اليوم جبتلكم المقروط تع تلمسان ان شاء الله يعجبكم
اولآ للعجينة نحتاجو
3غرفيات تع السميد المتوسط
غرفية ليدآم (أنا إستخدمت الزبدة تع لآبال)
حفنة سكر
شويآ كبابة
شويآ قرفة
تبسي كلشي مليح وتخليها ترتاح ليلة كآملة
أما فيما يخص العقدة لآزمنآ
تمر بدون نواة فوريه مليح فالكسكاس زيديلو جلجلآن محمص
شويآ قرفة وشويآ كبابة
وبلليها بماء الزهر
من بعد ناخدو السميد اللي بسسناه مع الزبدة غير بالشوية ونبللوه بالماء + شويآ ماء الزهر
ما لآزمش تعكري مرة وحدة باش ما تنشفلكش
بآقي الخطوآت موضحة في الصور
هنآ لآزملك تضربي الحبة مع الطابلة باش تسوي الطراف وبآش السميد ما يخرجلكش وما تتفرفرلكش الحبة كي تقليها
خلي الحبات ينشفوآ مليح من بعد قليهم في زيت سخونة ولآزم تكثري الزيت
مبآشرة عسلي المقروط نتآعك ومنين تجي تقدميه زيديله تعسيلة أخرى
في أمآن الله
لكن لمادا تركت اسم منتدى اخر
شكرا لمرور الجميع
الله غالب اختي الصور الاصلية ماراهاش عندي باش نرجع نكتب اسم حواء الجزائر فيها
شكرا لمروركن اخواتي
يعطيك الصحة
فيه. بعض. الحبات. الغرس. خارج.
تقبلي. نصيحتي.
شكرا لمروركن اخواتي
مشكورة على النصيحة .. راح ناخذها بعين الإعتبار المرة الجاية
على كل حال هادي أول مرة ندير فيها المقروط في حياتي
كنت نشوف جداتي كي كانت تجي تخدمهولنا بكري وتعلمت غير بعينيا هههه