بينما اتجول بالنت وجدت وصفة متداولة بكثرة
وهي الخبز البلغاري وقررت تجريبها مع تغييرات بالحشو
كانت بنينة امممم لكن شوي ماطلعتليش
المقادير
العجينة
كوب ونصف حليب سائل
بيضتان
4 كؤوس من الفرينة
1 ملعقة كبيرة ونصف من الخميرة الفورية
ملعقة صغيرة من السكر (مملوءة)
ملعقة صغيرة من الملح
ثلث كوب زيت
الطريقة
نخلط المقادير الجافة
ثم نضيف السوائل
نعجنها جيدا حوالي 15 دقيقة ثم غطيها واتركيها تخمر ربع ساعة
وبين مايخمر الخبز نجهز الحشو واستخدمت
بصل 2 قطع جبن دجاج
رحيت البصل واضفت اليه الدجاج وقليتهم في الزيت
وبعد ماطابو رحيتهم وزت ليهم هريسة والفرماج
ومع ذاب الفرماج نحيتهم من النار
نرجعو للخبز
بعد ماتخمر قصيتو على 4
وكل ربع درت منو 4 كريات
نغطوهم باش ماينشفوش
نحلو كرية بشكل دائري وندهنوها بوزيت الزيتون ونزيدو الثانية ونحطوها فوقها والثالثة والرابعة
وكل مرة نديرو زيت زيتززن بيناتهم ( يعني 4 طبقات ) ( باش مايلصقوش درتهم على الورق الشمعي)
نحطو عليهم شوي حشو
نلفوهم
ونقطعوهم بها الشكل
نحطوهم في صينية مدهونة وندهنوهم بحبة بيض فيها شوي حليب ونديرو فوقها سانوج وجلجلان
وندخلوهم يطيبو حوالي 20 دقيقة
ويكونو واجدين
ملاحظاتي على الوصفة
الفرينة درت 4 كيسان ونص وجاوني ناقصين المفروض اكثر تحكم شوي روحها لعجينة
البنة ماعندي مانقوللكم جتى تجربو وتردولي لخبر
ان شاء الله تكون عجبتكم
وماتنسونيش من دعوة خير
الله يبارك راهي تبان تشهي والله حابة نجربها لكن اي نوع نتاع جبن حيتي
هي فور والبنة ماخلاتاش لكن من المفروض تجي طالعة اكثر من هكاك
الخفة خفيف وزي ليبونج مي نورمالمو لعجينة شوي تجيني شايحة
تاعي ماتتحلش بالحلاص غير بيدي
من المفروض تجي كل ورقة وحدها وتهزيها بسهولة بيدك
ديريه بالنصائح هذي وان شاء الله يجيكي خير من تاعي
الفرماج عملت لافاش كيري شاف راهو طري يذوب تم تم
ننصحك ديريه بهذاك لحمر ليفيه طعم فرماج روج واذا لقيتيه حبات ديري 10
او تاع الثوم هو تاني يمد طعمة هايلة
واذا مكانش ديري قطع لافاش كيري وخلاص 10 حبات هكا مكتوب في والوصفة الاصلية
البنة مايتشبع سيرتو وهو سخون قطعة مور قطعة حتى يخلاص
و شهيه طيبه لاحلى 
