الوسم: dana

في اناء على النار نضع3 ماطيشات محكوكين ونزيد عليهم الثوم والربيع والملح والكمون والبزار وشوية فلفل احمر وزعفران ملون ونخليوها تتشحر شوية منبعد نزيد الفول طري ونخلوه يتشرب شوية من ديك الدغميرة تم نضيف الماء الكافي اللي يطيب لينا الفول وكي قريب يطيب نضيف الحامض مرقد

الفول مسمار البطن يعني اللي ياكله
مايحسش بالجوع الله يبارك طريقتك مخالفة لينا
وزاد البرد هدا واش يليق

امممممممم يشهييي..يعطيك الصحة

يمي يمي بشوي علينا يا دانا الجوع دار فيا حالة

يا الهى كم احب الفول يبدو طبقك هدا لديدا يم يم يم

يسلمو يادانة راكي دوختينا بسحر اكلاتك

عندك الصحح حبيبتي نوالو هذل واش يليق للبرد غير القطنية.نورتي موضوعي حنونة

ربي يبارك فيك الحبيبة كلك ذوق

لهلا يحوجك حبيبتي انا نطيب لاختي اللي تحب انت غير تدللي هههههه

هههههههههههه اسمي فلفلول واحب الفول واحب انواع الطعام والبقول هههههههه.
نورتيني حبيبتي نزهة.

هادي غريبة كتجي هشيشة وبنينة والكمية انت ممكن تضبطيها حسب اللي تبغي.

نحتاج الى=
زلافة زبدة العبار ذايبة + زلافة زيت + زلافة سكر + زلافة مخلطة جنجلان ولوز مسحوقين +شوية قرفة + مسكة حرة +ملح +3خمارات + شوية خميرة معجونة + الطحين حسب الخليط
نخلطوها بلامانعجنوها باش تجي مبسسة ثم نعملوها في الثلاجة ونخليوها تبات من بعد نعملوها في الميكسور ونطحنوها بعد ذلك نكوروها ونعملوها في طاوة الفرن ونرش عليها شوية قرفة من فوق وندخلها الفرن مع مراعاة النار تكون في وجه الحلوى باش تتشقق .
والف هنا وشفا

انا من النوع لي ميحبش الغريبية لكن ميمنعش نشكرك على مجهودك يعطيك الصحة

يعطيك الصحة موفقة

شكرا لمروركم العطر حنوناتي انا نموت على الغريبة ومانحبش بزاف حلوى تاع اللوز هههههههه نديرها وماناكلهاش

يعطيك الصحة حبيبتي تشهي لغريبية خليلي شوية ههههههههه………حبيبتي دانة واش معناها زلافة

هي اللي نشربوا فيها الحريرة والشوربة دلال .
نخلي ليك الحبيبة غير اجي نوريني

انا العكس نموت على الغريبية بصحتكم يسلمو اليدين

تسلموا لي حبيباتي ربي مايحرمنيش منكم

السلام عليكم حنونات هذا عشايا اليوم راه باقي سخوووووون هههههههههههه صورتو وهو باقي على الفحم .والله ماكاين ماحسن من الاكل اللي يطيب على خاطرو على الفحم وبدون اضافة ماء فقط الخضر طيب بالماء اللي يخرج منها.

ممممممممممممممممممم ماشاء الله داتا يشهي بصحتكم حبيبتي

مشحر و معسل و مختر و باين بنين الله الله على الطاجين يعطيك الصحة يا لالة شاطرة

روعة دانا
هذا الطاجين المغربي تاع الصح
يعطيك الصحة

الله الله ريحتو وصلت لعندي

الله الله يشهي

طاجين على اصولو الله الله بالصحة والراحة

امممممممم الله الله يعطيك الصحة اختي ..نحب اكلات لي تطيب على الجمر

الله يعطيك الصحة الحبيبة ردك اللي يفتح الشهية هههههه

اليوم عملت طارط التفاح وقلت نحطهالكم
استعملت عجينة الصابلي ودرت فيها: 300غ فرينة +150غ زبدة طرية +70غ سكر +فاني+بيضة
نخلط هاد المقادير نبسو الفرينة مع الزبدة والفاني والسكرتم نضيف البيضة ونلم العجينة بلا مانعجنوها تم نعملوها في بلاستيكة ونوضعوها في الثلاجة مدة 15 دقيقة تم نبسط العجينة بالمدلك ونعملوها في المول ونتكوها بالفرشيط وندخلها الفرن تطيب نصف طيبة.
الكريم باتيسيير:3 اصفر +50غ نشا+100سنيدة+نصف لتر حليب
نعملو الحليب يغلي مع السكر
ناخذ البيض مع النشا ونضرب بالميكسور تم نضيف عليه شوية حليب تم نضيف هدا الخليط للحليب ونحطوه فوق النار حتى يعقد من بعد نخويوه فوق لاباط ونعملو التفاح مقشر ومقطع رقيق ونرش عليه القليل من السكر وندخله الفرن من بعدما تطيب لاطارط ويتحمر التفاح شوية نخرجوها ونخلوها تبرد تك نجهنوها بالناباج وادا حبيتو رشوا عليها شوية رقائق اللوز

مممممممم تبدو لذيذة يعطيك الصحة

يعطيك الصحة
تسلم إيدك

مممممممممممممممممممممم شحال بنينة وكلها شحال زوين
تبارك الله عليك يالحبيبة علاش ماكتحطي اسمك على الصورة باش مايسرقوهاش ليك

ممممممممممممممم باينة تهبل

ربي يسلمك حبيبتي اسعدني تواجدك بموضوعي حنونة

ربي يخليك حنونة .نورتيني حبيبتي

بارك الله فيك اختي .الله لايحرمني من تواجدك بمواضيعي حبيبتي مون

ربي يخليك حبيبتي لؤلؤة اخجلتيني ههههههه .والله كنت عيانة ونسيت حطيت الصور بلا مانكتب اسمي

عملت مسيمنات او مليويات كي كنقولوا احنا وقلت نصورهم لكم وهوما سخان مع الوقت ديال الكاسكروط دابا هههههههه نتمنى يعجبوكم راهم مورقين ماشاء الله ههههه.
عملت كمية من الفرينة وكمية من السميد الرقيق وشوية ملح وماء دافئ عجنت حتى تجانس الخليط ودلكته غير شوية وعملته في بلاستيكة وخليته حتى ساليت شغلي على خاطري وبديت نورقه اكيد الكل عارف الطريقة انا في التوريق كنستعمل الزيت مخلطة مع الزبدة دايبة والسر باش يجي مورق هو فهاديك الزيت والزبدة اللي كنورق بيهم كنعمل شوية خميرة حلوى ووقتما سرحت العجينة ودهنتها كندردر عليها شوية سميدة ونطوي كما الكل عارف ومنين ننهي الكمية اللي عندي نطيبها وبالصحة

شكرا لمرورك العطر اختي

امممممممممممممممم شهيتيني هاتي شوية يعطيك الصحة

ممممممممممممممممممم انا نحبهم بزاااف بعتيلي غير وحدة ………….

يعطيك الصحة يا الفحلة …
أنتوما ثاني تعملوهم في المغرب …و إلآ تعلمتيهم هنا ؟؟؟؟
جاوك هايلين

هكدا نبغيك امطرينا بكيفيات من عندك يسلمو يديك
حتى انا موالفة نديرهم وراني حاطة طريقة ملوي

اممممممممممممم عاودي ديريهم وعرضني

السلام عليكم ورحمة الله تعالى وبركاته.
اليوم نقدم ليكم فريزيي على طريقتي.
اول شيء الجينواز مقاديرها بسيطة لاني عملتها صغيرة.
نحتاج:
2 بيضات+100 غ سكر+قبيصة ملح+فاني نضربوهم مزيان مزيان حتى يتضاعف حجمهم من بعد نضيف 100غ من الفرينة المغربلة مزيان ومخلطة مع خمارة الحلوى ونخلط بواسطة ملعقة خشبية حتى يندمجو من بعد نعملها في المول يكون مدهون بالزبدة ومرشوش بالفرينة وندخلها الفرن تطيب ومن بعدماتطيب نطفي الفرن ونخليها ونفتح الباب هادي استوس للي تهبط ليه الجينواز.منبعد ماتبرد نقسموها على 2.
نوجد السيرو اللي هو عبارة عن 2 كؤوس ماء+كاس سكر وفاني نعملوهم على النار كي يغلي نخليه شوية ونطفي عليه.
وبالنسبة للكريم انا ماعبرتش خديت الكريم فريش ضربتو غير شوية مع كمية من السكر حسب الذوق ومن بعد ضفت ليه شوية جبنة كريمية واللي عندها الماسكربون تعملو ومن بعد ضفت كمية معتبرة من كولي الفريز المصفى حسب الذوق انا نذوق ونضيف حتى حصلت على الذوق اللي بغيت وضفت 2 اوراق جيلاتين ماتخافوش ادا شفتو الخليط شائل لانو لازم يكون سائل شوية.نخلوه عل جنب.

ناخذ اطار مربع او دائري وندهنو من الداخل بالناباج من بعد نقسم الفريز وندورو بيه الاطار كامل من بعد نديروا قطعة من الجينواز ونبللوها بالسيرو مزيان من بعد نكبوا كمية من الكريم فوقها ومن بعد نضع كمية من الفريز المقطع طريفات ثم نديروا طبقة اخرى من الجينواز ونبللوها بالسيرو ونزيدوا نديروا كمية من الكريم وندخلوها للمجمد حتى تشد راسها مزيان من بعد ناخد كمية من الفريز ونطحنوه مع كمية من الفريز ونصفيوه ونضيفوا ليه ورقة جيلاتين مدوبة ونخلطوا مزيان ونكبوه فوق الحلوى وندخلوه الثلاجة حتى يشد راسو عاد نزينوها كما حبينا وبالصحة.

رائعة رائعة جدا دندون توحشناك وجيتينا يهاد الكيكة تهببببببببل
اليوم ماعنديش كريمة كون درتها لسهرية
بصحتك دندونة

روووووووووووووعة شكرااااااااااا

الله الله اعليك يااختي دانا كيما اتقولو ازوينة الله ايبارك
الفراز راه ينطق بصحتكم

انت الاروع مديرتنا الحبيبة والله لك وحشة حبيبتي.
الله يعطيك الصحة حنونة اتمنى تجربيها وتعجبك بالصح اذا عملتيها لازمك تخليها في المجمد شوية تشد روحها على الاقل 4 ساعات وكل ما بقات كلما المذاق جا بنين .

تشهي شكراً على الوصفة دانة

راهي تشهي راح تنطق من جمالها واكيد بنتها لا تقاوم تسلمي ياغالية على الوصفة الرائعة

يم يممممممممممممممم تشهي يالحبيبة يعطيك الصحة يالغزالة روووعة كروعتك حبيبتي بصحتكم

مرورك اروع حبيبتي الف شكر.

اه لازم باردة باذن الله نجربها قريبا راه الفراز داخل بقوة ماشاء الله

[SIZE="5"]السلام عليكم ياحراير كيما وعدتكم ونزولا عند طلب الاخوات هدا قاطو موس اوشوكولا اللي عملت في العراضة اللي نزلت ليكم.

علما اني فايتة عملتو ونزلتو ليكم في المنتدى والرابط هاهو

موس الشوكولا من يد dana

فقط انا قسمت مقادير لاموس على جوج لاني عملت الطبقة الاولى من الموس يالشكلاط الاسود والطبقة التانية من الشكلاط بالحليب
ملحوظة= اذا حبيتي المذاق يجيك بنين بحال ديال الباتيسري استعملي شكلاط فيه نسبة الكاكاو عالية كتجي روووعة وبنييينة بزاف

جاء في وقتو الله يخليك

شكرا دانة

العفو حبيباتي طلباتكم اوامر

بكل سرور احبيبة

رووووووووووووووووعة دانة مبدعة الله يبارك

ردودك اروع اختي ودائما محفزة ومشجعة بارك الله فيك احبيبة

يمي يمي تحفة يا ختي Dana
بصحتكم شكراااااااااااا

السلام عليكم حنونات.
لعمل هاد المسقعة حاجتنا ل:
300غ من الروزمسلوق مع الملح +4 دنجالات مقطعين شرائح بالطول ومقليين نصف قلية+كيلو الا ربع بطاطا مقطعة شرائح رقيقة بالطول ومقلية نصف قلية +نصف كيلو كفتة يعني لحم مرحي ومتبل +4فصوص ثوم + هريسة حسب الذوق + ملعقة كامون كبيرة + ملعقة فلفل احمر كبيرة + قزبور ومعدنوس + معلقة كبيرة طماطم مصبرة + 2 معالق كبار عصير الحامض + ضامة البنة تاع البقر.

حاجتنا كذلك للصوص بيشاميل كالتالي نصف لتر حليب+ 2 معالق كبار طحين + معلقة كبيرة زبدة + شوية ملح + جوزة الطيب + فلفل اكحل {نحضروا البيشاميل بوضع الطحين مع الزبدة فوق النار حتى يندمجو تم نضيف الحليب ونحرك حتى يدوب الطحين ونضيف الملح والبزار من بعد مايختر نزولوه من فوق النار ونضيف جوزة الطيب }مالازموش يكون عاقد بزاف.
ناخذ الروزنضيف له القزبور والمعدنوس والطماطم المصبرة وباقي التوابل اللي ذكرتها من قبل ونضيف 2 معالق زيت
بعد دلك ناخد صينية الفرن نعملو فيها نصف كمية الدنجال تم نضع طبقة من الروز وكمية من البيشاميل فوقه ونضع نصف كمية البطاطا تم نضع اللحم المرحي تم ماتبقى من الروزونزيد طبقة اخيرة من الدنجال تم البطاطا تم نضع لاصوص بيشاميل ونرشوها بالفرماج محكوك وندخلها الفرن تكمل طيابها
وبالصحة اتمنى تعجبكم
[img]https://im40.gulfup.com/Py9ww.jpg[/img]

بصحتكم اختي دانا….باينة روعة…………من فضلك ادا قدرت صوريلي المول تاع الهمبورغر باش نشري كيفو

الله يعطيك الصحة حنونة.شكرا لردك حبيبتي
ان شاء الله نصورو ليك كي يجي خويا لان تيليفوني ماعادش يصور راني غير بهاتف خويا علابيها مانصورش المراحل غير الطبق النهائي.

يادانا يادانا واش عملتي فينا بأطباقك الشهية منظر البيشمال السايحة والروز يخلي العبد عينيه يخرجوا على الصحن واو يالفحلة الله يبارك وعين ماضر غاليتي

ربي يخليك الحبيبة عينك اللي جميلة فلتي نورتي المنتدى وفرحت كي شفتك رجعتي اختي.حاولت نبعث ليك رسالة لكن بريدك مملوء لازمك تمسحي بعض الرسائل.مرحبا بيك معانا من جديد

ربي يخليك ياالزين ديال المنتدى كتفرحني ردودك دائما غاليتي

ربي يحفظك اختي دانا هادا من دوقك العالي حبيبتي راني محيت كل الرسايل وعندي نهارين من لي دخلت نظرب طلة على الاحباب ونخرج كل يوم نقول نراسلك ونعجز قلت من لي رجعت ماشفتش حببتي دانة واليوم حكمتك هههه

يمممممممممم يمممممممممممممم واش نقول دانا يشهي يهبل

ردودك اللي تهبل وتفتح الشهية حبيبتي لاتي بارك الله فيك

السلام عليكم ورحمة الله تعالى وبركاته اخواتي العزيزات
توووووووووووووووووووووووووووحشتكم بزاااااااااااااااااااااف
كنتمنى من الله تكونو كلكم بخير
عواشركم مبروكة ان شاء الله والله يبلغنا رمضان اجمعين غير فاقدين ولا مفقودين ويجعلنا فيه من الفائزين
اليوم حبيت نقدم ليكم حريرة مغربية بمناسبة قرب شهر الخير وكيما تعرفو هو طبق رئيسي في المائدة المغربية ولو انها ماتخطاناش حتى من غير رمضان
نبداو على بركة الله:
الصراحة انا مانوزنش غير عيني ميزاني بالصح حبيت نقرب ليكم المقادير :
200 غ قطع لحم اي هبرة مقطعة مكعبات وممكن الاستغناء عنه
نصف كيلو طماطم منقية ومن الاحسن نحيذو لها الزريعة
كاس كبير حمصمفزك من قبل واللي يحب يفركو انا يعجبني بقشورو

نصف كاس عدس
نصف كاس صغير زيت
2 معالق كبار طماطم مصبرة
ربطة كرافص
ربطة مخلطة قزبور ومعدنوس
بصلة متوسطة مفرومة واللي مايحبهاش تبان يطحنها
100 غ شعرية
100 غ طحين او حسب واش تحبيها خفيفة او ثقيلة انا نديرها بين وبين
نصف معلقة خرقوم
نصف معلقةفلفل اسود
معلقة صغيرة سكنجبير
معلقة صغيرة ملح
معلقة صغيرة سمن مغربي
راس معلقة قرفة
في كوكوط نضع الزيت واللحم على عافية متوسطةتم نضيف البصل ونقليهم شوية تم نضيف الطماطم من بعذ مانطحنوها ونضيف الحمص والعدس والكرافص والقزبور والمعدنوس والتوابل ماعذا السمن ونخلطو مزيان تم نضيف حوالي لترين وربع ماء ونغلق الكوكوط حوالي نصف ساعة ونحلوها نتاكدو من نضج المكونات تم نضيف الطماطم المصبرة ونحرك ونخلط الطحين بالماء حوالي ربع لتر ماء نخلطوه مزيان حتى مايبقاوش فيه الكويرات تم نضيفه للحريرة ونحركو ونخليوها شوية ونضيف الشعرية مع الاستمرار في التحريك من 10 الى 15 دقيقة باش تغلي مزيان ويطيب الطحين تم نضيف السمن مرات كنضيفو من الاول اذا كان عندي سمن زوين اما ادا كان سمن ماشي زوين نخليه للاخر باش يعطيني المذاق
وبالصحة والراحة اسفة على الاطالة

تسلم يديك حبيبتي ألف صحة وعافية

اهلاااا بيك دانا نورتي
اممممم الحريرة راهي تشهي صحيتي
سلمت يداك و بصحتكم

شكرا على الوصغة
حنا هنا فالبلاد نسموها الشربة اما الحريرة ما نستعملوش فيها الشعرية و نديرو تشيشة

الله يسلمك الحبيبة ربي يخليك
ان شاء الله تجربيها وتعجبك

الله يسلمك الحبيبة ويعافيك نورتي صفحتي حبيبتي ساندريلا

ترحب بيك الجنة الحبيبة النور نورك والف شكر على كلامك العسل

الله يسلمك احبيبة
احنا الحريرة هادي هي طريقتها وكاين اشكال اخرى بالدشيشة والشربة نعملوها غير

السلام عليكم حنوناتي اليكم بسبوسة الفستق المشاركة بيها في مجموعة الطبخ "كل واشكر وطبق وحمد ربي"
المقادير=
2 بيضات +كاس سكر + كاس سميدة متوسطة او غليضة +نصف كاس زيت + كاس قستق + نكهة بيسطاش ولون اخضر +كاس قشطة +خمارة.
نضربوا المقادير السائلة بالخلاط حتى يتجانسو تم نضيف السميدة والفستق والخميرة ونعملوها في مول فيه بابيي سولفيريزي ونعملوها في الفرن من بعد ماتطيب وتبرد ندهنوها بالقشطة ونرش عليها شوية بيسطاش

راااااااااااائع تغيير جميل
احلى تقييييييييييييييييييم

يا الله منظرها مشهي

شكرا على البسبوسة اختنا دانا
كيف البيستاش كله وماتعجبش هدا اللون
وهدا المذاق مكانش اللي يتردد على اكله بصحتكم
زاد معملتيش العسل يعني ليست حلوة بزاف
والقشطة عوضت العسل ادن تكون خفيفة

بارك الله فيك حبيبتي لاتي والف شكر على التقييم نردو لك في ساعة الخير حنونتي.

بارك الله فيك حنونتي ردك هو اللي يشهي ويفتح النفس.

امين الحبيبة ربي يدومها علينا وعليك وعلى كل المسلمين.
بارك الله فيك الحبيبة كلك ذوق حنونتي.

الشكر ليك حبيبتي نوالو على تشجيعك ولطافتك.
اكيد الانسان لازم يغير مرة مرة وكيف قلتي ماتجيش حلوة بزاف مافيهاش سيرو او عسيلة.

ما شاء الله فريق كول و اشكر ممتاز و يستاهل تحية كبيرة ابداعات و اناقة و جمال و اكيد بنة موفقين دائما بادن الله

يعطيك الصحة يا دانة ابداع ممتاز