الوسم: الشخشوخة

السلام عليكم ورحمة الله وبركاته كيف حالك إن شاء الله دائما بخير ؟
اريد المساعدة ….في الاسبوع الماضي ذهب زوجي الى ولاية الوادي عند حبيبو
وتغدى تمى وحطولو الشخشوخة و وحد القاطو بالشيكولاتة وقالي عجباتو الشخشوخة بزاف
وحبيت نعملها ياريت تساعدوني ماعلاباليش واش يحطولها ليزيبيس اي توابل
هي العجينة تاعها كيما معارك او المسمن عندنا صح
ياريت لوكان تكون الوصفة مجربة

اصبري حبيبتي ضرك نحطلك وصفة مجربة دائما ديرهاا امي
مي كل واحد وكيفاه كاين لي ديرو شخشوخة المرقة وكاين لي ديرو شخشوخة لعسل
زوجك واش كلا
كاين ناس اديرو لمعارك وديرولهم لعسل ويسموها رفيس
احنا نديرو لمعارك بالمرقة ونعيطولها شخشوخة
كل واحد وعاداتو وتقاليدو

شـكــ وبارك الله فيك ـــرا لك … لك مني أجمل تحية .
ايه حنا تاني نديرو رفيس ………
مي زوجي كلا هديك الي بالمرقة وعجباتو
شكرا على ردك اخت ندى الجزائرية وافتخر

لا شكر على وااجب حبيبتي
مقادير المرق:
-دجاج الا حبيتي
2-طماطم حب حمراء طازجة
-بصل مفروم
2ملاعق طماطم مصبرة او حسب الرغبة
زيت+توابل
مقادير لعجينة:
كي العاادة لمعارك وتفتيهم
الطريقة: ضعي اطراف الدجاج مع البصل والطماطم المقطعة مع الملح والتوابل والطماطم المصبرة والزيت وديريلها شوية سكر حسب الرغبة وخليهاا حتى طيب مليح اومبااعد ديري لفتاات
اومباعد ديريلها الدهان ذوبيه وديريه فوقها
وشهية طيبة حبيبتي

يسلمو والله فرحتوني
شكراااااااااااااااااااااااااااااااااا الكن
عرفت بلي ماراح تخيبو ضنيي

معلوووووووووووم منخيبوش ضنك حبيبتي ياك احنا خوتات
كي طبقيهاا صوريهانا

السلام عليكم ورحمة الله وبركاته
اختي انا عجوزتي مسيلية ومرقتها لايعلو عليها بنييييييييييييييينة بزاااااف اديرلها الجاج وتقدري تزيدي الغنمي ولاالبقري معا الجاج للبنة والبصل هي تكثر مع سنينات توم مع فلفل اكحل واحمر وطوماطيش معجون زراس الحانوت والقصبر خصر ماشي يابس وتمرقي وكي اطيب زيديلها القصبر تقريبا نص ربطة وسقي بيها الشخشوخة وشهية طيبة

انا راني نتعلم معاكن و الله ما نعرفها شهيتوني فيها اخسارة ما عنديش الجاح كون سيتها
بارك الله فبكم

تفضلي اختي بنفس هاد الطريقة والمرقة ديري لحم وخضرة كيما مرقة الطعام ولكن خاثرة شوي حتى تجي بنينة بزاف انا نفسي نحط الخضرة جزر كورجات حمص وبطاطا حتى هادا واش نحب وانتي وذوقك
https://hananour.com/vb/showthread.php?t=18724

https://hananour.com/vb/showthread.php?t=18612

وبصحتكم

السلام عليك درت اليوم الغذاء شخشوخة مع الحال بارد نتمناء تعجيكم[ATTACH][ATTACH]:6 3976_imgcache::639 76_imgcache::63976 _imgcache:[/ATTACH][/ATTACH]

الله الله اعلا الفحلة باين اعليها بنينة ريحتها خرجت من الميكروا

شخشوخة الله الله بصحتكم

4444 بصحتكم

اممممممم سخفتينا اختي يعطيك الصحة

يممممممممممممم شهيتيني وأنايا صايمة تـاكلوا بالصحة ولعافية حبيبتي

بصحتك شكلها ايشهي وانا ثاني صايمة

تبان بنينة يعطيك الصحة

انا تاني اليوم غدانا شخشوخة عندي ضياف

بصحتكم تشهي

قطع لحم خروف بصل 2حبات طماطم 2حبات جريوات حمص مرنخ ملح فلفل اسود طماطم مصبرة زيت في طنجرة نحطو اللحم البصل 2حباتطماطم مرابية ملح فلفلاسود زيت ونحطوهم يتقلاو مليح كي يتقلاو ويخلصو نزيدولهم الحمص والجريوات ونمرق قد ماحنا محتاجين ومن جهة خلاف نفورو الشخشوخة مرتين ومبعد كي يطب اللحم واجريوات نحيوحهم نحطو الشخشوخة المفورة في طنجرة التفوار ونجمروها حوالي 3دقايق ونطفيالنار ونضعها فيصحن اتقديم مع اللحم واحمص واجريوات بصحتكم

بصحتكم اختي …..
ياريت حطيتيلنا معاها الصور

مشكورة على الوصفة بانتظار المزيد من مواضيعك ان شاء الله سبحانه و تعالى

الرة الجاية ان شاء الله راني قاعدة نتعلم كيفية المشاركة حنوني

مشكورين اخواتي فرحتوني بمشاركتم

مشااااء الله ع شخشوخة قسنطينة تبقى هي السلطانة تاع المائدة

تسلمي اختي وحبذا لو كانو صور
يعطيك الصحةة

بارك الله فيك حبيبتي.
ممكن تقوليلي ادا هي التريدة او راني غالطة؟

شكرا اختي على الوصفة أنا نموت على الشخشوخة

هاد الفطور درتو اول البارح رقاق بالمرقة وكاين لي قولو ليه الشخشوخة

وهادا نرسله لجارتي نحب ندوقها

عجوزتي تاني ديره يقولوله في وهران الرقاق
ماشاءالله عليك حادقة

الله يبارك جات تهابال حنا في الشرق نقولولو نعمة

لي عودة لرأية الصور …
و بلاك ناكل لقمات منه ههههههههههه
النت ثقيلة عندي
تسلمي يا الفحلة يا أغلى لؤلؤة

بصحتكم
حنا نقولو الشخشوخة
و درناها ليلة عاشوراء
يمي يمي نحبهااااا
مشكووووووووووووووورة

ماشاء الله على خفة يديك شفاف كيما نحبو احنا في الشرق تختلف التسميات نقولولو الفطير و ناس سطيف يقولولو المفرمسة كما يختلف طريقة طيابه كاين لي تستعمل طاجين الحديد وكاين لي يستعملو طاجين النمرة اذا تعرفيه ياريت تقوليلي انت كيف تطيبيه نهزو فكرة من عندك

يممممممممم روووووووعة ويشهي ومخدوم باتقان اوراق رقيقة جداااااااااااااا روعة

الله يبارك فحلة تسلم الايادي

الله يبارك
خرجلك يشهي
انا نموت عليه
نقولولو الفطير ولا النعمة ولا لفتات
عادة تعملهولي عجوزتي كنروح عندها
تسلم الايدي امي لؤلؤة

hna ndirouh sauce rouge

بنات حابة ندير شخشوخة وحاية وصفة تاع مرقة تكون بنينة اتمنى تجاوبوني

مقادير المرق
بصلة كببرة
5سنات ثوم
حبتين طماطم كبار( الشخشوخة تبغي لحموضة)
ملعقة كبيرة طماطم مصبرة
فلفل اخضر حار(حسب الرغبة)
التوابل:
ملح كسبر جاف فلفل احمر مرحي حار راس الحانوت
الخضار:
حبتين كلا من: بطاطا جزر جريوات
للتزيين:
ببض مسلوق
نسيت الرسمي هههههههه
دجاجة
التحضير
ارحي البصل والطماطم والثوم وضيفي الطماطم المصبرة والداجة بعد غسلها وتقطيعها والتوبل واربع ملاعق زيت
خليها تتقلي مليح ومن بعد كي طيب الجاج نتاعك نحيه بعد ومتمرقي
قطعي الخضار طوليا

ملاحظة

جريوات(الكوسة) بعد ماتقطعيها لنصفين ملحيها شوي وزيدي عليها فلفل اسود وخليها باه تجيك بنينة
من بعد شليها غير شوي باه ماتجيكش مالحة بزاف
وضيفي الحمص المنقوع وخليهم يطيبو
من جهة اخري من بعد مافرد الجاج نتاعك
عاوي تبليه
التتبيلة:
ارحي راس ثوم +ماعقة كبيرة زبدة+ ونصف م صغيرة كمون اخضر+ وشويي زيت
خلطي التتبيلت مليح وادهني الجاج نتاعك واقليه في شوي زيت بعد ماتكون الزيت سخنت ملبح
ماتكثريش الزيت بزاف في المفلا لانو الجاج طايب راكي غي حاتحمريه
هدي هي طريقتي
نتمني تعجبك
واذا سييتيها قوليلي كيفاه خرجتلك

احنا في بسكرة انديرو المرق فيه البطاطا والحمص وهذا بعد ما اطيب اللحم اتنحيه وتضيفي الخضرة
وتمرقي وتزيدي الطماطم وكل ما ينقص لانك زدتي الماء كما قالت شوق الروح الشخشوخة تحب لحماضة
عموما اتجي بنينة من كلش

وعليكم السلام ورحمة الله وبركاته
جيت في الوقت المناسب بعد طول غيااب ….. راح نعطيك مقادير وصفة الشخشوخة لوﻻية المسلية. …. و لك الاختيا الاخوات قدمولك طريقة عملها حسب وﻻيتهم
2 حبات طماطم ، 3 بصل ، سنينات ثوم، فلفل حار مرحي، و فلفل احمر مرحي و فاح
ترحي البصل و الطماطم و الثوم و تحطي التوابل ثم تضيفينصف ملعقة طماطم مصبرة و ملح و تحمسي دجاج نتاعك ثم تمرقي…………. و تضيفي حفنة صغيرة حمص …..،،،،، و في الاخير بامكانك تزيين صحن الشخشوخة بالفلف اخضر مقطع رقيق و كسبر أخضر
نصيحتي ليك ﻻ تقدمي دجاج الشخشوخة هكداك من الاحسن تحمريه في شوي زيت …
بالتوفيق .. و اي استفسار انا هنا في خدمة

يا سلام انظن اليلة قاع نتعشاو شخشوخة معاك

ردو إليك الاخوات بالتوفئق

عطيكم الصحة حبيباتي ان شاء الله اليوم نجربها ونرد عليكم

سلام ما قصرت اخت شوق الروح

هاهى شخشوختى بعد ما وجدتلها المرقة

الله الله عليك يا لالة
يسلملك هاذوك اليدين

مممممممممممممم شهيتيني

نحبها بزااااااااااااف

الله عليك يا الفحلة…تشهي
بصحتكم

يعطيك الصحة

ما شاء الله على جارتي الفحلة
تشههههههههههههههي بصحتكم
بارك الله فيك

امممممممممممممممممممم يعطيك الصحة ابعتيلي راني جارتك هههههههههه بصحتكم وربي يدومها نعمة

هههههههههه و الله ما خسارة فيك

اكي فحلة الله يبارك امممممم تسخف

ممممممممممممممممممممممم تسخف الله يعطيك الصحة

امممممممممممم بارك الله فيكي اختي روعة

يا الله فكرتينا بالبلاد اختي حنان تسلمي على الاطباق الشهية

شهيه حرام عليك ودي اذوق الاكل شكله مغري تسلم يدك ياعسل

مشكوووووور والله يعطيك الف عافيه مع ملاحظة لو اضفتي لها الفرماس اي المشماش المجفف في الشمس سترين النتيجة ومع ذلك

رووووووووووووووعة هنا الله يخليك

راهي خرجت هايلة وباينة بلي حارة وبنينة بالبزاف يعطيك الصحة

ههههههههههههههههههههههه يا بنات راه الطبق ماشي من تحضيري من يد وحدة شاطرة غيري انا ههههههههههههههههههه
منورين يا بنوتات

صح الشخشوخة تحب الفرماس احنا فى نقاوس انديرو الفرماس بما انى نقاوسية ومسكن فى الجزائر منسيتش الشخشوخة بلفرماس بنينة بزاف وشكرا

اراكى مازلت سهرانة الاخت سوسو تبانلى مكلتش بزاف الشخشوخة

أولا لعجينة تتعمل بالماء و الملح و فرينة + سميد نص بنص

و اللي تحب تعمل سميد وحدوا شادة شوي روحها على عجينة الرقاق

تخليها ترتاح ومبعد تقرصيها

إضغط هنا لرؤية الصورة بحجمها الطبيعي.

تاخذي 3 قرص وتحليهم شوي وتحطيهم فوق بعضهم وتكملي تحليها

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

وعلى طاجين الطين تاع البغرير – الغرايف – تطيبيها

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

و تفتتيها كيما الثريدة لكن باليد

وتحضري لاصوص

– طماطم – بصلحة ثوم و البهارات + لحم أو دجاج وتقليهم مليح وتخليهم يطبخوا

قبل ما تغلقي على النار تكوني محضرة كمية كبيرة تع بصل مقطع لنصف شرائح

كبيرة تحطيه على البرمة و تظيفي ورق الرند + الفاح + الحار + قليل من الثوم

وكي اطفي النار + الكسبر

تجيبي الفتات و تخلطيه مع الصوص اللي تكوني خليتي منها شوي للوجه

تزينيها بالكسبر و البيض

تؤكل مصحوبة بالرب – يشبه المعجون – مصنوع بالتمر + الدهان العربي

وهذا شكلها النهائي تقريبا

إضغط هنا لرؤية الصورة بحجمها الطبيعي.

و شهيتكن طيبة
م ن

اممممممممممممممممممممممم
يعطيك الصحة

الله يسلمك هلا وغلا

هااااااااااااايلة هاااااااايلة وجوعتيني ياهديل الله يعطيك ماتتمني على روعة الطرح
كاش نهار نجربها بحول الله .
ننتظر المزيد من مواضيعك الشيقة

طبق رائع شكرا لك

الله يسلمكم واهلا بمروركم الكريم

هايلة الله يعطيك سعد على حساب قلبك

تهبل شخشوختكم اختي
بانتلي كي تاعنا مي حنا نقطعوها بواحد السيار تاع شخشوخة
قوليلي كي تحليها ماتجيكش ورقة خلاص تبقى شوي خشينة ؟؟؟

نعم تبقى شوية خشينة بصح تجي مليحة لانو تاكل مباشرة
شكرا على المرور الكريم

الشخشوخة السطايفية

هاذي الشخشوخة سطايفية تعلمتها من جيراني بارك الله فيهم
1- الشخشوخة تحضر من الدقيق و الماء و الملح و تعجن و نطيبوها لكن تكون رقيقة عن الكسرة ولكن متطيبش مليح ( أي تبقى نوعا ما بيضاء)
ثم تقطع مربعات صغيرة او تفتت بالاصابع

المرقة : نأخذ قطع من اللحم الغنمي بعد غسلها توضع في برمة ثم نظيف إليها
2 حبات صل مرحي + فصوص ثوم مرحي + 4 حبات طماطم مقشرة و مرحية +ملح + الزيت
+فللفل أحمر + فليل من الفلفل أسود +قليل من الكسبر مرحي + طماطم مصبرة
لكن كمية قليلة لأننا استعملنا فلفل احمر + طماطم حب مرحية + الحمص
مشمخحبات من الزبيب كل واحد و الذوف تاعو لأن الزبيب يعطيها طعم لذيذ(حلو)
ثم نضعها تتقلى مليح ثم نظيفلها الما المغلي

ثم نفوم بتفوير الشخشوخة لعدة مرات حتى تصبح لينة ولكن كل مرة نظيف لها فليل من دسم المرق و نعاود
نفورها و في الاخير نظيف لها الزبدة
و لما يطيب االلحم ننزعه ونجمر الشخشوخة ( التجمير هنا نقصد به تضع
الشخشوخة في كاسرونة و نسقيا بالمرقة حت تضبح جارية قليلا ثم نضعا على نار
هادية حتى تنشف ثم نقدما في صحن ونضع فوقها قطع اللحم و الحمص وايضا قطع من
الزبدة
ملاحظة: لمن يحب الشخشوخة حارة يستعمل الفلفل الحار
و شهية طيبة للجميع

السلام عليكم و رحمة الله تعالى و بركاته
يعطيك الصحة
ياريت لوكان في صور

تسلم يديك اختي صوريه هاذي هي الشخشوخه السطايفه وانا نموت عليها ونحب نخدمها ونخبيها كل عام

هذه شخشوختنا القسنطينية تا الأعراس

ام أدم الصور لاتظهر حاولي تفهمي الطريقة جيدا وعاودي حطي الصور

ام آدم سخفتيني باطل هههههه
هيا راني نستنى

ام آدم وين الصور راني نستنا

واش راكي هذي غيبة غ الخير

حنونة ما شفت والو

راني نستنا في الشخشوخة قلت نشبع منها قبل رمضان

لم تظهر لي الصور ….ممكن من النت …
لي عودة إن شاء الله

شكرا عالمجهود اختي وحاولي تظهرينا الصور رانا كامل متشوقين للشخشوخة البنينه