العدس Archives - سيدات الجزائر

كفتة العدس لعيون زينب الهلالي 2024.

درت عدس للفطور و مبعد الدراري كلاو غير الفرماج و الياغورت و بقى للعشا بالزيادة
موالفة نديرو معقودة
و اليوم قلت نبدل فيه شويا و تفكرت مثوم أم منصف الله يجازيها كل خير
لكن بطريقة مغايرة و سهلة
الجيريا

صفي العدس مليح في كسكاس من المرقة

ارحيه مليح

زيديلو شوية لحم مرحي+ معدنوس+ حبة بيض + فلفل

+ملح+ بصل رقيق + شوية شابلير

شكليه كويرات صغار فوتيهم فالبض و مبعد في لاشابلير و اقليهم في زيت سخونة

وجدي لا صوص بيضا او حمرا كيما تحبي

أنا درت دجاج+ بصلة + سنات ثوم +ملح + فلفل +راس حانوت+ حبة طوماطيش مرابية+ تومات كونسونتري + حميصة مشمخة

لمزيد من وصفات العدس

معقودة العدس من مطبخي

تطبيقي لمثوم العدس برك لاصوص بيضا

غراتان العدس فكرتي و تطبيقي

شووربة عدس بطريقتي الخاصة

وصفة رائعة بروعتك اختي ام منذر

يعطيك الصحة يا صاحبة الافكار الرائعة
ابداع في القمة
لو في امكاني نعطيك اكثر من تقييييييييييييييم

يعطيك الصحة ام منذر

مشكورة افكارك دائما رائعة

ياعيني عليك يا أم منذر فنانة ما شاء الله
ضرك نطبق وصفاتك لاني نحب العدس والمعلم ما يحبوش هههه لازم نديرو هالعفايس باش نطيبو براحتي نولي كل يوم عدس ههههه

و الله فكرة هايلة …

ربي يسعدك حبيبتي

جزاك الله خيرا

كفتة العدس ولا أروع 2024.

السلام عليكم
حبيت تشاركوني بهذي الوصفة ساهلة وبنينة
نحتاج الى العدس نحطوه يترنخ في الماء ليلة كاملة
ثم في الصباح ننزع القشرة تاعو العملية محتاجة شوية صبر
من بعد نرحيه مليح ثم نباشر ندويه
نجيب بصلة مفرومة,الثوم,معدنوس,ملح,فلفل اكحل,كمون,راس

الحانوت,بيضة او اثنين حسب الحاجة
نخلط المقادير مليح ثم نعملهم كويرات
نحط الزيت يسخن ونقلي الكويرات حتى ياخذو اللون الذهبي
ثم اذا حبيتي تمديها للوليدات ياكلها هاكداك على شكل كروكات
او نستعمل صوص طماط وفي كلتا الحالتين روعة
اتمنى تجربوها و تردولي الخبر
و بالصحة و الهناء الجيريا

الف شكر على الوصفة تبان بنينة الجيريا

جربت هذي الوصفة من قبل وجات روعة

على حساب الحطة راكم تفاهمتو على العدس انتي والاخت ام منصف هي دارت المثوم بالعدس وانتي الكفته بالعدس جربتو اليوم جاء هائل وان شاء انزيد اندير انتاعك خاطر صح ايجي بنين كي يتقلى ونتهناو شوية من المرقة نتاع العدس شكرا ليك

بارك الله فيك اختي على الوصفة

ينقل الى قسم الاطباق الرئيسية

بارك الله فيك اختي

هو فعلا شبيه لطبق ام منصف وخرجلي روعة يشرفني ان اجربها مرة اخرى وعلى طريقتك

حاجة جديدة رايح نجربها

شربة العدس الاحمر مجموعة من اجل الابداع والتميز – 2024.

هذه وصفة شفتها في منتدى اخر
طبقتها
والنتيجة كانت رائعة
ننصحكم تجربوها لما للعدس الاحمر من فوائد

عدس احمر
جزر

توابل
بابريكا وملح وزيت

بصل وثوم وفلفل اخضر طماطم حبات
نغسل العدس ونقطرو
من بعد نقطع الجزر والبصل والفلفل والطماطم الحب ونضيف التوابل والزيت والملح وشوية ما ونخلوه يتقلى مدة من بعد نضيف كمية من الماء قيس الطياب اصلا العدس الاحمر ما يديش وقت للطهو ونغلقو ونخلوه يطيب ويتشرب الما من بعد نرحوه في ميكسور ونعاودو نرجعوه يثقال شوية حسب الذوق
اذا تحبي تضيفي كمية من الطماطم المصبرة عادي

وهذه الصورة من عندي
تقدري تستغناي على لاكريم فريش

الجيريا

يم يم يعطيك الصحة حبيبتي

يعطيك الصحة صحيح ذوقه رووووعة جربته وخفيف على المعدة

السلام عليكم
بارك الله فيك على الوصفة اختي
فعلا صحي العدس شكرا لك

اكيد هكدا يجى احسن واسهل للهظم

يعطيك الصحة أختي

شكرا لكل المارات من هنا
منورين الصفحة

شوربة العدس بالثوم والكزبرة 2024.

مطبخ طبق اليوم بالصور يقدم

شوربةالعدس بالثوم والكزبرة… تمتعي بتحضير الذ

واشهى اطباق الشوربة

المكونات:

1 كوب واحد من العدس الصحيح
5 أكواب من مرق الدّجاج
1 كوب واحد من البصل المفروم فرماً ناعماً

½ نصف كوب من الكزبرة المفرومة

10 فصوص من الثوم، المشرّح تشريحاً ناعماً
3 حبات من البطاطا، متوسطات الحجم، ومقطّعات إلى مكعّبات صغيرة
¼ كوب من زيت زيتون
2 عصير ليمونتين
1 ملعقة صغيرة بهار حلو
ملح، وفلفل أسود

طريقة التحضير:

1. يُطبخ العدس في مرق الدّجاج، في قدر، حتّى يلين ولكن لا يَنضج (مدة 20 دقيقة)
2. تُضاف إليه البطاطا

3. يُقلى البصل، والثوم، والكزبرة في مقلى، وتوضع فوق الشّوربة، ثم يُضاف إليها الملح والفلفل
4. تترك على النّار حتى تَغْلي، ثم تُخفّض الحرارة، وتَبقى على النّار حتى تنضج المكونات جميعها
5. تُطفأ النار، ويضاف إلى الشّوربة، عصير الليمون، ويُذاق طعمها، ليُعدّل إن أُراد ذلك
6. تقدم للأكل ساخنة

44444444444444444444444444444444 هاااااااااااااااايل

العدس ولوبيا ماشي غير للاكل ادخلي تشوفي 2024.

.

3. .

4. .

5. .

6. .

8. .

يا اختي الناس راهي تخدم لعجب

يعطيهم الصحة

عجبتني الفكرة و خاصة لو نضعه في ركن من المطبخ

سيعطينا جمالا و فكرة جميلة

يهبل فكرة رائعة

فعلا اخواتي الناس راهم يخدموا العجب واشياء دوخ الله يبارك

معقودة العدس من مطبخي 2024.

كالعادة الحاجة اللي تبقالي منحبش نرميها
درت العدس بالسلق وبقالي قيس تبسي

قطرتو من لاصوص مليح في كسكاس و زدتلو حبة بيض، بصلة خضرا مقطعة رقيقة، شويا معدنوس، شويا شابلير و شوييية فرينة
صنعت منو كرات رمدتهم فالفرينة و زدت فالبيض مضرب بالملح و الفلفل و فوتهم في لاشابلير
خبزتهم شويا بيديا و قليتهم في زيت سخونة

البنة بلا مانقولك ماعليك غير تجربي خير ما ترمي

الجيريا

لمزيد من وصفات العدس

الجيريا

تطبيقي لمثوم العدس برك لاصوص بيضا
غراتان العدس فكرتي و تطبيقي
شووربة عدس بطريقتي الخاصة

رووووووووووووووعة حنونة الله يبارك

شكرا ام منذر اختي على الوصفة

فكرة رائعة ،، الله يبارك ،، يعطيك الصحة

[align=center][/align]فكرة روعة يعطيك الصحة

وصفاتك دائما مميزة حبيبتي ام منذر، سلمت يداكي و ربي يحفظك

شكرا ام منذرعلى الوصفة

يعطيك الصحة
الله يبارك

44444444444444444444444444444444 هاااااااااااااااايل رووووووووووووووووووووووووووووووووووعة متميزة هذا هو وصفك يا الغالية

السلام عليكم يعطيك الصحة على الاقتصاد و على الابداع و على الافادة

اي وحدة عندها فكرة جيدة لطبخ اللوبيا والعدس 2024.

السلام عليكم ورحمة الله وبركاته انا دايما نحاول نطيب اللوبيا والعدس و ما يجونيش حلوين وزوجي قالي عليهم نموت طيبيهم ولا نجيب وحدة هههههه

عاونوني الله يخليكم.

شوفي اختي ديريها على حسب واش يحب زوجك
يعني كاين لي يديرهم بمرقة عاقدة كاين لي يكثر لهم المرقة
كاين لي يسلقو الوبيا قبل فالماء ومن بعد يدرولها المرقة كاين لي يدير الثوم فيهم كاين لي يدير القصبر كاين لي يدير نوع واحد من التوابل
فيه اختلاف كبير في كل عائله تقريبا..كاين لي يطحنو العدس بعد ما توجد يطحنوها كيما لبوري..كاين لي يديرها مرقة حمرا بزاف وكاين العكس وكاين لي يديرهم بالحضرا ..الخ
نتي شوفي ذوق زوجك
نتي كيفاش طيبيها ؟؟ قوليلنا نعطوك نصائح وان شا الله تتوفقي
انا مثال عائلة زوجي العدس يقتلووووووها بالثوم ويكثرو الحشيش فيها ومرقتها ما تجيش عاقدة تجي ممرقة بزاااااف زوجي ما يحبش ياكله..لكن انا نديره عاقد
وندير معاه بطاطا وكروطة نقطعهم رقاق ..وندير راس الحانوت عائلة زوجي يديرو غير الكمون فيه..راجلي يقول لي على العدس تقتلييييييه بالقدر ههههههه
يحب عدس لي نطيبه
المهم نتي كيفاش راكي تديريه ؟؟

السلام عليكم ورحمة الله وبركاته

على حسب رايي و تجربتي فان اللوبيا و العدس يحبوا الكمون بزاف…
كيما قالت ام هالة شهرزاد طيبيهم كيما تحبي عاقدين و لا مرقة خفيفة
كي يطيبوا و قبل التقديم و جدي الخلطة التالية
ملعقة صغيرة كمون+ ملعقة كبيرة او 2 زيت زيتون + 3 او 4 ملاعق معدنوس+فص كبير ثوم
و يمكن الاستغناء على الثوم لمن لا يحبه
خلطي المقادير جيدا و اضيفها الى القدرة او كل حد يضيف الخلطة للصحن حسب الرغبة
صدقيني المذاق لا يقاوم و كل من اكل طبخي للوبيا او العدس يشهد بلذتها…احم احم
اتمنى ان يوفقك الله لارضاء زوجك…

السلام عليكم ورحمة الله وبركاته كيما قالتك ام هالة كل واحد وكيفاش يطيبو انا مثلا ندير اللوبيا في الماء تتغلى مع شوية زيت وملح(طبعا تكوني نقيتيها وغسلتيها مليح) و نوجد الدرسة(ثوم و حار الاحمر و شوية كمون وملح )ترحيهم مع بعض من بعد كي تطيب اللوبيا تخليها في الماء تاعها وتضيفيلها الدرسة مع شوية طماطم مصبرة وتخليهم يغلو حتى تعقد شويةوطفيلها.اما الطريقة الثانية ديري اللوبيا تغلي في الماء كيما الطريقة الاولى لكن كي يدخلها الطياب ديريلها البصل مقطع و الجزر مقطع وملح وفلفل اسود وخليها تكمل تطيب كي يطيب كلشي خليها تعقد كيما تحبي و طفي عليها.نتمنى نكون ساعدتك شوية.

عفوا نسيت نقولك في الطريقة الثانية لازم طماطم مصبرة ديريها مع البصل والجزر بعدما تذوبيها في شوية ماء

شفي ختي انا نعطيلك طريقة طيابي للعدس اولا
قبل كل شيء نطيب العدس في كوكوت مينوت
في الكوكوت مينوت
قطعي و لا ربي كما تحبي حبة بصل
ديري زيت قليه مليح(كاين يدير اللحم كاين لالا)
زيدي شوية فلفل لكحل +ملح ربي 2ولا 3 سنات ثوم
وراكي تقلي في نفس الوقت زيدي غصن او2 كرافص مقطعين صغار
ربي حبة طوماطيش ثم ديري العدس الي كنت نقتيه و غسلتيه و درتيه يشمخ في ماء سخون كي يتقلى العدس مرقي و دير 2 حبات زرودية + 1لفت +2حبات بطاطا مقطعين مربعات و غلقي الكوكوت مينوت خليه اليطيب
و انت تعرفي الكوكوت نتاعك شحال الوقت
انشاء الله يعجبكم
و انا مع راي الاخوات الي قالو كل واحد كفاه يستبن
العدس لازم دايما يكون شوية عاقد ماشي عوم يا براك ههههههههه

السلام عليكم اخواتي انا لديا وصفة لطبخ اللوبيا مممممممممممممممممممممممم نموت عليها انا و راجلي وهيى الكرشة و المصارن نقصهم رقاق و نغليهم 2مرات ــــــــــــــــ نقلي البصل مع الثوم و القصبر مليح +الفلفل اكحل +الكمون ملييييح + معجون الطماطم نستمر في القلي 2د ثم نحط الكرشة لي غليناها من قبل و + الجزر قطع دوائر و نمرق بالماء و كي يطيب نحط لها القصبر جربوها و متندموووووووووووووووش ان شاء الله اختكم في الله

السلام عليكم ورحمة الله وبركاته اليك اختي طريقة جيدة ومضمونة لطبخ كل من اللوبيا والعدس اولا :للوبيا شمخيها ليلة كاملة في الماء وحدو وفي الصباح غيري الماء واغلقي عليها الكوكوت وخليها تنضج جيدا (كمية الماء تكون وافية) ولما تنضج قطريها في كسكاس وخليها بجهة ثم اعملي مرقة حمراء :قطعي بصلة و3سنينات ثوم وغصن معدنوس وملعقة صغيرة راس الحانوت ونصف ملعقة صغيرة كصبر مرحي وشوي زيت وملح وطماطم مصبرة ونصف حبة طماطم مرحية واذا كان عندك عظم او جناح دجاج او اي بقايا لحم ضفيه انا دايما انخبي بقايا اللحم ولو بقدر حبة حمص انبنن بيهم هذه الاطباق او زيدي فلفلة خضراء حارة وقلي امليح على نا ر قليلة ثم مرقي وانزعي الفليفلة واغلقي الكوكوت خلي كل شيئ ينضج وفي الاخير لوحي اللوبيا والفليفلة اللي نحيتيها واغلقي الكوكوت ورجعيها على النار حوالي 10 او15 دقيقة واطفي النار واذا كان زوجك ايحب زيت الزيتون والثوم كي اتحطي في الصحن اللوبيا لوحي مغرف زيت زيتون وسنة ثوم مرحية اوواش ايحب حطيلو اما العدس نقيه واعملي نفس المقادير السابقة لوحي امعاهم العدس وقلي امليح ثم مرقي ونحي الفليفلة واغلقي الكوكوت وخليها على نار متوسطة وكل مرة تفقدي الماء حتى ينضج وزيدي الفليفلةوسنة ثوم و خليه يغلي حوالي 5 ذقائق واطفي النار واذاردت اضافة زيت الزيتون ضيفيها عند التقديم وانشالله يرضى عليك زوجك وشهية طيبة للجميع

السلام عليكم ورحمة الله وبركاته

ماشاء الله عليك صبحتي مبكرة على اللوبيا وان دل ذلك على شيء فانما يدل على تضامن العضوات ووقوفهم مع بعضهم وقفة اخوية ومحبة في الله ماشاء الله ربي يدومها
حتى انا حبيت نرد على موضوعها لبارح ولما رايت الردود التي سبقتني وجدتها نفس طريقتنا في تحظيرها تقريبا ولاضافة معلوماتي فاللوبيا تطيب مع راس ثوم كامل وليس مع البصل .. وفي الاخير وقبل مانطفو عليها بخمس دقائق تقطعيلها 2 او 3 سنينات ثوم رقيقة مع قسبر رقيق وحبة جومبو وكمون وشوفي الذوق كيفاش داير…
حظ موفق ونتمنى التجربة القادمة تكون موفقة وترديلنا لخبر ونحيي كل اخواتي لي ردو على الموضوع سابقا والاخت المحترمة الشقراء على تخصيص موضوع لأم آلاء عبد الرحمن
تحياتي للجميع في انتظار دخول المعنية بالأمر

السلام عليكم ورحمة الله وبركاته .انا تاني نطيب العدس كيما زهرة القرنفل مي ساعات الخضار نرحيها ونرجعها للمرق لانو ولادي ما يحبوش الخضار بزاف ويجي العدس عاقد جربيه وما تندميش بزاف بنين.

شوربة العدس الاحمر من اعدادي 2024.

اليوم عملت شوربة العدس الاحمر للعشاء

المقادير وطريقة الاعداد

-1 بصل +2 حبات بطاطا +2 حبات جزر +1 حبة طماطم +2 سنات ثوم +ملح وفلفل اسود +كسبر مرحي وفلفل احمر
زيت وورقة رند +قطعة دجاج (ان عملت ربع من الصدر ) تقلي الكل
-من جهة اخرى تغسلي العدس مليح تصفيه وبعدها ارميه يتقلى خلطي كلش مع بعض , مرقي الطنجرة واغلقي وخليها على نار قليلة يطيب .

ماتغفليش عليها راهي ماطولش في الطياب وعسيها ويلا تلصق

كي طيب ارحي بالمكسور اذا حبيتي ضيفيلها ملعقة لاكريم فريش تعطيها ذوق
قدمتها مع خبز الدار ( غفلت شوه عليه حمار من فوق , كنت نقرعج هههههههههههههههههههههههههه)

نتمنى يعجبكم الطبق بنين وصحي الجيريا

الصور المصغرة للصور المرفقة

اممممممممممممممممممممممممممممممممم نموت على العدس الاحمر يعطيك الصحة

الصور المصغرة للصور المرفقة

طريقة جديدة ان شاء الله نجربها نصحني بيه الطبيب لابني مليح لفقر الدم و هو افضل من العدس العادي للمعدة و مافيهش القشرة خفيف و سريع التحضير
شكرا لك

الصور المصغرة للصور المرفقة

الله يبارك يعطيك الصحة

الصور المصغرة للصور المرفقة

مشكورة على الوصفة باين بنين

الصور المصغرة للصور المرفقة

يعطيك الصحة عزيزتي يشهي

الصور المصغرة للصور المرفقة

يشهي يعطيك الصحة

الصور المصغرة للصور المرفقة

الله يبارك شهيتيني اختي يعطيك الصحة

الصور المصغرة للصور المرفقة

يممممممممم يشهي والتقديم رائع

الصور المصغرة للصور المرفقة

يسلمووووووووووووووووووو على الوصفة

الصور المصغرة للصور المرفقة

عجيجات العدس 2024.

" للي ميحبوش العدس كي حالتي اجربو هد الوصفة

المقادير:

كاس عدسنضعهفي الماء ساخن جدا تم ننزع له القشرة كلها جيدا

كاسأرز مطحون

حبة طماطم，حبة بصل(مقطعين إلى أطراف صغيرة)

كرافس，كمشةحشيشه مقطعة

فرينة

بيضة，ملعقة كبيرة زبدة，شوية زيت

كمون，ملح，فلفل اسود

ماء

مرق البقرجومبو+ ماء

التحضير:

فيكسرونة نضع الماء+ البصلة و الطماطمالكرافس الحشيشة الملح الكمون الفلفل الأسود+ العدسو شوية زيت ونضعهم على النار يتقلى ويطهى تم نرحيه ونرجعه للكسرونة و نضيف القليلمن مرق البقر+ الرز ونخلط+ الزبدة+ كمشه حشيشه وعندما ينشف نتركه يبرد قليلا ونضع له بيضةونجمع الخليط

ونشكل دوائر نرمد ها بالفرينة و نقليها بزيت ساخن حتى تتحمر جيدا

مشكورة على الوصفة

بارك فيك الرحمان

الف شكر على الوصفة

شكرا على الوصفة الأكيد لذيذة و لمن لا يحب العدس
فكرة مبتكرة
تسلمي

شكرا على الوصفة

شكرا على الوصفة
بارك الله فيك

شكرااااااااااااااااا

الحـــــــــــــــــــــار مْرقَدْ.~~~~~لعشاق اللوبيا و العدس . من كوزينتي 2024.

الحـــــــــــــــــــــار مْرقَدْ.~~~~~لعشاق اللوبيا و العدس… من كوزينتي

السلام عليكم:

الجيريا

غادي نقدملكم طريقة ترقيد الحار من كوزينتي وغادي تتحصلو على حار يهبل و البنة ما نحكيلكمش
و خصوصا و نحن في هاته الايام الباردة … لوبيا،عدس،بركوكس ، جلبانة كاسي ….
المهم نغسل الحار ثم نشْفوه مليح و نقوم برصه في بوقال زجاجي
و نضع حبات من الثوم بالقشور… ( و يمكن اضافة قطع من الجزر و الخيار و الشوفلور)
ثم نضيف نصف لتر من الخل و فنجان زيت و فنجان ملح و نغطي بالماء
و نغلق جيدا البوقال… و نضعه في الثلاجة لمدة أسبوعين ( خلال المدة لاتفتحي البوقال)
ستتحصلين بعدها على حار يهبل … و هذاك الماء المخلل اضيفي منه في السلطة… سيكون ذوقها جوووونااااان… و بصحتكم …

sahiti habibati

عجبتني طريقتك باذن الله انجربها
متالقة كالعادة في الوصفات
بوركت

ماشاء الله جاك هاااااااااايل
بصحتكم صح وقت الترقاد
ان شاء الله نديروه
شكرااااااااا

lllllllllll

مممممممممممممممممم نموت على الحار المرقد

اممممممممم ما شاء الله هاإااايل يعطيك الصحة

مشكورة اختي على الطريقة

ماشاء الله عليك

نفس طريقتي في ترقاد الفلفل الحار
مشكورة حبيبتي