بسم الله الرحمن الرحيم
الحمد لله و الصلاة و السلام على رسول الله
السلام عليكم و رحمة الله تعالى و بركاته
للامانة الوصفة شفتها في النت و جربتها و كي عجبتني حبيت نشارككم بها
المقادير:
ـ 7 حبات بطاطا ( كل وحدة على حساب عدد أفراد العائلة)
ـ ملح.
ـ فلفل أسود.
ـ 1 تون طماطم.
ـ زيت.
ـ ملعقة صغيرة طماطم مصبرة.
ـ فلفل أحمر.
ـ حبة طماطم.
لتحضير البيشاميل:
ـ ملعقة أكل مارغرين.
ـ 2 ملاعق أكل فرينة.
ـ كوبين حليب.
ـ ملح.
ـ 1 فروماج (chef).
طريقة التحضير:
بعدما نغسلو البطاطا و و نقشروها نديروها تغلى في الماء و الملح في هذه الأثناء نحضروا صلصة بحيث نرابي حبة الطماطم و نضيف عليها الملح و الفلفل أسود و الفلفل الأحمر و ملعقة صغيرة طماطم مصبرة و 2 ملاعق زيت و نحطهم على النار
و من بعد كي تغلى مليح نضيفلها علبة التون
و نخليه تغلى حتى تتجانس كل المكونات و بهذا الصلصة تكون جاهزة
دك نحضروا لابيشاميل بحيث نخلط المقادير نحط في كاسرول كوبين من الحليب و نضيف 2 ملاعق فرينة الأفضل نغربلها و نزيد ملعقة تاع المارغرين و الملح و نضعها على النار مع التحريك المتواصل حتى تثقال . غير تثقال نحيها من على النار و نضيفيلها الفروماج و حركي بسرعة باش يذوب و هكذا نعتبروها وجدت.
و في هاذ الأثناء نتفقد البطاطا و إذا جهزت نقطرها و نخليها تبرد و من بعد نقطعها شرائح بالعرض
و نجيب صينية الفرن ندهنها بالزيت و نستف فيها نصف كمية البطاطا و نشرها بالفلفل الأسود و بعدها نضع عليها نصف كمية البيشاميل و نضيف عليها كل صلصة الطماطم و بعدها نضيف الكمية المتبقية من البطاطا و نشرها بالفلفل الأسود و بعدها نضيف الكمية المتبقية من البيشاميل و ندخلها للفرن و نشعللها من الفوق و نخليها تتحمر و بعدما توجد الاحسن تخرجيها من الفرن و تخليها 5 دقائق قبل ما تقطعيها حتى تشد روحها و كي تقطعيها تكون شادة روحها انا غير خرجتها قطعت جزء صغير باش نصورلكم
نتمنى تعجبكم
الله يسلمك أختي
نورتيني بتواجدك العطر
العفوووووووووووو
بارك الله فيك
مشكورة حبيبتي الف صحة وهناء صح رمضانك
النور نورك و العطر عطرك حنونتي ….
