الوسم: العجينة

صباح الخير والورد والفل والياسمين

بسم الله الرحمن الرحيم

بصراحة عندي مدة وانا معتمدة هاد العجينة لانها خفيفة ومضمونة وماتاخدش وقت طويل وهي 1كاس حليب دافئ+مغرف كبيرة خميرة الخبز+مغرف كبيرة سكر+فنجال مليان زيت او ربع كوب اللي كيلت بيه الحليب+ملح

خلطي كل المقادير وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي الفرينة وعينك هي ميزانك زيدي بالشوية وخلطي حتى تتحصلي على عجينة طرية ماشي يابسة ادهنيها بالزيت

وحطيها في كيس انا حطيتها في علبة وخليها تتخمر

في هدا الوقت حضري الحشو انا ماكانش عندي اللحم المفروم عملتو بصدر دجاج طايب ومفتت

في مقلات حطي حبة بصل مقطعة مربعات صغيرة مع شوية زيت وملح

وكي تذبل زيديلها 2حبات كبار طماطم معصورة من الماء اللي فيها ومرحية بدون قشرة+سنة ثوم+ملعقة صغيرة طماطم مصبرة+ملعقة سكر لنزع الحموضة اللي في الطماطم خلي الكل على نار هادئة حتى تتركز الطماطم

وكي تطفي النار زيدي زيتون اخضر مقطع شرائح+الدجاج المفتت ولا اللحم المفروم الطايب في شوية زيت+ 50غ فروماج من الاحسن نوع باربار +علبة تونة طماطم لكن لما يطيب السوفلي مايبانش تماما ذوق التونة وفي نفس الوقت تعطي رطوبة كبيرة للعجينة جربوها على ضمانتي وخلطي الكل

كي تتخمر العجينة حليها على سطح مرشوش بالفرينة وشكليها

حطي الحشو في الجنب وحطي فوقو قطع من الفروماج وادهني جوانب العجينة ببياض بيضة واغلقي وكملي مع باقي العجين
انا استعملت المول

ومادرتش الفرماج مكانش عندي مي وريتلكم الوصفة الاصلية

رشي الفرينة فوق صينية الفرن وحطي حبات السوفلي وادهنيها بخليط متكون من صفار بيض ممزوج مع ملعقة كبيرة قهوة اللي راح تنزعلك زلخة البيض وتعطيك لون روعة للمعجنات وزينيها بالزيتون وبالجلجلان او السينوج حشيشة الشربة يعني وااش حبيتي

دخليها مباشرة لفرن ساخن جدا من فوق وتحت مش راح تاخد اكثر من 5د

كي طايب فتحتها في النص و حشيتها بالبطاطا المقلية و درتلها مايوناز جات روووعة و تشبع يعني مليحة كي تخرجو تحوسو ولا حتى للولاد الصغار يدوها سندويش

****

فلون الطبقات بالفواكه روعة..من مجموعة كول واشكر و احمد ربي

*****

وهاهي النتيجة

نحتاج 800غ فرينة حطيها في الطاس واخبطي باه يخرج الهواء حتى توصلي ل800غ
500 مرغرين التوريق صالحة

نقوم بعملية تبادل بسيطة نقسم المرغرين شرائح نحط منها شريحة مع الفرينة وناخذ فنجان فرينة ونضيفه للمرغرين

نعجن المرغرين مع الفرينة ..ونعجن الفرينة والمرغرين وذرة ملح والماء حتى نتحصل على عجينة متماسكة نغلفها بكيس نايلون ونحطها في الثلاجة حوالي ساعة

الان نبدا عمليات الفرد والطي نبسط قطعة نايلون كبيرة فوق الطاولة نرش شوية نشاء بحيث نستعمل النشاء في كل مرة بدل الفرينة لانه يساعد على التوريق لكن ماتكثروش
ونحلل العجينة وبجانبها نحلل المرغرين بوضع كيس بلاستيكي فوقها بحيث يكون حجم المارغرين ثلثي حجم العجينة

نقلب المرغرين على العجينة

نطوي الجزء الخالي من المرغرين فوق المرغرين

ثم نطوي الجزء الاخر هكذا

نلفها في الكيس ونضعها في الكونجيلاتوغ 10 دقائق وتعتبر هذه المرحلة الاولى نختصر الوقت بدل20 دقيقة في الثلاجة 10 دقائق في الكونجيلاتوغ

نخرجها نضع الحلالة في الوسط ونبدا نحل من الوسط الى اليمين ومن الوسط الى اليسار دائما

نطوي جزء اليمين الى الوسط

ونطوي جزء اليسار الى الوسط

ثم الجزئين فوق بعض

ثم على اثنين

نلفها في الكيس والى الكونجيلاتوغ 10 دقائق هذه المرحلة الثانية

نخرجهاونحللها الى اليمين واليسار نقلب الجزئين الى الوسط ونطبقهم على بعضهم والى الكونجيلاتوغ وهي المرحلة الثالثة

ونضيف المرحلة الرابعة بنفس الخطوات
وبعد 10 دقائق نخرجها ونبدا التشكيل مباشرة انا قسمتهاعلى اثنين

وهنا واجدة

و هذه صور الكوكا بعدما حشيتها بصوص الطماطم و البقية كل واحدة و واش تحب و واش متوفر عندها و طيبتها و قدمتها طبعا للأكل الحقيقة عجبت أولادي بزاف