الوسم: المقروط

كنت حطيتو من قبل هنا وفي البعض طلب مني الوصفه

صورتهالكم خطوه بخطوه

المَقْرُوطْ

نضع في وعاء 2 كيلات سميد متوسط + كيله فرينه + قرصة ملح + مغرف سكر عادى

ثم نضيف 1 خمارة

نخلط الكل جيدا

ثم نضيف كيله نصفها زبدة ونصفها الاخر زيت وتكون كمية الزبده شوي مرتفعه عن كمية الزيت مو كتير شوي بس مثل مو مبين بصورة

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 730×548.

نخلط جيدا بين الايدي

ثم ناخذ القليل من الخليط

و نبدأ نبل فيه بمزيج من الماء وماء الزهر حتي نتحصل على عجينه طريه ومتماسكه

مثل هيك

نشكل حربوش ثم نشكل حربوش من التمر ونضعه في وسط العجينه ونغلق عليه باحكام ونشكل مقروطات اسفه هذه الخطوة نسيت اصورها

اما بنسبه للنقشات

اليكم الطريقه

لما نخلص كل العجين نضعه في صينيه وندخله الفرن على نار هادئه باش يطيب مليح وميجيش خضر من الداخل

لما يحمار من التحت نحمروه من الفوق

ولما يخلاص الطياب نعسلوه في عسل يكون بارد

وتوته توته خلصت الحتوته ههههه

ومن الاحسن تخلوه ليله كامله وسط العسل باش يشرب مليح

بنسبه للحشو

تمر + مغرف زبدة + قرفه+ جنجلان + مغرف او 2 ماء الزهر على حسب التمر اذا كان جاري او لا

وهدا شكلو النهائي

او فيكم تغيرو الشكل

لا تنسونا من صالح دعائكم

اختكم في الله نور الياقوت
38
:57940002_dns70:

تبارك الله عليك هايل

machallah allah yatiki saha

هايل نور يعطيك الصحة وتعرفي انا نحبه مقلي يمييييييييييييييييي ديرو ام زوجي حاجة خيال بنفس طريقتك بصح هي ماديرش الفرينة غير سميد

ماشاء الله راـــــــع شكرا لك اختي

هاااايل يعطيك الصحة

[align=center]روووووووووووووعة فكرة الخميرة جديدة علي جاري التجريب و طريقة التزيين رووووعة يعني باختصار جديد في جديد تسلمي حبيبتي [/align]

[align=center][/align]

[align=center][/align]

انا من المغرومين بالمقورط لكن دايما نحس مايخرجليش كيف ما نذوقو عند الناس
بصح الله يبارك على طريقةك المفصلة في تحضيره نجربو ونترادو لخبر

راح نجربو انشاء الله
لانو في منطقتنا مندروهش بزاف نديرو العادي تاع الكوشة
يعطيك الصحة جاك يشهي

الف شكر على الخطوات اريد ان اسالك ان كنت استطيع استعمال الزبدة والمرغرين

يعطيك الصحة

رائع ام عائشة انا نحبه مقلي نتاع الكوشة ما نحبوش مي المقلي بنيييييييييييييييييين بزاف يعطيك الصحة عزيزتي

شكرا لك أختي بالنسبة لسؤال لم يسبق لي أن جربتو بالزبدة لكن تقدري تجربي كمية قليلة
على كل حال موفقة إن شاء اللهه

بارك الله فيك بالتوفيق راح نستنى تطبيقك الوصفة سهلة إذا إتبعنا الخطوات السليمة

انت الأروع يالغالية

جرّبي وصفتي إن شاء الله تنجحلك

أسعدني مرروك شكرا لك

شرف لي اختي حنان تواجدك في صفحتي اتمنى تجربي الوصفة
أما انا عكسك تماما نحب تاع الكوشة لأنّه قليل وين نعملو بارك الله فيك

أخواتي ليوم حبيت نحطلكم
المقروط المعتمد عندي ويجي هشيش ويدوب فلفم /3غرافي ونصف سميد متوسط أأكد متوسط .غرفية مملؤة خليط زبدة وسمن م.ص قرفة م ص.كبابة .قرصة ملح .حبة ليم محكوكة .citroen .تخلطي كلشي وتغيه وتخليه يبات ليلة باش سميدة تشرب زبدة مليح .جمعي بلمأ و ما زهر نص نص /نمشو للعقدة جيبي الغرس قطعيه وديريه في كسكاس نتاع الحديد مدهون بزيت رشيه بشوية مأزهر وخليه فوق القدرة يفور.كي يفور قلبيه في إناء وزيدي عليه نص ملعقة قرفة ونصف كبابة و 50غ جنجلان محمر وشوية زيت وعجنيه حتى يتخطو

التحضير
ثم ناخذ ماء +ماء الزهر ونبلل الخليط ….فقط القليل من الخليط نشمخو غير بشوية باش مانشفش ناخد العجينة ونعمل تمر في الوسط ونرشم ونقطع إلا أن نكمل نحمي زيت ونبدة القلي على نار وبعد مانكمل نعسلوه ونرشوه بجنجلان يجي يحمق وسر فليم القارص لي ياكله عندي يحسب فيه لوز نتمنى تجربوه ويعجبكم

تبارك الله ….
روعه 5و خموس عليك حبيبتي ….
راهم يسخفوا كامل سني نتاعي.
ههههههه

لكي مني احلى تقييم …
بارك الله فيكي ….

روعة الله يسلم هذوك اليدين

امممممممممممم يشهي

يمممممممممممممممممم الشكل واللون رووووووووووووعة ادن السر في الليمون شكرااااااااا على مشاطرتك لنا اسرار مطبخك

الله يعطيك الصحة نموت على المقروط خرج ليك هايل

يعطيك الصحة نحبو بزاااااااااااف جاك روعة

ماشاء الله يعطيك صحة راه يشهي

الله يبارك هايل يعطيك الصحة

مشااء الله

اسخف يعطيك الصحةة

خرجلك رووووعه
يعطيك الصحة

سلمت يدلك غاليتي
دمت بخير

أممم سخفتيني خرجلك رااائع يعطيك الصحة
أختي ماهي الكبابة ؟

هااايل يعطيك الصحة

المقروط بالتمر على شكل معمول : المقروط بطريقة جديدة

هاد القروط كيجي هشيش و كي شرب لعسل عجبني بزافف الله يعطي لخير للاخوات لي عطاوني الوصفة

مقادير المقروط

500 غ سميد غليظ+ حفنة فرينة
مسكة حرة مدقوقة مع شوية ملح
قرفة +حكة كوزة + خميرة دالحلوى 2 معالق صغار
و زبدة مذوبة و مصفيا من التخت دالحليب قياس لي يرملك الخليط خليوه يشرب شوية المكونات ومن بعد عجنوه بالماء زهر

حشوة المقروط

عجينه د التمر + قرفة + معلقة زبدة + شويه كوزة محكوكة + قرنفل مسمار او جوج مدقوقين + شويه لوز مقلي و مهرمش و شويه ماء زهر
خلطي كلشي و عمري بيه من داخل الكويرات د العجينه دالمقروط و طبعو مقالب ديال المعمول

اي ناخذ عجين المقروط نبسطه نضع في وسطه كويرة من الحشوة و نجمع الاطراف لتشكيل كورة ثم نطبعها بطابع المعمول

يقلى المقروط في زيت ساخن من الجهتين و يسقى بالعسل و بالصحة و الراحة

أنا ثاني نعمله لكن ما نقليهش نطيبه في الفرن

يعطيك الصحة اختي وانا نحبه فالفرن مثل الاخت عصفورة لانه كيجي ناشف ما فيهش زيت كثير

يعطيك الصحة

شهيتني احلى تقيممممم +++++++++++

تغيير جميل في الشكل

الى جميع ا خواتي اعضاء منتدانا الغالي اتمنى ان تشرحو لي كيفية وخطوات صنع مقروط الكوشة بالتفصيل…………. فانا بامس الحاجة اليها من فضلكم وجزاكم الله خيرا

مقروض امجرب وناجح100/100 – منتديات حواء الجزائر | مجتمع نسائي متكامل

مقروط يهبل منقول من شهد العسل

/

مقروط

مقروض تونسي

https://www.dzhawaa.com/vb/search.php…0&pp=25&page=2

السلام عليكم اختي……تفضلي طريقتي في عمل المقروط و يجيك مبسس يذوب في الفم…
1 تكيلي بالباطة تاع سمن المدينة …اذا درت باطة تاع 900غ مثلا ديري كيفها 3 كيلات سميد متوسط….وبسيهم اي حكيهم مليح باطراف اليد وخليه يرتاح مليح اذا بسيتيه الصباح اخدميه في المساء وين يرتاح يجيك مليح.
2 لما يرتاح جيبي ماء دافيء و ماء زهر و ملح حطي شوية ملح عينك ميزانك…و حليه بشوية ماء زهر و زيدي الماء للسميد حتان يتلم….حذاري متعجنيش لميه و دخليه في بعضاه مليح و حطيه على جنب….ساعات اطيحي في سميد يشرب الماء…معناها تلقاي الخلطة يبست زيديها الماء شوية و اكرر بدون عجن و الا ييبسلك المقروط…
3حضري الحشوة عبارة عن غرس مرحي+جلجلان محمص+شوية زبدة+قريصة ملح+شوية قرفة مرحية و اعجنيه و ارخفيه بماء زهر.
4 نهزو شوية من العجينة و نديروها على شكل حربوش و نسطحوه و نحطو فيه حربوش من الغرس و نلفو الحربوش تاع العجينة على الغرس و نطولوه باليد منرقوهش ياسر و منخلوهش خشين ياسر….و نطبعو بطابع المقروط و نقصوه بقصاص مشرشف….و نحطوه في البلا و نقربو الكعب من بعضاهم باش ما يتحرقش..
و دخليه للفرن تقريبا 30دقيقة حتان تشوفيه و لا لونو ذهبي اجبديه و خليه يبرد باش تنحيه و الا يتكسرلك….
و بصحتكم………….

اقول لكي جزاك الله خير على الرد وحقق الله امانيك عاجلا غير اجل

شكرا أختي وأنا من محبين المقروط

الاخوات كفاو ووفاو وان شاء الله توفقين في تحضيره

هذه الوصفة اختي هي التي اطبقها منذ عرفت المقروط و علمتهالي ماما ربي يخليها……و مضمونة100ب100 المهم المقروط ما يتعجنش و الا يجي يابس….كيما البراج و اوسي….غير البراج نقصو في كمية السمن شوية لاننا نطيبوه في الطاجين و ان شاء الله نطبقهم بالتصاور و نحطهم….

الله الله هنانور راكي ناشطة هههههه

مشكورة كثير ام ماجد على الوصفة

السلام عليكم اخواتي في منتدانا الرائع اقول لكم اني صنعت اليوم المقروط وجاء ماشاء الله يخصه شيئ واحد وهو ان تتذوقنه معي مع قهوة المساء لكي يكتمل 100/100 وقد استفدت من نصائحكن جميعا شيئ واحد استنتجته هو ان مقروط السميد بدون فرينة صعب انك تنقشي من فوق بالنقاش لانو السميد يكون احرش فاستعملت مثال المقروط المتعارف عليه وجزاكم الله الفردوس الاعلى جميعا مع المصطفى الحبيب

ربي يعيشكم خاوتي وشكون دارت هدا المقروط تمدلي الطريقة و الكمية و شكرررررررررررااااااااااااااااااااااااااااا:smile06 :

السلام عليكم ورحمة الله وبركاته أختي لولؤة
أنا بصراحة مجربتش هذي الطريقة مي عندي عجينتها على حساب ماشفت فالصورة
المقادير- 2 كيلة فرينة + 1 كيلة سميد رقيق + 1 كيلة سمن و زيت مخلطين و أحسن نديرو ثلثين سمن و ثلث زبدة + 1 خميرة كيميائية + كمشة سكر باش تحمر+ قرصة ملح——– نبسسوهم مليح مليح بكف اليدين وممبعد نعجنوهم بماء الزهر.
انشاء تكون هذه هي الوصفة

merciiiiiiiiiiiiiiiiiiiiiiiii bcp ma soeur w saha mba3ad laftour

hada makan la youjad ta3likat okhra haya karrou bark bl wasfa

عجبتني طريقت النقش هايلة الله يبارك

والله يا لولوا هاد المقروط كان عندي بصح نسيت طريقته باذن الله نحوسلك عليه يلا مش محتجاته دورك او هاد اليومين

الشكل جميل جدا

rani nasanakom parceq nawya ndirou fl 3id brabi nchallah na3tamid 3la rabi w 3likom w merciiiiiiiiiiii bcp rabi yhakakalkom li fi balkom

مممممممممممممممممممم انا شخصيا هبلنى شكل هد المقرود الله يخليكم اعطونى طريقة التحضير والمقادير رجاءا فى اقرب وقت عيد الفطر راهو قريب

مقروط رولي

المقادير

المقادير
: كيلة مارغرين + 3 كيلات سميد + قرصة ملح
الحشو:
غرس مرحي+ قرفة مرحية+ قرنفل مرحي (الكمية حسب الذوق) ثم تلميه بشوية ماء زهر بدون ما يكون ارطب.
طريقة العمل:
بالنسبة للعجينة
نخلك المرغرين و السميد براحة اليد جيدا حتى تتحصلي على رغوة (و هنا السر في نجاح المقروط) ثم نقسمها قرصات و نتركها جانبا
بالنسبة للحشو:
نااخذ النيلون اللي نفرشوه فوق طاولات الاكل و نقص منه جزء حسب الحاجة لانو سوف نحلل فوقه الحشو بالحلال حيث تكون طبقة رقيقة نوعا ما .
ناخذ قرصة من العجينة و نحللها فوق الطاولة، ثم ناخذ النايلون و نحاول ان نقلب االحشو على العجينة، ثم نسحب النيلون برفق.
بعد ذلك نقوم بلف العجينة حوالي 3 او 4 رفات حتى الى 5. حتى نتحصل على حربوش و نزيدو نحربشوه حتى نتحصل على الحجم المعقول لحبة المقروط.
طريقة التقطيع:
لتتحصلي اختي العزيزة على الشكل المطلوب لا بدمن استعمال سكين حاد و ليس بمنشار، ثم نقوم بالتقطيع برفق و ليس بالضغط حتى يخرج شكل الغرس كما في الصورة .
بعد ذلك انقشيه بالنقاش ، و ضعيه في الفرن حتى يطيب ، يمكن ان تقومي بقليه في الزيت شرط الا تكثري من الحشو اي ان يكون طبقة رقيقة جدا.
بعد ما يخرج عسليه مباشرة و بالتوفيق انشاء الله

للاشارة فهو مجرب لكنه يحتاج للصبر و طــــــــــــــــــــــــــــــــــــول البال فقط

للأمانة منقول

تشكرين ياغالية تهبل ..امممممممممم ابعتلي حبة نشرب بيها القهوة

يعطيك الصحة

جك شباب

انا نديرو على شكل بسكوي رولي

نحط عجينة بيضاء من تحت و ندير بياض البيض و نزيد عجينة

بنية و مبعد نلفهم كيما بسكوي رولي و نديرو يطيب

ومبعد نقسموا يجي شباب كاش نهار نحطلكم الصور

يعطيك الصحة خرج هايل

يعطيك الصحة على التغيير الجميل

امممممممممم اني راح انديروا درك سخفتيني

صح فطوووركم و صح عيدكم
هاذو الوصفات لي قلتولي عليهم
المقروط المنقوووش يطيب في الفرن
المقادير:
2 كيلات تشيشة
كيلة فرينة
1/2 باكي خميرة
كيلة مخلطة 1/2 مارغارين و 1/2 زيت
قرصة ملح
و المي بالماء و ماء الزهر و تتركيها ترتاح لساعة واحدة و بعد ذلك تبدءي بعمل المقروط بطريقة عادية و و لكن بدون استعمال الطابع ديري حربوش و ديري في الغرس و من بعد سبطيها شوية برك و قطعي بالموس مقروطات و انقشيها من الفوق بالنقاش و حطيها الطيب في الفرن متحمريهاش بزاااف و من بعد عسليها و ديريلها الجلجلان من الفوق
قاطو القطيفة :
4 كؤوس شاي زيت
4 كؤوس سكر رطب
1 خميرة
4 بيضات
10 ملاعق كبيرة فرينة و تلموها بنشاء انا ملميتهاش بالنشاء درت 6 ملاعق كبار نشاء و لميتها بالفرينة حتى تتحصلى على عجينة طرية جدا
شكلي دوائر و سبطيها قليلا من الفوق و حطيها في الفرن الطيب و متحمريهاش من الفوق

للتزيين:
كأس نواد كوكو محمص
نصف كأس سكر

اممممممممممممم روعة شكرا حبيبتي على وصفة
يعطيك الصحة

الله يبارك خرجولك هبال

merciiiii bassah la couleur kifach dartiha

لا شكرا على واجب و لكن انا لم افهم اي لون تتحدثين عنه
اذا كنت على قاطو القطيفة راه بالكاكاو و النواد كوكو المحمص و السكر العادي تخلطيهم مع بعض و غمسي الحبة زوج مرات باش تتغطى مليح و ديكوري بالشكولا

يعطيك الصحا انا تانى جربت قاطو القطيفا جانى روعة تشكر الاخت لى مدتهولى

lala rani 3la la couleur ta3 almakroud min kbal waritihalna fi al mauve wa blan

حبيبتي انا محطيتش حتى صورة لمقروط بلون الموف … حطيت مقروط بلون ابيض مائل لذهبي يعني ماشي طايب بزاف من الفوق غير شوية عاادي **/** يمكن راكي غالطة ماشي انا ..

امممممممممممممممممممممم

يعطيك الصحة
لكن لمادا تركت اسم منتدى اخر

بسم الله ماشاء الله ، اللهم ادمها نعمة واحفظها من الزوال ، تبارك الله عليك أختي والله يعطيك الصحة

الله يبارك يبان يشهي
يعطيك الصحة

بصحتكم. اختي. تعقيب. صغير. فقط. ماتزيدش. تكتري. الغرس. باش. كي. تطبعي. مايخرجش.
فيه. بعض. الحبات. الغرس. خارج.
تقبلي. نصيحتي.