الوسم: الكاوكاو

مقادير العجينة:
250غ مرقرين،نصف كاس سكر رطب،2صفار بيض ونحتفظ بالبياض،نصف كاس كاوكاو محمص ومرحي رقيق،نصف كاس نشاء،نصف كاس كاكاو اسود،نصف باكي خميرة،فرينة
اما باقي المكونات:

بياض 2 بيض لي كنا احتفظنا بيه قبل،كاوكاو محمص ومرحي خشن،عسل، شكولة

الطريقة:
بواسطة الخلاط الكهربائي نخلط المرقرين والسكر جيدا ثم نضيف صفار البيض ونخلط ثم الكاوكاو المرحي رقيق ونحرك واخير الكاكاو والنشاء والخميرة والفرينة حتى نتحصل على عجينة تشبه عجينة الصابلي نشكل كويرات بحجم 20غ او اقل شوية نحطهم في بياض البيض ثم الكاوكاو المحمص والمرحي خشن ونحطهم في لي كيسات لازم يطيبو فيهم لاننا راح نعسلهم فيما بعد
ندخلهم الفرن يطيبو على درجة180 درجة في هذا الوقت نسخن العسل ونضيف له شوية فقط من ماء الزهر لازم يكون خاثر بعد ما تطيب الحلوى نخرجها من الفرن ونسقيها تقريبا نعمل م ك عسل او اكثر في كل حبة على حسب الحجم لازم نسقيها مليح نخليها تبرد تمااااما ونزينها بخطوط الشكولة

عجبني الاسم ديالو هههههههههه
يعطيك الصحة يا العزيزة دوقينا برك

يعطيك الصحة
باين بنين

تسلم الايادي اختي يميميميم يعطيك الصحة

شكرا لك

وصفات في اتم الروعة
بارك الله فيك

اااااااااااااااااااااااامممممممممممممممممممممممممم
شهيتيني
دوك تبعتيلي حقي
الله يبارك
الله يبقي عليك الستر

كي تلقاو العفسة اسهمونا معاكم
ربي يحفظلك بديك اختي

قوليلي اميرة انت وين تسكني باش نجي نتقهوى عندك العشية هههههههههههه
بصحتكم و يعطيك الصحة

هذاك المخبز الاقتصادي ممكن الوصفة و جزاك الله كل خير

وصفة هايلة يعطيك الصحة حبيبتنا اميرة الساحل على تلبية الرغبة ان شاء الله نجربها ربي يحفظك

رووووووعه يعطيك الصحه اختي

يعطيك الصحة حبيبتنا اميرة الساحل

يعطيك الصحة

راني غير نتبع في الوصفات الجدد

وان شاء الله نجربها قريبا

مشكورة على الوصفة اختي

السلام عليكم و رحمة الله تعالى و بركاته
بارك الله فيك رائع

هد الحلوى حتى هي درتها في نجاح
نتمنى تعجبكم نعطيكم المقادير
1كيلو كاوكاو محمص ومطحون مليح+125غ سكر+1فانيلا+1خميرة+كاس صغير زبدة دائبة+6بياض بيض
250غ جلجلان
في قصعة نحط كاوكاو +سكر+فاني+خمارة+زبدة ونعجنها مليح ونضيف بياض بيض واحدة واحدة حتى يتلم كاوكاو نحلها على شكل هربوش ونضغط عليها ونقطعها على شكل مثلاثات ونحطها في بياض لبيض تم نمررها في الجلجلان ونحطها في صني وندخلها الفرن ولما تطيب نعسلها
ونخليكم مع الصور

تعجبني بزاف هذه الحلوى احنا نسموها الجلجلانية
اممممممممم فكرتيني بيها تجي تشهي

شكرا على الرد حتى حنا نسموها جلجلانية

لاصور

يعطيك الصحة

لا صور

شكرا أختي على الوصفة..

ya3tik el seha nada merci

شكراااااااااااا

طبعا تقدري فقط
ارحيه مليح مع شوية قيس 2 مغارف كبار سكر قلاص
ومغرفة فاني ونصف مفرفة قرفة هكذا تروح شوية الرائحة
كلد قيس السكر نقصي منها مادام معسل والعقدة تكون طرية

المقادير كيلو فرينة 250غ زبدة دائبة 250غ سكر أرطب 200غ لوز و كاوكاو محمصين ومطحونين زيت حسب الخليط قرصة ملح 2خمارة نصف ملعقة فاني …..طريقة الحضير في الكوكوط نضع كيلو فرينة 250غ زبدة دائبة 250غ سكر أرطب قرصة ملح ونمزجهم جيداً ون ضيف الزيت حسب الخليط حتى تتشكل لدينا عجينة نغلق عليها الكوكوط ونتركها ليلة كاملة في مكان دافئ…..غداً نضبف الها 200غ لوز و كاوكاو مطحونين و2خمارة 22غرام…ونخلط الكل جيداً ونكورها كوراة متساوين ونسدفها في صنية الفرن المفرشة بورق الزبدة ندخلها الفرن مسخن مسبقاً ونشعلو عليها النار مهيلة من الفوق هاد هو سر تشقاق مين تحمار وتشقق نشعلو تحتاني ومانغفلوش عليها بلخف الطيب ونسيت نقولكم أنا زينتها بلقرفة مطحونة ونتمنى تجربوها وتعجبكم

الله يعطيك الصحة

امممممممممممم خرجتلك رووووووعة نموت على الغريبية المشققة يعطيك الصحة

44444444444444 وتهبل

يعطيك الصحة

يعطيك الصحة

4444444444444

ام بيسو مهيلة يعني نار قليلة هادية تنقصي في الحرارة تاع الفرن
ام اسيا الله يبارك غريبية تهبل

بسم الله الرحمان الرحيم
حبيباتي نقلكم علاش نضحك راح تقولو واش حكايتها هذي كل ماتحط حاجة غير بالكاوكاو ههههه راح نقلكم أ ولا انا نحب الكاوكاو في المكسرات كل ونحب البنة تاعوا حتى احسن من اللوز عندي ههه هذي اولا
اما ثانيا انوا زوجي شرالي كيلو كاوكاو وهو يحبوا محمر حمرتهولوا كلا كلا حتى كره وما حبش يفض قالي اديه اذا انا كل ما ندير حلويات نحط فيها الكاوكاو ومازال ماحبش يفض تقول قاعد يزيد

واليوم عملت كروكون لي مايفضش من بيتي انا وزوجي نموتوا عليه كل ما تفض بوغث مونجي نزيد ندير وتوتا توتا خلصة الحدوثة

بصراحة شكله واو تحفة مبين خفيف و هش يسلمو

اهلا توينز نعم ختي حقيقة انا نموت عليه يجي خفيف وبنين وخاصة مع حليب وقهوة ممممم

ممكن تحطي لينا المقادير الوصفة انا عمري ولادرتو راجلي غير يشريه مرات ومايعجبنيش
هادا راني نشوف فيه هشيش واكيد بنين وانا نموت على الكاوكاو

شكرا حبيباتي مبعد نرجع ونحط الوصفة ان شاء الله

اذا حطيتي الصور مابانوش عندي
عل العموم يعطيك الصحة

يمممم لكروكون تاعك كيما تاعنا انتي بنتيلي من الشرق ههه

يعطيك الصحة اختي تاكلوه بالصحة والهناء

فكرة الكاوكاو المعالج لكي تنقصي من ذوقه
لكي تروح ريحة الكاوكاو وينشف شوية من الزيت ديالو
حطيه في ورق الجرائد يشرب زيته واتبعي هذه الطريقة
نصف قرعة استري اللوز المر او روح اللوز في 1 كيلو كاوكاو
خدي الكاوكاو نيء ومقشر حطيه في طنجرة وكسكاس حطي الليمون من تحت
ومن فوق في الكسكاس يتفور
وبعدها ينشف
بعد تزيدي له روح اللوز المر وخليه ينشف في الشمس 2يومين
او اشغلي الفور يسخن واطفيه مليح ودخليه ينشف

هنا كيفية الكفتة بالكاوكاو
لكي يتعلب ذوق اعملي اللوز في الحشو مشي بزاف

كيلة كاوكاو مطحون غبرة
كيلة ونصف سكر قلاص
1 مغرفة فاني
قطعة زبدة

يتلم بسيرو يكون خفيف او ماء الزهر كي ترحي الكاوكاو خلطي معه السكر قلاص لكي يترح مليح وتروح الريحة ديالو +لفاني مغرفة كبيرة
الحشو جينواز مطحون

كرام الزبدة
كاس سكر يغلي ونعمل قطرات من الخل ينقص السيرو يثقال نرمي
1 صفار البيض ونخلط بخلاط كهربائي ونفرغ السيرو فوقه *نرمي قطع الزبدة
حتى يصبح كرام متماسك

كيفية
تعملي عجينة كاوكاو + سكر + قطعة الزبدة+ فاني + الملون الغدائي وردي او اللون الي تحبي
تخلطي كل مع بعض والسيرو شمخي بشوية
ختي تصبح عجينة ملساء

الحشو
اعملي جينواز او الموشكوتشو
كريمة الزبدة كمشة اللوز ثم اعملي خربوش
حلي عجينة 1 سم *ادا كان عندي الرولو هو في نفسو ديكور

واعملي الحربوش قومي بلفها اضعطي على الاطراف

قطعيهم مقروطات مثل المقروط
من فوق اعملي زيقزق بخطوط الشوكولا او وردة ورقة حسب الدوق

رووووووووووووعة ويعطيك الصحة …وبارك الله فيك حبيبتي على الافادة ربي يخليك ويجازيك كل خير

يسلمك اختي نعم نتمنى تفيد كم هكدا الواحد يجرب شيء
ويتعلم يعملوا حتى يولي مايهيبش الشيء
يعملوا بسهولة

ما قصة الكفتة المعالجة هذه الأيام ؟؟؟؟هههههههه
تسلمي ليلى
دائما تتحفينا بأكلاتك الشهية

اللوز ماحبش يهبط بدرة غالي الثمن
يبقى كاوكاو مهم تعالج فقط كاين
اللي يحب دوقه كيف كان وكل واحدة وظروفها المادية
المهم الواحد تجرب الطريقة كي يكون اللوز تتحف الحالة

مشكورة كثير على الخطوات وشكل النقش جميل جدا

يسلمك عصفورة نعم التاويل يوجد في السوق انت ودراهمك اختي ولي تحب تلحق ماعليها الا تقتصد وتشريها مهم كان الوقت لكي تتحصلي عليها
المهم انك توجديها عند الحاجة والحلوة تخرج ماشاء الله على حبة
وانا كنري هو ليمول اللي عندي بلاكار معمر بهدا الاشياء وربي يفرج ان شاء الله

خرجتلك ماشاء الله خنونة والله انا ثاني عجبتني هده الفكرة

الفكرة ممتازة
النتيجة النهائية فعلا رائعة
تستحقين ختم المنتدى

السلام عليكم

المقادير

250 مڤارين

كاس سكر رطب

4 صفار بيض

1 خمارة

كاس مايزينة

رشة ڤاني

فرينة

للتزيين

كريمة زبدة ( 150 غ زبدة .. نصف كاس سكر … نصف كاس عسل )
شكولا سوداء و كاوكاو مرحي

الطريقة

خلطي كل المقادير حتى تتحصلي على عجينة طرية

شكلي قلوب
و بعد الطهي لصقي كل حبتين بالكريمة ثم اغطسي نصف الحبة في الشكولاطة
و لما تنشف بالفرشاة و معجون المشمش مرري على النصف الاخر و رشي عليها الكاوكاو المرحي

و صح عيدكم

الله الله عليك جا يسخف..والشكل روعة
يعطيك الصحه

روعة تسلم الايادي

يسلم يديك ختي اوه ه ه ه ه ه يابنات حبسوا برك كون نتبعكم ندير كامل القاطوا ليدرتيوه هبلتيوني كل مرة نقول ندير واحد نلقى وحدة حطت واحد خلاف نزيد نبدل راي والله هبلتيوني هههههه يسلم يديكم كل

روعة يعطيك الصحة

تسلم ايدك على تطبيقك الرائع لوصفات كتاب سمير تيفي

يممم يعطيك الصحة

ماشاء الله. سلمت يداك

بسم الله الرحمان الرحيم
هذي لغريبية تجي هشوشة بزاف وطعمت الكاوكاو باينة فيها يمي يمي درتها ليوم وانا درتها بالطابع ولكن تجي بالابوش احسن واحسن وفي الاخير العجينة لي بقاتلي ضفتلها كاكاو وكملت خدمتها طبعا انا مانيش محترفة في صنع الحلويات ولكن قلت نحطهالكم

هاااااااااااااااايلة تشهي

يعطيك الصحة
بارك الله فيك
على الوصفة

الله يبارك ميرثا بالعكس أنا تعجبني وصفاتك هايلة

تسلموا حبيباتي فرحت لردودكن

تسلمي. ميرتا. بصحتكم

شهية جدا .. يعطيك الصحة
بالصح عضوات المنتدى اليوم متفاهمين يحطوا حلويات ومعجنات
حرام عليكم انا دايرة ريجيم

انحب الغريبية بكل انواعها
يسمو اليدين

تشهي، بصحتكم ويعطيك الصحة

bsahtak mereta jatak hayla