مانحبش نوقف في الكوزينة بزاف و ادا تحرقت الطبخة نخرج مانعاودش نولي خهخخخخخخخخخخخخخ
وي نتشنف مي و نححححححححححححححححشم بزاف ان شاء الله ماتصراليش عند زوجي
ههههههههههههه الله يعاونك
انا من النوع ليس الفوضوي
ولا مرة صرالي هكذا
الله يلطف من العين
ونحب نجرب ونجرب ونجرب حتى نتقن مليح
بارك الله فيك
انا من النوع الي اذا جرب حاجة و ماصلحتليش خاصة في الحلويات لاني نحب الحلويات و الكيك اكثر نبقي نعاود فيها حتان نجيبها روعة خاطرش ماما تقولي باه تتعلمي لازم تعاودي الحاجة اكثر من مرة باه تتقنيها
لهذا انا لااستسلم بسهولة
حسب الظرف إلي نكون فيه ملك إلا كنت مقلقة وجانة ع الآخر نخلي كلشي ونخرج من الكوزينة إلي تحب ترومبلاسيني اللهم بارك وإلي ماش حابة يباتوا بلا عشا ويتعشوا بواش طيبت فالفطور يسلكوا رواحتيهم وحدهم
وإلا كنت في قوسطويا واش نقوللكنولي نتفنن ونزوق ونتول حتى تصدقلي وإلا ماصدقتش نعاود نسيي حتى نخرج بنتيجة ترضيني وترضي تاع الدار
على قول بابا ربي يخليه ليا
تعلمي في دار باباك وتوليها في دار زوجك ♥
ايه فكرتيني صراتلي مرا في رمضان درت بقلاوة سني كبير ضليت نهار كامل واقفا على رجلي فلكوزينة نوجد فيها لما درتها طيب طليت عليها لقيتها تحمار فرحت ورحت نوجد الشاربات ولما جبدتها زلقت من يدي طاحت في لرض تشوكيت في بلاصتي قعت وحد الدقيقة ونا نشوفيها مخلوعة ههههههه قعت نقول في راسي لا وقيلها راني النوم ههههه
دخل راجلي لقاني في هدا الموقف شبع عليا ضحك ومن بعد قالي نخرجو باش تروح منك القلقا
وزيد وحد نهار درت العدس فلغدا وجدتو بلخف وقلت لروحي راكي شاطرة وجدتي الغدا بكري طفيت زعمة النار عوض لندور البطونة لليمين ونطفي دورتها لليسار اي نقست النار لاقصى درجة ورحت زعمة لصالة نتفرج وحد النص ساعة شميت ريحة الحريق وكانت عندي التاقة نتاع الصالة مفتوحة قلت منعرف شكون هدي الجارة لي حرقت غداها ههههههه حتى ولات الدار كامل تفوح باه فقت ههههههه
وزيد تاني وحد نهار كنت نطيب في الكسرا في الفور وراجلي مقلقني باش نخرجو قاعدة نلبس في حوايجي ونطيب
نحيت الخبزا لي كانت الطيب ودرت وحدا خرا ومتقلاق حسبت روحي خرجتها من لفور خرجت مع راجلي رحنا لجردا ومن بعد تقلقت قتلو نروحو لداركم وحنا رايحين فتنا على الدار شفت ف التاقة قلت راجلي وقيلها نسيت خبزا في الفور قالي لا شفتك كي خرجتيها قتلو متاكد قالي واه قتلو رجعني مدامنا قراب نقطع الشك انا طلعت لدار وراجلي قعد يستنا فيا تحت ولما فتحت الباب لقاني الدخان والله مافرزت الطريق رحت نجري وعينيا مغمضين ونكح لتيق حليتهم شاف راجلي الدخان طلع يجري
وكي خرج الدخان رحت للفور لقيت هديك الخبزة ولات جمر ههههههههه
هدو بعض الكوارث من كوارثي
نجرب ها ولا منجحتليش منعاودهاش ولا نحرق الاكل نعاودله اين المفر
وحد النهار درت لعشى يطيب ونسيته دخلت للكوزينه حتى صبت الكيكوطة متبانش