السلام عليكم ورحمة الله تعالى وبركاته
بسم الله
اليوم وصفة سهلة من مطبخي اتمنى انكم جربوها
عجينة الشو اوla pate a choux او الملفوف هي من انواع الحلويات الفرنسية ونستخرج منها الكثير من الانواع
-مسكرة ومالحة منها ليشو مرشاة بسكر الناعم اومطاية بالشوكولا او الكرمال وهدا تستعملها
ليبياس مونتي على شكل قباعة او ليزكلار كدلك نفس الخطوات الا الشكل متغير وSaint Honoré وتكون مثل التاج وكلها تكون خفيفة
و الموالح تحشيها حسب الموجود عندك
المقادير تخرج كمية قليلة وانت تضاعفي المقادير ادا حبيتي اختي
150 فرينة + خميرة
85غ زبدة انا عملت ستار نستطيع عمل الزيت
اربع عظمات ممكن اقل ممكن اكثر حسب الحاجة
رشة ملح شوي فاني
300ملل ماء
نصف مغرف صغيرة خميرة نوارة\\ هذا هو السر الخطير اللي يخليها تطلع \ ماتقولو لحتى لواحد على السر هههههه
حطي في كاسرونة ماء وزبدة على النار وخليها حتى تذوب
كي تذوب نحيها من على النار
وفرغي الفرينة تكون فيها الخميرة هي الوصفة في الاصل مافيهاش الخميرة بصح انا درتلها كيعاد مايطلعوليش كيما نحب وخرجتلي مليحة وحركيها ور جعيها على النار
وابقاي تحركي بسرعة ماشي تحركي وتحبسي حتى تشوفي بلي العجيبنة تلمت نحيوها من فوق النار تنتزع بسهولة من الكسرونة
نتركها تبرد ونضع البيض الواحدة تلو الاخرى يعني عندما نرمي البيض لازم تختفي ونزيد الثانية
وابداو تحطو العضمة بالواحدة وحركوا ماتتقلقوش كي تشوفو ولات تتكتل العجينةراهي درك ترجع كيما كانت مثل العصيدة تاع الزمان
…………….كيفاش تعرفو بلي العجينة اخذت كفايتها من البيض …………………………
ادخلو اصبعكم كيما في الصورة اذا العجينة رجعت لبعضاها معنتها راهي صاي شبعت من البيض واذا لا زيدو شوي انا اربع عظمات كفاوني حسب حجم البيض نعم
شكلي كيما تحبي بلابوش وهناك وردات من النحاس تخرج الشكل وردة
وحطيها في الفور سخون 200درجة بعدها نقصي مدة الطهي 20الى 25 د
انا البلاطو الاول دخلتو الفور ونسيت قويت فيه طلعو ومن اووووبببب هبطوا
والثاني نقصت الفور وخليتهم يطيبو بعقلهم
كي تخرجوهم احشيوهم كيما تحبو بلكرام باتيسيير ولا بالكرام شونتيي كيما درت اناوحطيلهم من فوق بالشوكولا او سكر قلاصي
هذو هوما ليزيكلار والله بنان واقتصاديين تخرجلك شحال من حبة خير ملي تروحي تشريها من برا الحبة صغبيرة وغالية وزيد بالاك لاكرام نتاعها فاسدة
ان شاء الله تعجبكم
نسيت
البلاطو الاول هبطولي غاضوني نطيشهم جاتني فكرة نديرهم كيما في الصورة
وشيء مايروح خسارة في المطبخ نستطيع ان نعملهم ليقوبلي روايال
قطعتهم طراف طراف شربتهم بالسيرو ودرت طبقات طبقة كرام شونتيي طبقة تفاح مقطع رقيق طبقة وزينتها بالكاوكاو
والى لقاء قريب مع وصفة اخرى خخخخخخخخ حصة طبخ حسبت روحي في قناة سميرة
جاري التجريب
واعجبني الاطار الي حطيتي فيه صورك تبارك الله عليك
بداية موفقة لفريق كول وشكر
وين كنت مخيبا علينا كل هذا والله تحفة
ارجو ان تكون الردود باللون الاحمر الخاص بمجموعة الطبخ
يعطيك الصحة يا الحبيبة
تشهيييييي
ماشاء الله و بالزيادة انا نمووووت عليها
ملاحضة حبيبتي زيدي اكتبي في الموضوع مايفتحوش الفور اثناء الطهي باش تكون النتجة احسن و بارك لله فيك يا الغالية
