الوسم: dana

تطبيقي لمسمن الوردة للاخت DANA وخرج هايل ومورق وانا عملت نفس الحشوة لي دكرتها
وهادا رابط الوصفة مسمن الوردة معمر

بصحتك شهيتيني ونتي باه حشيتيه وهل طريقتو ساهلة

اسعدني مرورك
حتى انا حسيتو بنفس الحشوة لي حطتها الاخت دانا
وطريقتو ساهلة ويجي مورق تحسبي درتي لابات فيلتي

خرجلك هايل
تاكلوه بالصحة

روووووووووووووعه

تسلم ايدك

بصحتكم تاكلوه بالصحة ولهنا وانا درت الطابع وشربنا بيه القهوة بصح ما نعرفش نحط صور حتى نتعلم

شكرا لمروركم

يعطيك الف صحة

يـم يــم يشهي لؤلؤة
بالصحة ولهنا حبوبة تسلم الأيادي إلي طيبت وحطت الصور وشهاتنا هههههههه

السلام عليكم حنونات .
لتحضير هاد المطلوع نحتاج كمية من الفرينة وكمية من السميدة الرقيقة ملح شوية خميرة نتاع الخبز وماء دافئ للعجن.
نحضر العجينة وندلكها ملي ونعملها كويرات متوسطين ونخليها ترتاح شوية.
في هاد الاثناء نوجد الحشو انا عملت بصل في مقلاة مع شوية زيت وملح وفلفل اكحل وخليته يدبال شوية تم ضفت له القزبور والمعدنونس واللحم مرحي وخليتهم يطيبوا من بعد ضفت شوية زيتون مقطع وشوية جبن مرحي وفلفل حار.
من بعد سرحت العجينة كما العادة راكم عارفين بالزبدة مخلطة مع الزيت وعمرت العجينة ولويتها وقرصتها وطيبتها في المقلة الثقيلة وبالصحة والراحة.

الله الله يا دانا تسلم الايادي

وبنفس العجينة عملت وحدين مامعمرينش مابقاليش الحشو هادوا ممكن نعمرهم حتى يطبوا اونعملهم الزبدة والعسل اوكما تحبي.

تعيشي حنونة .ربي يسلمك ويبارك فيك

يمممم يسخفو بصحتك

يعطيك الصحة ويسلم لك هادوك اليدين بصح احنا عندنا في الشرق المطلوع بطريقة مغايرة تماما المهم رانا نستفادو منكم

يعطيك الصحة حنونة تشبه للمحاجب تاعنا

اممممممممممم يعطيك الصحة يا لالة شهيتينا

السلام عليكم حنونات اليوم عملت تشيز كيك بالفريز .شوفوه اذا حبيتوه نزل ليكم المقادير

الله يبارك يسلموا يا دانا
انا نحبوا بزاف بالنسبة للوصفة اكيد نريدها الله يرزقك ما تتمناي انت و المؤمنين

السلام عليكم
خرجلك 4444444444444444444
يعطيك الصحة وطبعا يا ريت المقادير اختي وان شاء الله في ميزان حسناتك
بصحتكم تحياتي للفحلة

اممممممممممممم تشهينا بلا لاغزسات حرام عليك ههههههههههههه

السلام عليكم ورحمة الله بصحتكم يادانة مممم يشهي ونريد الوصفة

أين الوصفة يا دانا

امممممممممممممممم حطيلنا الوصفة راني نستنا

اممممم غزيول الله الله بليز الوصفة

واو الله يبارك جاتك رووووووووووووعة وحاجة باينة الوصفة نحتاجها والله حفزتيني حابة نجربها …يعطيك الصحة

السلام عليكم ورحمة الله تعالى وبركاته
نقدم ليكم بسبوسة كتجي رائعة ومن الذ البسبوسات اللي جربت وعجباتني بزاف
نحتاج 2 بيضات

نصف كاس سكر
كاس زيت
علبة قشطةواللي مالقاتش تستعمل ياغورت طبيعي
كاس سميذ متوسط
ملعقة خميرة الحلوى
ملعقة فاني

مقادير الحشو
كاس ونصف ماء
3 ملاعق كبيرة حليب بودرة
3 ملاعق نشا
ملعقة سكر
3 جبن كيري
نخلطو مقادير الحشو في الخلاط تم نعملوها في كسرونة فوق النار حتى تثقل

في صينية مذهونة نضع نصف خليط البسبوسة من بعد مانخلطهم مع بعض ونذخلها الفرن الى ان تتحمر شوية من بعد نخرجها ونضع الحشوة ونرجعها الفرن 3 دقايق فقط الى ان تتماسك شوية تم نخرجها ونضع بافي خليط البسبوسة وندخلها الفرن الى ان تتحمر وتنضج ومن بعد مانخرجوها نسقيوها بالشربات

بصحتكم يا لحبيبة الله الله علييييييييك

الله يعطيك الصحة الحبيبة نورهان
توحشتك بزااااف والله وتوحشت مواضيعك اللي تهبل عن ادوات المطبخ والبيت

امممممممممممم تشهي يعطيك الصحة حنونتي

وعليكم السلام بسبوسة تشهي تسلم يديك اختي

روووعه تشهي بصحتكم
و مشكورة على الوصفة دانا

ة تشهي تسلم يديك اختي

يعطييك الصحة يا دااااااااانااااا الله يبارك

الله يسلمكم ويبارك فيكم اخواتي الحبيبات
مروركم على صفحتي شرفني واسعدني

هذا ديسير خفيف عملتو صراحة من اختراعي ندوزا لمكوناتو وطريقة عمله عملت فلون بالشكلاط وخليتو في الثلاجة حتى شد راسو مليح تم خديت الكريم فريش غليتو شوية وعملت فيه الشكلاط باش يدوب تم خلطتو مع شوية كريم شونتيي يعني موش او شوكولا من بعد جبدت الفلون من الثلاجة وعملت فوقه شوية بيسكوي بللتو بشوية قهوة تم عملت فوقو الموس اوشوكولا وزينتو بخطوط الكراميل واللوز ايفيلي والفريز من الجناب .
اتمنى يعجبكم والله غير جا هايل ههههههه نشكر روحي

ديما هايلة يا اخت دانا……………واصلي مشكورة

ربي يخليك ويبارك فيك حبيبتي ام عبد الماجد ردودك دائما تفرحني ربي مايحرمنيش منك اختي.

merci

الله الله على دانا وعلى الفريق الاحمر
هايلة تستحقين ختم التميز للوصفة المبتكرة
في انتظار المزيد منك

شكرا على الوصفة الرائعة

ممممممممممم تشهي كي العادة دانا الغالية تسلم الايادي اللي من دهب

الشكر ليك حبيبتي لتواجدك بموضوعي

ربي يخليك حبيبتي ام سيرين الفضل يعود لتشجيعاتكم المتواصلة.
ان شاء الله نكونوا قد تطلعاتكم ونرد ولو القليل لمنتدانا الغالي اللي تعلمنا منو اشياء كثيرة.

الشكر ليك انت حبيبتي على ردك الرائع ربي مايحرمنيش منك حنونة.

عملت الشوارما في الاطباق ورافقتها بالبطبوط شغل يدي هههههههههه اللي حب يعمل ساندويتش اوياكلها بالفورشيط ورافقتها بصلصة الزبادي.

يالله بصحتكم راها باقية سخونة تفور الدخان يخرج منها ههههههههه

الله يعطيك الصحة الحبيبة شوية وصافي ههههههههههه

ههههههههه يااختي وين نجي انا قدام الاخوات ماشاء الله حادقات.
غير سكتي برك لاطاي مانكان هههههههههههههههههه

الحبيبة باش تسماني مالازمكش الشوارما لازمك الرفيسة والطعام ولي باط والطواجن مع خبز الدار والحلويات هههههههه

اممممممم جوهتينا ههههه.

بصحتكمممممم

ايه يالغزالة راكي قايمة بالحال الدعوة حاكمةههههههههههههه بصحتكم شهيتني هذا هو الريجيم الي تفهمنا عليه

ماحلاها كي تكون خدمة يدك

السلام عليكم حنونات.
لايخفى عليكم اني من محبي الشوكولا نموت عليها.
عملت موس الشوكولا وصورتو قلت نحطو ليكم تشوفوه وتقولوا لي رايكم.اما المذاق فهو جد راااائع والله مانشكر روحي خويا مات عليه.
كثرت عليكم الهدرة ندوزو للمقادير.
مقادير الكيك= 4 اصفر بيض نضربوه مليح مع 125 غ سكر تم نضيف له 60غ دقيق ممزوج مع 20غ كاكاو.
نضربوا ابيض 4 بيضات مع قبيصة ملح حتى يصبح كالتلج ثم نضيفوه للخليط الاول وندخلها الفرن طيب.
كي نخرجوا الكيكة من الفرن نديموليوها ونخلوها تبرد من بعد نعملوها داخل قرص اواطار كما تحبوا.
ندوزوا للموس.
مقادير الموس=500غ شوكولا سوداء +250 غ كريم فريش +100 غ كريمة مخفوقة +ورقة جيلاتين
ندوبوا الشكلاط في حمام مريم كالعادة .تم نغلي 250 غ ديال الكريمة ونضيف لها الجيلاتين من بعد نضيفوها للشكلاط ونخلوه بيرد من بعد نضيف له 100غ ديال الكريمة المخفوقة ونعملوا الخليط فوق الكيكة وندخلها التلاجة او المجمد تشد راسها مزيان من بعد لكم الحرية اما تغلروها بالكاكاو او تعملوا بحال درت ليها القاناش.
للامانة هاد المقادير تاع الموس بقالي منها شوية عملتو في كؤوس فردية مع البيسكوي وزينتو بالشكلاط دايب والفواكه جات تحفة لكن للاسف ماصورتهاش.

هذا لاول وحدة ترد ههههههههه

اممممممممممممم يشهيييييييي

انا نديييييه ههههههه

يعطيك الصحة يا الحنونة

اكييييييييييييييييييييد انا يا سلام هايلة من يديك يا داتا بصختكم

قوليلي اختي دانا
المول لي استعملتيها شحال القطر ديالها ؟

خوذيه الحبيبة بصحتك تستاهلي هههههههه.

الله يعطيك الصحة حبيبتي ليلى كلك ذوق تسلمي لي

المول اللي استعملتو فيه 24 سنتيم.

روعة دانا والله شهتيني
جاري تجريبها في اقرب وقت
تسلم الايادي

ردك اروع حبيبتي ام سيرين.جربيها انا اكيدة رايحة تعجبك كما عجبتني.

روعة تشهي…………يعطيك الصحة

السلام عليكم
هادي عراضة بسيطة عملتها لما كنت في بيتنا خويا عرض على صاحبو يتغدى معاه وعملت هاد الاطباق اتمنى تعجبكم
والصور درتها في الكوزينة لاني مادخلتش عندهم وعيب نصور قدام الضيف ولات فينا بلية هههههههههه

اذا عجبتكم اي حاجة نحط ليكم الوصفة في القسم الخاص بيها
شكرا لمروركم الطيب

هايل يا دانة يسلما ايديك انا حطيلي كيفاش درتي لا تاغت وبصحتكم

رااااائعيييين يسلمو حبيبتتتتتتتتتي

ما شاء الله يعطيك الصحة
اما بالنسبة للوصفات
احم احم انا ما عندي وقت ما عندي مورال
اذا عرضتيني عندكم ودرتيهملي …. ماشي خير؟ ههههههههه

دنونة حبيبتي الله يبارك راني ميتة بالجوع ونطيب فالفطير للقهوة كي دخلت موضوعك ما لقيتش روحي وسط هذا الابدااااااااااااع اممممممممممممم

ما شاء الله نروح نشوف فطيري هو ينحرق ونرجع ليك هههه

يعطيك ألف عافية

اممممممممممم الله يبارك
حطيلي طريقة الدجاج المحمر

هاد الطرطة تختلف على اللي كنت نزلتها من قبل لانها كطيب في مرة من بعد نوجدو الكريم باتيسيير ونعملوه فوق لاباط ونستفو فوقو التفاح اللي طيبناه من قبل مع شوية زبدة وشوية سكر ولافاني مانخليوهش بزاف غير نشوفوه بدا يدخلو الطياب نحيوه كيجي بنين.

يعيطيك الصحة هاذا اكثر من بسيط كيما تقولو بالصحة والراحة

يعطيك الصحة اختي دانا و اتمنى ان تعيدي لي وصفة عجينة الهمبورقر لانني بعدما طبقتها احسست ان الوصفة فيها خلل ما…

الله يعطيك الصحة الحبيبة نورتي الموضوع

ربي يخليك الحبيبة .
شنو اللي وقع ليك فهميني باش نقولك فين كاين الخلل.
انا كنديرو الحبيبة والله عمري نزلت شي وصفة غير مجربة

جاني الماء ياسر اظن انك اخطات في مقدار كمية الفرينة فاتمنى ان تعودي للوصفة و تقولي لي هل المقادير كلها مضبوطة و شكرا حبيبتي على تفهمي….

حبيبتي نصف كيلو فرينة وهي كتجي جارية لاننا كنعملوها داخل لي مول ديال الاقراص وكتطيب فيهم هذا هو السر اللي يخليها تجي خفيفة اتمنى تكوني فهمتيني واذا ماعندكش لي مول عملي السوائل وعاد ضيفي الفرينة وشوفي القيس اللي تهز ليك

اه…………….قوليلي ظننتها تجي كيما عجينة البيتزا لانه ما عنديش لي مول……..مادا افعل

السلام عليكم حنونات اليوم عملت اللحم مبخر مع الخضر وقلت نزل طريقتي لحنوناتي في المنتدى.

الطريقة: ناخذ الكوكوط ونضع فيها الماء الكافي تم نضع زلافة خاوية ونزل فوقها شبكة نتاع الكوكوط ونزل عليها اللحم و حوالي 4 دروس ثوم وشوية بصل مقطع ونسد الكوكوط حتى يقرب يطيب نفتحها ونرش عليها شوية ملح ونضع الخصر اللي حبيت ونسدها نخلي الخضر طيب مليح من بعد نزلهم في صحن التقديم ونرافقهم بالملح والكمون مممممم ولا اروع وصحي.
نترككم مع الصور ولو ان طريقة التقديم مش حتى لتم لاني حاولت نسرع لانه لازم يتاكل ساخن.

ياحنونة مرحباااااااا بيك نوجد ليك اللي حبيتي غير اجي .انا مشوقة نذوق الرشتة نت يديك حنونة باين طيابك بنين الله يبارك

يعطيك الصحة يا danaانا ندير اللحم في صوص روج +زرودية ممم هكذا نحبها

الله يجعلها عامرة ممممممممممممممم تشهي بصحتكم

emmmmmmmmmmm moi j adoooooooore les salade, w bayn le plat li dertih bnin,
mais dis moi hanouna, lekhiyar kifech zawa9tih haka????

هايله
يعطيك الصحه
يعني خلصتوها خلاص
انا كنت نويت نطمع فيها

اممممممممممم جوعتيني

ميم انا نحبه بالصوص حنونة لكن مرة مرة نعملو ناشف هكذا من غير لا زيت لا والو.
اسعدني مرورك العطر حبيبتي

امين يارب كل بيوت المسلمين.
الله يعطيك الصحة وكل ماتتمناي الحبيبة احلام