الايام Archives - سيدات الجزائر

تغيير في الايام البيداغوجية للمتوسط والثانوي 2024.

السلام عليكم ورحمة الله وبركاته
تغيير في الايام البيداغوجية للمتوسط والثانوي…..

الاحد . التاريخ – جغرافيا – الهندسة الميكانيكية

الاثنين : اللغة العربية – التربية الاسلامية – الهندسة الكهربائية

الثلاثاء : اللغات الاجنبية – الفلسفة – تربية فنية – تربية بدنية

الاربعاء : الفيزياء – الكيمياء – العلوم الطبيعية – هندسة الطرائق – هندسة مدنية

الخميس : الرياضيات – الاقتصاد والتسيير

يعطيك الصحة على المعلومات ياريت دارولينا نظام الدوام الواحد
بلا مايخرجو لولا ويعاودو يرجعو خصوصا أنو كاين المطعم
والغبينة غير للعاملات مع توقيت عملهن وتوقيت أبنائهن

بسبب غلاء الخضر هذه الايام 2024.

السلام عليكم ورحمة الله تعالى وبركاته

بما انو هذه الايام الخضر اسعارها راهي ناااار
حبيت نفتح هذا الموضوع باش نحطو فيه وصفات واطباق بدون خضر
هكذا نحاولوا نستحفظوا شوية على جيب رب البيت

علابالي سيدات الجزائر فحلاااات الله يبارك

انا والله حرت راهو في بالي غير المعجنات هههههههه

هيااااا شاركونا

ممكن شطيطحة باللحم و الحمص

معكرونة بصلصة اللحم

شخشوخة يمممي

دوارة بالزيتون

لحم بالزيتون

تليتلي

جلبانة

لوبيا بالكوارع

الشربات شربة فريك شربة شعيرية —محاجب
احنى عدنا اكلات خاصة بالمنطقة

يا حبيبتي عندك العدس و اللوبيا و الدوبارة بقوليات مفيدة للصحة

محمصة نحبها شوربة بالقصبر كيما تاع الفريك تجي هايلة الجيريا

مقرونة و سباغيتي و لازانيا

شخشوخة بانواعها و محجوبة وثريدة الجيريا

وربي يبارك فيك و في رزقك

الجيريا

مشكوووورات حبيباتي على الافادة

يممممممممممم شهيتوني في المحاجب باللحم تاع العيد

كولو غير اللحم ههههههههههههههههه والله انا ندير اللحم مقلي في الكوكوت برك وسلاطة ومشوي وسلاطة غير العيد لقليت فريت ومساء الاحد درت شوربة فاغميسال في المرقة لطاب فيها اللحم قبل ما يتقلى في الكوكوت

ايييه نورهان غير اللحم هههههههههه

انا نشفى ماما كي تقول لبابا روح اقضينا يقولها كبش كومبلي ماكفاكومش هههههههههه

بصح كي تعود العايلة كبيرة المقالي مينفعوش وتاني يكرهو من اللحم شوي

ههههههههه….ضحكتوني يا البنات
صح…هذه هي المعيشة تاعنا هذه الأيام …
ربي يكون في العون

أنا بعدة مانقدرش نطيب بلا خضر ولفتها لولادي وبلا بيها كلش يجيني باسل والله يكون في عون المسكين

نقاش عرايس / الايام الاولى بعد العرس 2024.

السلام عليكم و رحمة الله و بركاته

هاذ النقاش أنا عن نفسي محتاجة اليه

بعد العرس و الفرحة و القلق و كل شئ ….. يجي العرس و تجي ايام بعد العرس اكيد تكون غريبة

و العروس تحس بالغربة في وسط ناس ما تعرفهمش

احكولنا على العادات و التقاليد …………… كيفاش تفوت العروسة الاسبوع الاول وسط العايلة الجديدة

مثلا

تعرفو لازملها دووش كل يوم …كيفاش الحالة مع العايلة ؟؟ و الحشمة

كاين ناس تقولك لازم بعد اسبوع تدخل العروس الكوزينة و تطيب حاجة حلوة

واش تدير ؟؟

ويكتا لازم تبدا تطيب ؟ خخ

كيفاش المعاملات مع الاهل الجدد في الايام الاولى ..؟؟

واش لازم تلبس بعد ليلة الدخلة ؟ بيجامة عادي ولا كيفاش ؟؟

يعني خلونا نتناقشو على كل صغيرة و كبيرة باش نستفادو و يا ريت تشاركونا بخبرتكن يا البنات

موضوع هايل بصح مزال مفتش بهدا

و الله تقول طليتي على قلبي هذا الموضوع نحوس عليه يا ريت الاخوات المتزوجات يفيدونا بتجاربهن

هيا الاخوات لفاتت عليهم التجربة احكيولنا حنا مزال بصح قريب انشاء الله

شكرا

يعطيك الصحة أختي على الموضوع ,,

هههه رانا صح محتاجين توجيهات ,,, ننتظر الأخوات المتزوجات يفيدونا بالخبرة تاعهم

هيا يا متزوجات رانا علي احر من الجمر

معنتها انا اول من تبدا النقاش والحكاية شخصيا تزوجت لبيت مستقل لكن……….؟؟؟؟؟؟؟؟؟؟؟؟؟؟؟ الضياف يوميا ولي يباتو وزيد يوميا كانت حماتي الحنون تشرفني للغذاء بالاك قالولها راني شاف هههههههه وحبت تجربني ههه المهم حبيبتي اللباس راح يكون محتشم قصدي حاجة شابة ومستورة ويوميا تغيري الملابس ماشي شرط تغسليهم ديري مكياج خفيف…… والطياب حاولي تهزي عليهم قبل ما تبداي الطياب تقدري تريحي سمانة وممبعد اذخلي للكوزينة وكيما يقولو الي بيسال مابيتوهش انت اسالي مين ماتعرفيش دائما سندك زوجك سقسيه واش يطيبو كيفاش يسربيو الاكل مع الجميع ولا كل واحد وحدو الاستحمام اكيد يوميا ومع الصيف لازمك في الصباح وقبل ما ترقدي حبيبتي اصلا مين تتزوجي تكون في عالم اخرما تلتايش بلي حولك

ahkolna w afidona hhhh

و الله موضوع مهم باش نديرو ستاج منروحوش كي لي ما تعرف والو احكوووووووووووووووووووووووولنااااااااااااااااااااا ااااااااااااااااااااااااااااااااااا يا متزوجات

حالة مرضية للاطفال المدارس هذه الايام 2024.

بسم الله الرحمان الرحيم…………………الى كل الامهات لازم تكونوا عارفين ان اولادكم راهم فى خطر هذه الايام هناك مرض جلدى ومعدى يوجد فى المدارس لازم تاخذ كل الاحتياطات وباالخصوص فى ولاية بومرداس فى البلديات مثل بودواو خروبة وحالة اخرى ضهور القمل فى المدارس وانتشر على التلاميذ بسرعة وكما اعلم بان ابنى محمد امين اصيب بعدوى من التلاميذ فى المدرسة بمرض جلدى انا فى الاول حسبت بوحمرون لكن ضهر خاطىء اكد لى بانه ليس هو بوحمرون وتنبيه للامهات الحوامل ياخذ وا احتياطهم لانه يصيب الجنين وممكن يشوه الجنين وارجو من الاخوات ان صادفت مثل هذه الحالة ان تخبرنا بما يلى وشكرا وعند رجوعى من عند الطبيب اخبركم بمستجدات جديدة وشكرا

الجزء الأخير من شوفوا اش خدمت في هاد الايام ‏ 2024.

هدت المودال اللي خدمت عليه
الجيريا
وو هاهي خدمتي

الجيريا

ايوا كيجاتكم الخدمــــــــــــــــــــــــــــــــــــــة…… ……الردود.

السلام عليكم و رحمة الله تعالى و بركاته
الله يبارك متحوووووووف سلمت يداك

خدمتها علامة الله يبارك

الله يبارك متقونة ماشاء الله

machaa allah raki djaybetha

خدمة روعة تسلم ايدك

خدمة هايلة
تسلم إييدك

روووووعة اختي يسلمو…. انا درتها في اللون الاسود و البوليرو منفصل عن الروب و جات هايلة حبيت نبدل شويا …

ما شاء الله ربي يبارك في ايديك

تحفونة وحلوة تلبسيها بالصحة اختي

صبر الايام ahlame warda 2024.

جلست على شرفة غرفتها تارة تنظر على الحقول والبساتين وتارة على أ وراقها المبعثرة على طاولتها
تنهدت …رفعت عينيها للسماء وكأنها تنتظر شيئا ينزل غير حبات المطر ….
سمعت صوتا هادئا يناديها:*أحلام*
ألتفتت خلفها فأذا بها ترى أباها يتقدم أليها بخطوات متثاقلة ووجهه مبتسما و قال لها:أتى الفرج يابنيتى!!
نهضت مسرعة من مكانها واستدارت تقول :ماهناك يا أبي ؟؟؟
أشار الى مغلف كبير بيده ولوح به …هذا هو الفرج .
تناولت الرسالة وفتحتها بسرعة البرق وبدأت بقرائتها بصوت عال :يسعدنا ويشرفنا نحن الاخوة اولاد اسامة أن نمول مشروعك الخيري في بناء روضة أطفال ,ويسعدنا أن تكون الادارة لك وحدك لثقتنا فيك ,نتمنى زيارتك لنا في مقر شركتنا لاتمام أجراءات المشروع.نزلت دمعة أحلام وارتمت بحضن أبيها وقالت :وأخيرا استطعت أن أحقق حلمك البسيط يا أبي .لكنها أحست بثقل جسم أبيها وبرودته الشديدة.

.
..
.

.
.
.

..
وآسفاه مات الأب بين ذراعيها من فرحة سعادته.

بقلم ahlame warda (حصري للمنتدى )

لوكان طوري فيها تجي قصة مليحة الله يعطيك الصحة

الله يبارك بالتوفيق حنونتي

تركتِ العقدة للقارئ يبحث عنها
أجدتِ حبيبتي اللعب بالحروفِ
موفقة في المسابقة

رائعة يا أحلام ..

أتمنى لك التوفيق

طريقتك في السرد رائعة

بالتوفيـــق أحلام

بارك الله فيكم جميييعا على المرور العطر ………..ولعيووووووووووون رشيدة ساكمل الجزء الثاني للقصة بحول الله …انتظرووووووووني لكن ليس بالمسابقة بل بقسم القصص القصيرة .

في انتظار تكملة القصة

اختيار راااائع واسلوب اروع
وااااصلي…….موفقة حبيبتي

تسلميلي يالغلا تووووووووووحة
عصفورة ساكملها لكم