سبق ورأيت هذه الكيفية في النت لكني أعدته اليوم من صنع يديا وحياة عينيا ههههه لتعم الفائدة وخصوصا وان القرنون قاطع الطريق (( متوفر ))
واي استفسار اتصلو بالحصة 
أولا نجيبو القرنون نقيوه مليح و مبعد نفوتو عليه نص حبة قارص لكي لا يأخذ اللون الأسود
و من بعد نجيبو حبة بيض نفصلو الصفار على البياض
الصفار ندهنو بيه القرنون و نحطو عليه شويا فرماج
نجيو للحم مرحي نديرو فيه مغيرفة هريسة شويا ثوم ملح فلفل لكحل دبشة و تحبي ديري شوية روز طايب نص طياب و لا ترابي حبة قرنون و تجمعي ببياض البيضة الي بقاتلك و تعمري حبات القرنون تاوعك
من بعد نحضرو صوص تومات نديرو 3 حبات طماطم تكون حمرة و طايبة مش خضرا (( اللون يلعب دور كبير )) لاني انا جاني شكلها برتقالي ولم يعجبني 
نرابيوهم نزيدولهم شويا ثوم ملح فلفل لكحل هريسة و نحطوهم يطيبو معا شويا زيت و نخليوها تتقلا شويا و من بعد نحطو حبات القرنون و نديرو فنجان و لا نص كاس ما قد مايتغطى القرنون برك مانوصلوش للحم لانوا اللحم يطيب بسرعة
نقصو الغاز و نغطيوهم و نخليوهم يطيبو على نار قليلة و كي تشوفي لاصوص خثارت و نقصت ديري فوق حبات القرنون شويا فرماج رابي و ذري الدبشة من الفوق و عاودي اغلقي و طفي القاز و خلي الفرماج يذوب
و هاهو كي طاب
ملاحظة / من الاحسن تعمرو اللحم المرحي فالقرنون على شكل هرم يعني تأخذ شكل المثلث لتبدو شهية أكثر انا لم افعلها لاني كان بقالي غير شويا لحم مرحي والقرنون أكثر منو
ان شاء الله يعجبكم
بسم الله امممممممممممممممممم الله يعطيك الصحة 
يصح عندي سؤال
وعلاه انفجرت مواهبك فالطبخ فجاة وبدون سابق انذار لتغرقي المنتدى
كل يوم باكثر من وصفة
يااما مجرية ولا حصرية من عندك
احب فيك حبك لعبوديييييييييي ههههههه
ويسلم منظارك يارائعة
تحياتي
الله يسلمك عزيزتي أم نصيرة والف مرحبا وسهلا باطلالتك المشرقة .
الله يسلمك اختي لعزيزة
هههه الدبشة انا قلت نوصلهالكم بطريقتكم نتاع التلوليا باش تفهموني لكن
لاننا حنا صحراوا مانقولوش الدبشة اطلاقا هههه
نعم وهي كذلك القسبر ومعدنوس لكن انا مكانوش عندي لذا جا شكلهم باهت لوكانت فيهم صدقيني يجي واحد اللون فيه الاخضر يهبل .
شكرا ليك و أي دبشة آ عفوا قصدي اي استفسار راني هنا هههه
تحياتي عزيزتي .
الله يسلمك
هههه والله المواهب امني ولا بوكلي حواجبك كيما يقولو هههه المواهب منكم تعلمتها … لقيت جل مواضيعكم من كوزينتي من كوزينتي قلت وعلاش انا ماعنديش كوزينة ؟
؟؟
قاعدة غير كوبي كولي وحالا فمي أيا عقدت العزم ان 
وخصوصا كي بديت نعشق اكثر المطبخ والفضل يعود اليكن لقيت حتى عبودي
يشجعني ويشريلي الوسائل معناها ولا يدعمني ويشجعني (( واكيد على كرشو 
هو المستفيد الاكبر ههه))
وهذا هو سر حب عبودي ههههه 
هههه والله ومن غير هادو وقف معايا عبودي فأصعب اللحظات ربي يخليه ليا ويخليلكم كلكم عبوداتكم 
الله يعطيك الصحة اختي
باين بنيييييييييييييييييييييييييييييييينو الله يحفظلك عبودك و يدوم المحبة
و الله سخفتيني كي نجيك طيبيهولي دبري راسك حبيبتيربي يهنيك و يرزقك توام يشيبوك قبل الوقت هههههه
