صدقوني خليط الدجاج و اللحم مع بعض يعطي بنة هايلة للشربة
\
المقادير:
\
·البيون: عنقوق الجاج و جناحتين+ حبة بطاطا صغيرة + 4 حبات طوماطيش طايبين + حبة زرودية + حبة كورجات (قرعة)+ ربطة حشيش مقطفة مع شطبة نعناع و شطبة كرفس مربوطين مع بعض بدون تقطيع + ماء + ملح+ راس الحانوت+ عكري
\\
·للتقلية: زيت+ حبة بصل+ فلفل اكحل + تومات كونسونتري (طماطم مصبرة)+ حميصة طايبة+ لحم مرحي (حسب مقدورك)+ كمشة تشيشة أو فارميسال أو فريك أو حتى لسان الطير اي التليتلي (حسب ذوقك)+ ربطة حشيش مقطفة (القصبر).
\
الطريقة
: ·نحط البيون يطيب فوق النار و كي يطيب نحي لعضام من الدجاج و نرمي الربطة تاع الحشيش مقطفة (ما نحتاجوهاش) و نرحي كلش.
·\
·نرابي حبة بصل و نقليها في شوية زيت مع شوية فلفل، راس الحانوت و شوية كروية و 2 مغارف تومات كونسونتري و نقلي مليح.
·\
·نمرق بالبيون و نزيدلها الحميصة و ربطة جديدة من الحشيش (بلا ما نقطعها) و نخليها تغلي.
·\
·نرمي التشيشة و نحرك مليح.
·\
·في الـ 5 دقايق التوالة ننزع ربطة الحشيش نرميها و نضيف اللحم المرحي و نحرك مليح، نخليه 5 دقايق و نطفي النار.
·\
·زينيها بالحشيش مقطفة و قدميها
ملاحظة
·كل ما نجيب جاجة نحي العنقوق و الجناحتين و نخبيهم فالكونجيلاتور باش نديرهم للشربة
·\
·الحميصة دايما نفخ بالكيلو و لاّ زوج و نطيبها و نخبيها متستحقش طياب بزاف
·\
·و مرات نوجد البيون بزيادة و نخبيه فالكونجيلاتور و كي نحب ندير الشوربة نجبدو، ماتديليش الوقت بزاف سيرتو كي كونو جايني ضياف و عندي طيابات بزاف
\
امممممممم ام منذر على افكارك تشهي حبيبتي؛ ما عليه نجي ناكل
و فكرة تخبي في كونجلتور عجبتني بزاف بزاف و كيما قلتي كي يجويجو ضياف و إلا لازم توجدي طيبات بزاف
واش نقولك يا مدبرة المنتدى غير ربي يحفطك و يهنيك
و فكرة تخبي في كونجلتور عجبتني بزاف بزاف و كيما قلتي كي يجويجو ضياف و إلا لازم توجدي طيبات بزاف
واش نقولك يا مدبرة المنتدى غير ربي يحفطك و يهنيك
روعة الله يبارك حنونة
يعطيك الصحة أم منذر، طريقة هايلة
يعطيك الصحة انشاء الله نجربها
اختى هذه كذلك طريقتى منذ ماكثرو لولاد عندى وطلبات تاعهم زادت نعمل هذه الطريقة ونجحت فيها انطيب ونخبى فى الكونجيلاتور حتى المطلوع نحكم نوجد لعجين بزاف ونطيب المطلوع نصف اطياب ونخبى فى الكونجيلاتور وكل مانسحق نجبد ونحمر الشوى فى 10 الدقائق انوجد السفرة من كل نوع حتى فى رمضان نعمل المطلوع بهذه الطريقة وخصوصا الاسبوع الاول انكون غلبنى وميكفنيش الوقت لازم انوجد من قبل وشكرا اختاه
امممممممممم يعطيك الصحة بارك الله فيك
بارك الله فيك ام مندر
الله الله على الأفكار لتفرح فكرة بزاف مليحة يعطيك الصحة و من فوق هذا راهي تشهي في رمضان أنجي عندك كاشمة تنوبي عليا بشوية بويون أنا يغلبني رمضان كامل الله ينورك
طريقتك تهبل ماشاء الله عليك يالشاطرة
نرابيوهم نزيدولهم شويا ثوم ملح فلفل لكحل هريسة و نحطوهم يطيبو معا شويا زيت و نخليوها تتقلا شويا و من بعد نحطو حبات القرنون و نديرو فنجان و لا نص كاس ما قد مايتغطى القرنون برك مانوصلوش للحم لانوا اللحم يطيب بسرعة 
بسم الله امممممممممممممممممم الله يعطيك الصحة 
؟؟ 
يشجعني ويشريلي الوسائل معناها ولا يدعمني ويشجعني (( واكيد على كرشو 
هو المستفيد الاكبر ههه)) 
هههه والله ومن غير هادو وقف معايا عبودي فأصعب اللحظات ربي يخليه ليا ويخليلكم كلكم عبوداتكم 
باين بنيييييييييييييييييييييييييييييييين
إضغط هنا لرؤية الصورة بحجمها الطبيعي.
لانو يديك مانحكيلكش مع البرد راهم رايحين يجمدو
