لى العملية ..لكننى لم افعلها لانها غالية ..استعملت خل التفاح لكن كيف كيف…بدات اشعر بالاحراج كثيراا..خصوصا لم يبق الكثير من يوم زواجى .وانا خائفة و محرجة و فاقدة الثقة بنفسى ..على زوجى ان يعايرنى او ينفر منى ..انا خائفة جدا من موقف زوجى حين يرانى…مادا افعل ..صدقونى اننى اتالم داخليا ..

انشاء الله تلقاي مساعدة يا اختي

[type=734739] السلام عليك يا أختي
وعلاش عليك كل هذا التقلاق
ضرك خمي في عرسك وجهازك وكيف راح ايفوت عرسك ووووووووووووووووووو

اذا كل واحدة فينا ركزت على عيبها والله ما راح تتزوج

والشيئ اللي راكي تعانيه ماهوش عيب خلقي او مرض مزمن ياخي راكي تقولي ينزع بالعملية اذن؟

انت طبعا نهار عرسك أو في الايام الاولى لزواجك حاولي كيفاش تتجملي باخفاء هذوك العروق بfon_d_teint

ومن بعد حاولي كيفاش تكملي traitement ديالك

وديري في بالك اذا كان زوجك يحبك
يحبك كيما راكي يعني اكيد راح يتقبل
الله يسعدك في زواجك يارب [/type]

يا أختي العزيزة كيما قالتلك الأخت ليس الموضوع مهم لهذه الدرجة ولا يتطلب كل هذا الاحراج حضري لعرسك عادي سيهتم زوجك بأشياء أخرى جميلة فيك لا تقلقي وزواجك مبارك أن شاء الله

يعطيكم الصحة اخواتى الكا ريمات على كل كلمة قلتهالى ….و على النصيحة ..ولله غير اطلعلى المورال من النصائح ديالكم ………………………مشكوريييييييييييييييييي يييييييين ……..ربى يجازيكم انشاء الله

مساء الخير سيداتي الحلوات,ان من محبي هدا المنتدى,بدون تاخير مشكلتي اني مخطوبة لمدة 6 سنوات ,خطيبي يحبني لدرجة الجنون وهو يحضر في منزلنا بارقى الاشياء لكن عندما اساله عن تاريخ العرس تصيبه الحساسية ويغضب ويقولي واش بيك مزروبة ويقول نكره المراة لي تقيد الزوج ومتخليهش يسهر مع صحابو,كما اني كرهت عائلتو وامه لانهم يتصرفوا فيه بحجة انو صغير مع العلم انو عمرو 30وانا عمري 21.سامحوني طولت قولولي واش الحل راني نحبو MAISماعادش متشوقة نروح عندو

شكرا اختي ,ردك انار قلبي ارجو من الله الثبات والصبر فانا لا اتصور حياتي بدونه

و الله فترة الخطوبة اذا طولت تسماط و انت عندك6 سنين بزاااااااف
انا عندي 3 سنوات رايحة نهبل جميع انواع المشاكل و الشجارات مرينا بيها
المهم ربي يهنيك و يكملك حنونة و اصبري لعل الفرج قريب

شكرا حبيبتى انا تاني مشاكلنا بزاااف maisراهى هى لي ترجع الحلاوة في علاقتنا ,ادعيلي ,ربي يسهلك ,حبيت نسالك لاكان معندكش مانع خطيبك تشوفيه ولا لا يا فيض المحبة انا بابا محرم علينا نتلاقاو واحنا مدايرين الفاتحة نشوفو فالمناسبات فقط واش نقولك الوحش قتلني

انا دايرة الفاتحة و العقد المدني و نتلاقا بيه مرة ولا زوج في الشهر لدرجة اني كرهت هههههههههه
و الله تقتلني الحشمة منو ومن الناس يخي راكي عارفة هدرة الناس لاشتة رانا مخطوبين و يقولوا فيهم و فيهم ……… راكي علابالك
المهم انا برايي اللي ما تتلاقاش و ما تهدرش في التليفون احسن

شكرا على الصراحة انا نقرى فالجامعة ومنقدرش نشوفو Maisالوالدين يحبو الخير راني نتبع في هدرتهم,كيما قلتي الهدرة فالتيليفون تزيد المشاكل يارييييت مخترعوش الهاتف اصلا كنا على الاقل نحوسوا ونخرجو في راحتنا هههههههه