اليوم جبتلكم وصفتين رائعتين من المطبخ الاسباني اتمنى ان تنال اعجابكم اتترككم مع الصور
اولا الوصفة تاع البودينغ بالخبز
تأخذي نصف لتر حليب و تحطي فيه فانى او بشور القارص
نأخذ 3 قطع خبز طري ونحطوه فى الحليب يتشمخ و يتشرب الحليب او قطعيه قطع صغيرة وديريه في الحليب و نخلوه جانبا
في صحن نضرب 4 بيض صغار مع كاس سكر حتى يتجانس الخليط
ثم نحط الخليط الاول و الثاني في المكسور ونضرب كل المقادير ثواني فقط الى الحصول على سائل متجانس ونكون بالطبع حضرنا الكراميل بكأس سكر و شويه ماء
نفرغ الخليط الذي حضرناه في المول لنطيبو فيه البودينغ مع وضع الكراميل مسبقاو نحطوه في باماغى في الفرن مدة ساعة و ربع تقريبا المهم بعد مرور 45دقيقة ندخل سكين رقيق في البودينغ اذا خرج ناشف معناه طاب نخرجوه نخلوه يبرد او ممبعد تقلبيه فى صحن التقديم واذا خرج مشمخ اتركيه
اما بودينغ المادلان تحطى فى مكان الخبز 100غ مادلان وتكملي بنفس المقادير السابقة و نفس الطريقة
جربوه رائع ينفع للايام الحارة خصوصا لصهرات رمضان يدخل علينا بالخير و البركات و سأرد على اي استفسار بحول الله
الى كل من تجربو توعدنا تحطلنا الصور و ان شاء الله يخرجلكم خير منتاعى