هو طبق تقليدي و مشهور عندنا خاصة في شهر رمضان نديروه اول يوم من شهر الصيام و ايضا مشهور في الاعراس
القسنطينية(ما نحبش الاعراس) و لكن اضفت عليه لمسة شخصية في طريقة التقديم وادخال حبات التين المجفف على الوصفة اليكم الصور
السلام عليكم
واااو جوعتيني وشهيتيني فيه
ودوركا رانا نسالوك بالتفصيل الممل طريقة تحضيره ومكوناته الاساسية
حتى نضيف طبق جديد رائع قسنطيني من الغالية مايا الى مكتبة كوزينتنا هههه
الله يعطيك الصحة شااااطرة ماشاء الله عليك كما عودتينا دوما .
الله يدوم هناك ويشدلك فالوليدات وباباهم .
احتراماتي سيدتي الفاضلة مايا 25.
امممممممممم باينه عليه بنين بزاف
شكلوووو يشهي بزاف
يعطيك الصحة
اوووووووووووووووو مهلا مهلا ياعزيزتي خوخة ردك رائع و مشجع ومعمر بريحة الورود الربيعية
و الله انت المميزة بردودك يا خوخة و طبعا لك الوصفة بالتفصيل الممل
1-قطعة بصل غير مقطع+ ملعقة زبدة او سمن+ قطعة لحم خروف او كيما تحبي يقلى على نار هادئة
2-بعد ربع ساعة نضيف الملح(هذا حسب الظروف الصحية ) + ربع ملعقة فلفل اسود+ نصف ملعقة قرفة مرحية و قليه مرة اخرى مدة 5 د
3-امرقي نصف لتر ماء مغلي( بصح هنا لانني استعملت قطعة كبيرة من اللحم يعني قطعة صغيرة نضيف كمية اقل من
الماء) و خلي اللحم يطيب و خلال ذلك اضيفي ملعقة ص و نصف قرفة لاني نحبها و تنكه الطبق و تعطيه لون
4-من جهة اخرى ضعي حبات من برقوق(عين بقرة) و حبات زبيب من الاحسن نوع كبير الحجم و التين المجفف
les figues
انقعيهم في ماء زهر مدة نصف ساعة
لازمك حبات من شباح الصفراء
لما يقرب اللحم يطيب خرجيه من القدر و صفي المرق و كيلي 2 كيلة مرق مع 1 كيلة سكر انا هذي طريقتي و كل واحد
و طريقتو يعني كانك رايحة ديري سيرو متعودين نديروه بالماء و السكر
رجعي الخليط اللي كيلتيه للقدر و رجعي معاه اللحم و لاني نحب القرفة انا نزيدلو نص ملعقة صغيرة(على فكرة القرفة مفيدة
جدا صحيا خاصة للمراة)
بعد 10 دقائق يكون عقد المرق(يعني رجع سيرو لما يصبح لونه لماع و اصبح ثقيل شوية راهو وجد)
اضيفي حبات البرقوق و التين و الزبييب و اذا لاحظت ان المرق ماهوش حلو زيدي شوية سكر طبعا كل واحد و ظروفه
الصحية في الاخير لما يعقد مليح و يصبح كل شيئ يلمع اضيفي حبات شباح الصفرا وخليه مدة 7 الى عشر دقائق
ما يطولوش بزاف على النار و طفي النار و اضيفي نصف ملعقة ماء الزهر
جهزي حبات من اللوز قشريه و شيحيه و حمصيه في مقلة في شويييييييييييية زبدة بصح على نار خفيفة جدا
على خاطر الطبق فيه شباح الصفرا مخدومة باللوز باقي المكسرات ما شي ضروري اذا مش حاضرين
واش نقولك ياخوخة نهار طيبيه اللي يدخل للدار يدوخ من الريحة الرائعة و النكهة العربية الاصيلة و لما تاكليه تنساي الدنيا كامل جربيه و شوفي
طريقة تحضير شباح الصفرا (ابسط كمية)
300غ لوز مقشر و محمص شوية و مرحي رقيق كيما تاع الحلويات
100غ سكر
تخلطيهم و تلمي ب صفار البيض تحصلي على عجينة ما لازمش تكون جارية يعني الصفار ضيفي بشوية
تشكلي من العجينة حبات شباح الصفرا الطابع نتاعها موجود في الاسواق او شكلي بيدك دوائر نجوم كيما تحبي
غمسي الحبة في بياض البيض و اقلي في زيت على نار هادئة حتى يولي لون ذهبي
بعد ما تكملي كل الكمية حطيهم على ورق تجفيف
و عاودي نفس العملية مرة ثانية
ملاحظة يمكن استعمال الكوكاو بدل من اللوز و لكن النكهة و البنة تختلف طبعا
يمكن خلال اضافة السكر ما تكثريش السكر و تضيفي بعدين عسل بصح نوع مليح انا نديرها هكذا
انه طبق لذيذ و رائع و يتاكل خاصة مع خبز الدار
تخيلي نكهة القرفة+ اللوز+برقوق+زبيب+لحم+تين ولا في الاحلام
واذا حبيتي تحطي المشمش المجفف بدلا من التين تجيك روعة ايضا
انا اليوم درتو هذا الطبق و ما كانش حاضر المشمش
الردود لمليحة حبيبتي بفضل تشجيعكم ووصفاتكم اللذيذة كيما تاعك لي تخلي الواحد يعبر تلقائيا من حلاوتها
المهم
الله غالب راه جا الميسيو وماقدرتش نقراها كلها
غدوة نقراها مليح ونحفظها فالميكرو وأول ضيف يجي نزدملو بهاذ الطبق القسنطيني الشهي من عضوة متميزة
دمتِ رائعة حبيبتي مايا
رائع جدا مايا يعطيك الصحة
وخالوهم يرتاحوا مدة 10 دقائق
ط
وكي نحبوهم مالحين نقصوا السكر ونديروا الملح ونعمروهم بالبطاطا والفرماج او اللحم المرحي والخضر انت واش تحبي
