البارح الجمعة كنت رايحا نعمل كسكسي احمر باللحم والجاج طليت في الفريزر لقيت غير
طراف مايصلحوش قلت مدام نويت ندير كسكس نديرو بالحليب والخضر جبت
2حبات لفت كبار +2حبات بطاطا+2حبات جريوات +فول طويل وطري+3بصلة طويلة
+سنة ثوم ملح وفلفل اسود ( ولي تحب تزيد كاش خضر عندها
-في طنجرة بالكسكاس درت 5 مغارف زيت قطعت البصل ملح وفلفل وحطيت اللفت والبطاطا
وقليتهم شوية .ومن جهة اخرى نقيت الفول وغسلتو وقطعته طراف كبار شوية وحطيتو فوق
النار يغلي مليح ومن بعد صفيتو وضفتو للطنجرة و قلبت شوية ومرقت وغلقت عليها .
جبت البربوشة وغسلتها وحطيتها تنشف مليه دهنتها بالزيت وحطيتها تفور مرة 1 مدة 10د الى 15
ونزلتها رشيتها بشوية ماء والملح وحكيتها مليح بين يديا خليتها تريح شوية وعاودت 2
و3 . حتى نكملو وندهنها بالزبدة وشوية دهان ونخليوها بجيه
نوليو للطنجرة تاعنا من بعد مانلقاو الخضرة قريب الطيب نرميو الجريوات و كينشوفو الما بدا
ينقص نضيفو 3 كيسان حليب حامي ونطفو النار .
نقدموها مع الدلاع والزيتون اخضر مرقد و مشكل
يعطيك الف عافية يشهي بصحتكم حبيبتي
بصحنكم حبيبتي انا ثاني درت بربوشة حمرا بالباذنجان والقرعة …….انا نعشق البربوشة مشكلي مع راجلي ميكلهاش كي نديرها لازم عليا حاجة ليه راني معروضة لعندك حبيبتي بصح وجديلي الدلاع راني نموت عليه مع البربوشة ههههههههههههههههه
تسلم الايادي حبيبتي يعطيك الصحة
اختي العزيزة دلال مرحبا بيك في اي وقت نشاء الله حتى 1 تاع الصباح نجوبو دلاعة كبيرة نصف ليا ونص ليك