راني حابة نسقسي على ورق الزيذة كيفاش نستعملوه وهل نظيف له القرينة او الزبدة
وتاني بسكوي رولي
beskwi roule wch souaal mafhamtch
انا نستعمله بدون اضافات والبسكوي غولي تان ماتستعمليلو ايييييييي شي
سؤالي ثاني كنت حابة مقادير بسكوي رولي
اما بيسكوي غولي انا جربت وصفة بسيطة شفتها في قناة سميرة ونجحتلي ,ولكن لازم تشوفي الخطوات او الصور على الاقل
الوصفة…والتزيين بواش عندك.
لمقادير:
6 بيضات.
100 غ سكر عادي.
100 غ فرينة.
لفاني او مبشوروالليمون.
مربى
سكر ناعم
ورق الزبدة.
___التحضير;
نخلط البيض والسكر بالخلاط حتى يتضاعف الحجم ويصبح اللون ابيض.
ثم نضيف الفرينة بالتدريج ونخلطها بملعقة من الاسفل للاعلى
ثم نضع ورق الزبدة على صينية الفرن تكون مستطيلة او..المهم ليست دائرية
__ونضع الخليط ونبسطه عليها….ثم ندخلها الفرن مدة 15 د ونحمروما. قليلا من الجهة العلوية
( وهو سريع الطهي ممكن غير 12 دقيقة ,المهم عينك عليه الا يتحرقلك)
لما تنضج نقلبوها فوق طاولة العمل وننزع الورق برفق
___ثم ندهنها كامل بالمربى وادا اردت خفيه بالماء او ماء الزهر.ثم ابدئي في تدوير البسكوي. حتى تتحصلي على حربوش كبير..
___,ثم رشي كمية من السكر المسحوق و قطعيه دوائر او الى
الجانب قليلا…..وقديمه…..
وهناك طرق كثيرة,رمنها من فيها خمارة الحلوى
وانا صورتو ولكن مكنتش نعرف نزل الصور للمنتدى من قبل,محذفتها….
ارجو اني افدتك قليلا اختي…..
5حبات بيض
4مغارف سكر
6مغارف فرينة
نخلطو البيض مع قرصة ملح كي يطلع نزيدولو السكر و لافاني ثم نحبسو الباتور و نزيدو الفرينة بلعقل باش ما تكسريش البيض
حطي الورق و فرغي فوقه الخليط و دخليه كي يطيب اقلبيه فوق طرشونة و ديري المعجون اطليها مليح ودوريها و حطيها في الثلاجة شوية كي تخرجيها ديري فوقها شكولاطة او معجون
ملاحظة.المعجون لي يجي لداخل تقدري تستبدليه بلاكريم
ان شاء الله نكون وفيت
انا قتلك راقبيهه هو يطيب في ساع واذا مراقبتيهش ميخرجش مليح
حتى الطباخة في قناة سميرة قالتها,
جربي وصفة اخرى وشوفي
كي نجربهم راني نبعثلكم والله ما ني عارفة بلا بيكم كيفاش كونت رايحة ندير
