السلام على الجميع
عملت نوعين من مربى المشمش او المشماش الطريقة الاولى مربى المشماش المرحي و طريقة الثانية مربى المشماش العادي
اتركم مع المقادير و طريقة التحضير المرفوقة بالصور
الطريقة الاولى مربى المشماش المرحي
المقادير
– 2 كلغ من المشماش
– 2 كلغ من السكر
– 1 ل من الماء
– 12 حبة نواة المشماش مقشرة
ندي 2كلغ من السكر+ 2 ل من الماء نصحح الخطاء في الصورة
الطريقة الثانية مربى المشماش عادي المقادير – 1 كلغ من المشماش – 1 كلغ من السكر – ½ ل من الماء – من الاحسن في هذا النوع من المربى ندي فاكهة المشمش مايكونش طايب بزاف اي شاد روحو هذا حتى يحافظ على شكلو النهائي 
اي سؤال انا في الخدمة حبيباتي تحياتي للجميع 
شكرا حبيبتي
يرغم انني لست من محبي المربيات لكن شهاني
يعطيك الصحة
يعطيك الصحة اختي شاطرة كعادتك ماشاء الله
امممممممممممممممممم يشهي شاف أميرة الساحل تسلم يداك حبيبتي اول مره نشوف رحى المشمش قبل غليه
دمت لنا و دام تميزك و عطاؤك
اسمحلى الاخت اميرة الساحل الطريقة اللى حطيتها خاطئة لان المشماش غنى باالماء لهذا لا نضيف الماء بتاتاالمقادير نفسها انا من النقاوس بلاد المشماش واستعملت كل الطرق تاع المربى كما انقولوا [معجون ]ولهذا انصحك وانصح الاخوات متستعملوش الماء حطى المشماش وضفى فوقه السكر وخليه ابات وغدوة منذاك حطيه فوق النار هادئة وخليه اطيب بلعقل وكل مرة نحى الرغوة هكذا حتى اشوفى لون المربى وتكون الرغوة تبدلت من الون الابيض الى اللون بنى خفيف ثم اطفئى النار ونضيف لكم كيفية مربى معجون المشماش تاع الحبات عن قريب انشاء الله وشكرا
طريقة انك اتزيدى النوى و الله هده طريقة جديدة شكرا حبيبتي على المجهود الرائع بارك الله فيك تحياتي و احترامي
اكمل اخواتى المعجون عندما تضيفى له الماء ميطولش ويفسد لكن كمدريش الماء تستطيعن تركه خارج الثلاجة لمدة عام واكثر وميفسدش كما قتلك المشماش غنى باالماء وعندما تلاحضين المربى انتاعك اخذ اللون البنى الخفيف ورغوة تبدا تحمار هذاك راه نجحتى فى طيابو ا والماء تاع المشماش انشف متخفيش اتركه خارج الثلاجة احنا النقاوسين نخدموا المعجون ونضعه فى الدلو او البدون تاع الزيتون لخضر اتمنى انكم فهمتونى وصلتلكم المعلومة بتدقيق وشكرا
وبالنسبة لنوى المشماش انديروه لكن بطريقة اخرى احنافى النقاوس انديرو المشماش حبات بنوى او باالاحرى العلفة انتاعوا.نحكموا الحبة تاع المشماش تكون من نوع الجيد ونغسلهاونشفهامن الماء ونديروا زوج كيلات ماء وكيلة سكر ونطيبوهم كما السيرو لكن تتركى اطياب السيرو نصف اطياب يعنى موليش سيروعاقد اكون خفيف باه تلوحى الحبات تاع المشماش اطيب وتتركها اطيب بدون تحريك باالملعقة وتكون الطنجرة واسعة وعندما يوجد السيرو انتاعك حطى المشماش فوق السيرو فى طنجرة الواسعة كماقتلك وتكون حبة بجانب حبة متحطيش الحبة فوق حبة وعند التحريك ارفدى الطنجرة وحركيها اى خلخلها من حين لاخر كل شوى خلخلها وتركها اطيب حتى تدخل السيرو داخل الحبة وينشف الماء تاع لعسيلة وتكون السيرو مهوش عاقد ولا خفيف وعينك ميزانك وانشاء الله تكون الاخوات فهمتنى ومن تريد الشرح انا فى الخدمة وشكرا
الله يبارك يا اميرة دايما تشهينا بهاد المربيات الديدة المشيمشة والمشماش ماخليتيش
والله عجبني بزاف يعطيك الصحة وبصحتكم يا اميرة
ام محمد امين حنونة شكرا حبيبتي على الطريقة انا تاني مانحطش الماء في المربى بانواعها
