السلام عليكم ورحمة الله وبلركاته
مقادير العجينة،
كيلو فرينة
500 غ مارغرين ، من الاحسن يكون طري ،
كاس زيت
250 غ السكر كلاصي
ملعقتين الفانيليا
كيسين الخميرة الكميائية نتع الحلوى
02 حبات بيض
250غ المايزينة
طريقة التحضير،
ناخذ وعاء نديروا فيه المرغرين و الزبدة و السكر و البيض و المايزينة و
الزيت ، نخلطوهم مليح مبعد نكملوا الفرينة و كيسين خميرة كميائية و
الفانيليا مبعد نخلطوهم مليح مرة اخرى حتى نتحصلوا على عجينة متماسكة
·
نستناو شويا من 3 الى 5 دقايق باش ترتاح لعجينة نبسطوها على الطابلة حتى
يكون عندنا عجينة رقيقة نوعا ما ماشي بزاف بصح شويا لانوا ذا كانت غليظة
يولي الطعم نتاعها ماشي بنين ، نجيبوا الطابع و للعلم كاين بزاف ديال
الطوابع ، نحنا نختاروا لي نحبوه ، مبعد نطبعوا في العجينة بالحساب لانو رح
نلصقهم لازم عدد زوجي باش مينقصش و ميزيدش ، مبعد نديرهم في صينية الفور و
ناخذهم باش ينضجوا في درجة حراة متوسطة و للعلم نشعلوا برك الفور من التحت
لانو كاين انواع من التحت و الفوق ، كي ينضجوا نروحوا باش نخرجوهم من
الفور للملاحظة ديروا قفاز و لا شيء منديل باش متتحرقوش ، نخليوها تبرد برك
شوي ، زوج دقايق برك باش كي نلصقوها نلصقوها و هي ساخنة برك شويا
·
مقادير التزيين ،مربى او شوكولاطة ونواط كوكو
· نلصقوا الصابلي كل وحدة مع اختها بالمربى
· درك
نبداو في تزيين الاجزاء الخارجية كل وحدة تعرف كيفاش تزينوا مثلا ، تاخذي
اطرافها و تغمسيها في كونفيتور مبعد تلصقيها مع الكاكاو او جوز الهند مبعد
تسكبي فوقها شوية غسل
· مثال 02 ، تزينيها بالشوكولا و المكسرات او الشوكولا مع الكاكاو
يعطيك الصحة حبيبتي
خرجلك هايل و شباب
لكن اكتبي اسمك على الصور من فظلك
مشكووووووورة
هايل أختي مريم، يعطيك الصحة على المجهود
اممم شباب هايل
يعطيك الصحة
شكرااا لك اختي طلع هايل
تسلم الايادي
شكلرا على مروركي الطيب اختي ام منذر بصح ما عرفتش كيفاش نحط اسمي فوق الصور