المقادير:
1 كوب فرينة
1/2 كوب كاكاو مطحون
1.5 ملعقة صغيرة خميرة الحلوى
رشة ملح
2 بيضة
2 ملعقة فانيلا صغيرة سائلة
3/4 كوب سكر
1/2 كوب حليب
1/2 كوب زيت
للتزيين: 5 مغلف كريمة (دريم ويب) كوب حليب سائل 6 ملاعق كاكاو مغربل علبة كرام فخاش
شوكولاتة (أنا استخدمت 3 حبات ديري ميلكة وذوبتهم ميكوغند)
فستق
فراولة
كوب سكر صغير
الطريقة:
الكيكة:
1) نضع الفرينة والكاكاو الخميرةورشة الملح في وعاء
2) نضع البيض والفانيلا في الخلاط ونخفقة جيداً ثم نضيف الزيت والحليب والسكر ونخلطهم جيداً في الخلاط
3) نضيف ما في الخلاط على ما في الوعاء ونخفقة جيداً (اذا حسيتي انه الخليط جامد بامكانك اضافة كمية قليلة من الماء أو الحليب السائل على بقايا الخليط الموجودة في الخلاط واضافته إلى الخليط)
4) ندهن صينية قطرها 25 سم بالزيت والفرينة ونضع الخليط فيها
5) نضعه في الفرن على نار هادئة لمدة ساعة أو بتتفحصيها بالسكين او بعود رفيع ازا مستوية أو لأ
التزيين:
1)نحضر الكيكة بعد ما تبرد حوالي نصف ساعة ونقسمها من المنتصف بواسطة سكين كبيرة والطريقة الأسهل هي الخيط وذلك باحضار خيط وبتلفيه على الكيكة كاملة وعند نهاية الخيط بتمسكيه من جهة وبتشديه من الجهة التانية ورح يمر من الكيكة من المنتصف ويقطعها من النص.
2) نجهز كمية الكريمة البيضا (5مغلفات الكريمة + كوب الحليب + القشطة) ونخفقهم جيداً
3) نغلي كوب سكر صغير مع كوب ماء صغير وعندما يغلي نضيف جزء من الفراولة ونغليها قليلاً على النار ويصبح لون الماء زهري والفراولة بتطرى ووقتها بنطفي الغاز وبنطلع حبات الفراولة وبنتركهم ليبردو شوي وبنقطعهم قطع صغيرة
3) بنشرب الكيكة (القسمين طبعاً) بماء والسكر الزهري يلي حصلنا عليه من دون ما نخليها مفشفشة من المي وندهن القسمين بالكريمة البيضا ونضع على القسم السفلي من الكيكة قطع الفراولة الصغيرة وثم نضع القسم العلوي من الكيكة فوقها
4) نضيف الكاكاو والشوكولاتة للكريمة البيضا المتبقية وبنخلطهم منيح وبتصير هيك
5)بنغلف الكيكة بكريمة الكاكاو
على أطراف الكيكة من فوق نضيف خط من الكريمة متعرج باستخدام كيس التزيين الخاص بالكريمة وبنركزها شوي ببعض الأماكن
6) نضعها بالفريز مدة 10 دقائق لحتى تجمد الكريمة وتسهل عملية التزيين
7) نضع الفستق المكسر على الجوانب بترفعي الكيكة بايد وبتحطي فستق بايدك التانية وبتصيري تلزقيه عالأطراف .. رح يلزق لحاله وبسهولة كمان وبتصيري تلفي الكيكة وتحطي الفستق … وممكن يكون عندك صحن يلي اله قاعدة مرتفعة وتصيري تلفي فيها بالصحن بدال ما ترفعيها بايدك
8) نضع الفراولة بعد ما دهناها بالماء والسكر (القطر) حتى يعطيها لمعة وشرحناها بالسكين 4 أقسام مع الحفاظ عليها متماسكة من تحت (يعني بنترك حبة الفراولة ماسكة من تحت ونشرحها 4 شرحات بالسكين) ونوزعها بالشكل الذي نريده (أنا وزعت 4 حبات على الأطراف وبالنص 3 حبات مشرحة وفي المنتصف حبة كما هي ووزعت فستق حلبي على الأطراف) وهاد شكلها النهائي ووضعتها بالثلاجة لتاني يوم
وصحتيـــــــــن وعافيــــــــــــــة
– يمزج جيدا ثم ندخله الفرن لمدة20 دقيقة
:26373379_24729924_ 3
