الوسم: الفرن

بسم الله الرحمن الرحيم

ربطة سلق
5حبات بيض
3سنينات ثوم
2بصلة طويلة (حسب الحجم)
1 طماطم
فرماج شيف +فرماج رابي من الفوق

ملح وفلفل اسود

طريقة التحضير
نقطع السلق رقيق ثم نضعه يفور وبعد مايطرى اعسريه من الماء من جهة اخرى نقطع صدر الدجاج نقليهممليح في 2 ملاعق زيت حتى يتحمروالقطع,ننزعهم في نفس المقلاة نضع الثوم نقليهم ثم نضيف البصل ثم نضع السلق ونقلى الكل مع بعض , نرابي حبة الطماطم ونزيدها فوق الخليط نخلي الكل حتى تشيح من الماء (مانضيفوش الماء) .
ناخذ سلاديار نصب الخليط من بعد مايطيب نخلط الكل مع بعض(فرماج شيف +بيض+قطع الدجاج) ندهن بلاطو تاع الفرن بالزبدة ثم نصب الخليط ونزيد فوقو الفرماج رابي

اممممممممممم ماشاء الله يشهيييييييييييي بارك الله فيك

بارك الله فيك أختي يشهي نحب السلق ربي يعطيك الصحة

يعطيك الصحة أختي، طبق رائع

الله يعطيك الصحة طبق رائع انا نموت على السلق
نجربها انشاء الله طبق ساهل

والله يشهي
بارك الله فيكي

ممممممممممممم كيشهي اختي

• كمية تكفي: 6 أشخاص
• وقت التحضير: 10 دقائق
• وقت الطهي: 15 دقيقة
• المقادير: 4او 5 وحدات بطاطس
  ملح
  فلفل
  كركم
  2 ملعقة زعتر
  تلت كوب زيت ذرة او زيتون
• التحضير: تغسلى البطاطس كويس اوى وتقطعيهاارباع
• الطبخ: وتضيفى عليها باقى المقادير
  وتحطيها فى الفرن وتشغليه من فوق ومن تحت لحد ما تستوى
  وتحمر

طبعا منقولة

شكرا لك غاليتي

طريقة رووووعه وبسيطة

جربتها و لصقت هبلتني

اوكان درتيها في اكياس شواء

موضوع منقول
راني جيت وجدو رواحكم للوصفات
السلام عليكم ورحمة الله وبركاته

المقادير
1 أرنب
1 علبة فطر
1 رأس ثوم محكوك
2 او 3 م ك زيت
1 ملعقة ص زيت زيتون
ورقة رند
herbe de provence او زعتر ادا ماعندكش
فلفل اسود + فلفل احمر
ملح
زبدة

بعدما تكوني غسلتي جيدا الأرنب و قسمتيه الى أطراف
تاخدي صنية وتحطي فيها هاد الاطراف
وفوقهم تصبي زيت و زيت زيتون وتوابل و ثوم
الصورة توضح لك

تدهني قطع الارنب جيدا بهاد الخليط
كالتالي

تاخدي ورقة رند وتحطيها ما بين القطع
ترشي القطع ب les herbes de provence
وادا ماعندكش استعملي زعتر
خدي زبدة وضعي شوية فوق قطع الارنب
بدون ماتدهني وادخلي الصينية كما هي الى الفرن
مدة 30 دقيقة درجة حرارة 180

بعد مرور هاد ال 30 دقيقة
خرجي الصينية
اضيفي لها الفطر
تقدري تضيفيلها زيتون اخضر ادا حبيتي

تعاودي ترجعي الصينية الى الفرن
لمدة 30 دقيقة اخرى
ثم تقدميه

انشاء الله تعجبكم الوصفة

يمييييييييييييييييييييي سخفتيني هههههههههههه البارح برك كنت قاعدة نحكي مع اولادي قلتلهم الارنب لذيذ قالي ماما واش بيك وعلاه الارنب ياكلوه قتله ايه قالولي لالا ماما انتي شريرة الارنب ماشي لحم ههههههههههههه
شكرا روزا

هههههههههههههههه مسكين شوكيتيه وليدك

شكرا لك على الوصفة ايشهي الله الله
هنا نور يتسما انت راكي ضد حماية البيئة هههههههههههه

ههههههههههههههههه البيئة لحقتني انا ودارت قانون ام عبودي لالا يلا عندك كاش قنين ابعتيهولي مع حمام هههههههههههههههههههههههههههههههههه

السلام عليكم احبتي

اليوم عملت دجاج فارسي بالبطاطا بالفرن نتمنى يعجبكم
https://im69.gulfup.com/pwIbhV.jpg

ممممم يشهى يطيك الصحة

اممممم يشهي بصحتكم

تسلم الايادي

منظرها يشهي الله يبارك صح عيدك

باين لددددددددديد هايل

اممممم يشهي بصحتكم

تسلم الايادي

وعليك السلام يالحبيبة
شهيتينا ممكن طريقة الوصفة

فلان بالبيض في الفرن
مقادير :
1ل من حليب

4 بيضات
5الى 6 ملاعق سكر
كراميل
اليك طريقة بالصور




بالهناء والشفاء

ما شاء الله
بصحتكم يبان يشهي

hummm,tres bon

ما شاء الله يشهي حبيبتي و يبان بنين، بصح حطنا الطريقه باش نعرف مليح (الكراميل في المول ؟ و نخلطو البيض، السكر، و الحليب بالخلاط هكذا ?)
تسلمي و سلمت يداك مزيد من التميز و التألق حبيبتي تقييييييييم لك

يعطيك الصحة

merciiiiiii

الله يجازيكم

السلام عليكم ورحمة الله وبركاته: أخواتي هل منكن من تساعدني بوصفة لعمل شرائح سمك الروبيو في الفرن….عاجلا بارك الله فيكن

ختي هناك وصفات عديدة ان اخترت لك هذه الوصفة اللي تقدري طبقيها على كل انواع فيليه السمك

المقادير:سمك فيلية بطاطس طماطماية متقطعة طرنشات بصلتين طرنشات فلفل اخضر متقطع شرائح 2 فص ثوم فلفل حار (اختيارى ) ملح وبهارات (بهارات سمك _كمون _فلفل _كارى ) معلقة صلصة الطبخ: ندق التوم مع الفلفل الحار والملح والبهارات ويتبل بها السمك
نحضر صنية وندهنها بمعلقة زيت زيتون
نرص البصل بالقاع ونرش عليه رشة ملح خفيفة
تم نضع البطاطس
ثم نضع الفلفل الاخضر
ثم نضع السمك مع التتبيلة بالكامل
تم نضع الطماطم على السطح
ثم نذيب الصلصة بكوب ماء ونصبها على الصنية ثم نضيف 2 كوب ماء
ثم تغطى الصنية جيدا وتوضع على النار لحين ان تجف كل المياه
ثم توضع فى الفرن لتحمير الوش
وبالهنا والشفا

منقول للافادة

بارك الله فيك أختي أم يوسف ربي يرضى عليك….وأعتذر عن التأخر في الرد.

انا نجيب زيتون اسود حبات مع توم حبة طماطم لو كانت جافة يكون افضل لكن عادي لو جديدة المهم مع زيت زيتون وبهارات حار ونرحيهم مليح بالروبو ونحطهم فوقه ونحطه بالفرن يطيب يجي يهبل انا بصراحة نضيف وصيا صوص للاسماك يجي بنين بها ويلا مش متوفر عصير القارص لا تنسيه

السلام عليكم حبيباتي اليوم جبتلكم كباب بطريقتي

بصلة مرحية +3 سنات ثوم مرحي+ملح فللفل ابيض +توابل الدجاج +زيتون ( الزيتون انا بطبيعتي مانغليهش في الماء باش نحي الملح الزائد نشللو بالماء مليح نصفيه وبعدها نحطو في الماء مدة 8ساعات نبدلو الماء ونعاود نحطو ونخليه يبات ليلة كاملة وفي الصباح صفيه وتشوفي النتيجة خير من تغليه يروحو الفيتامينات نتاعو ) نقطع الزيتزن الى شرائح + قطع الدجاج حسب افراد العائلة ونخلي الكل يتقلى مليح
بعدها نمرق بالماء مانتكترش قيس مايتغطى الدجاج .
من جهة اخرى نقشر البطاطا نغسلها ونقطعا على 4 نقليها مليح في الزيت حتى تحمار .
نجيب بلاطو تاع الفور نحط الدجاج بعد ماطاب ونرمي البطاطا ونزيد المرقة ونحط البلاطو في الفور .
في 10 د الاخيرة كسري بيضات كاملين ماتخبطيهمش

يممممم بصحتكم

Merci pour vous

يعطيك الصحة اختي يشهوووو …ماشاء الله

يعطيك الصحة يشهي مممممممممممممممممممممم

هايلة
يعطيك الصحة

السلام عليكم
جا هااايل ماشاء الله
انا موالفة نديرهم
و نقدمهم مع طاجين الزيتون يجو روووعة
بصحتكم

ااااااامممممممممممممممممم ررررررروووعة بصحتكم اااااااوووووووه لوكان نقدر نذقوا باين يهبل

السﻻم عليكن
شكرا اخواتي
أيه روح ابجي هايل أنا درتو مع الشربة
اهﻻ جورجيت أو ماريا كون راكم قدامي ميشي خسارة فيكم
شكرا

روعة وشباب انا عمري ما درتو ندير السوفلي بزاف ومشكورة نديرو انشاء الله ونفرح اولادي بصح لازملي نتعلم العجينة المورقة

اهﻻ اختي نورهان
ان شاء الله اجربيه
شكرا

جاك هايل بصحتكم

اهلا اخواتي
وشكرا لكن على العبور والرد

السلام عليكم حبيباتي
عندي فرن كهربائي
حبيت نعرف طريقة و المواد المستخدمة لتنظيفه
من الداخل و من الخارج

أرجو أن لا تبخلوا عليا

ana chaft fi montada akhar khal w bikarbonat
khaltohom m3a ba3d wdiihom 3la zojzj ta3 forn ttkhlihom chwaya wtabday thoki bal hbal ta3 hdid walah natija raw3a

الله يعطيك العافية والصحة علي ماقدمتم مشكور اختي

وصفة سهلة ولذيذة من مطبخي

حبة كرنب او اكثر حسب افراد العائلة

قطعيها رقيقة كانك تريدين عمل سلاطة غسليها في اناء واسع مليح ودريها تفور مع قليل من الملح والفلفل اسود

المرحلة الثانية

مرق عادي اطراف دجاج او اي نوع من اللحم مع حبة بصل مفرومة سنات ثوم مفروم شوية زيت ملح فلفل اسود شوية قرفة وقلي مليح

اذا حبتيه مرق احمر زيدي شوية طماطم مصبرة ملعقة اكل عير مملوءة

بعد التقلية مرقي بالماء وما تكثريش حسب ما يتغطى اللحم ويطيب
غلقي الكوكوت و راقبي المرق حتى يطيب اللحم

المرحلة الثالثة

خذي 3جزر
3بطاطا
3كورجات او قرعة
نقيهم غسليهم مليح رابيهم مفرومين
ذبليهم في شوية زيت ملح فلفل اسود حطي عليهم غلاق وخليهم يطيبواعلى نار قليلة جدا

واخييييييرا

دهني مول يروح للفرن بالزبدة ضعي طبقة من الكرنب المفور وطايب مليح

نحي اللحم الي في المرق وفتيه مليح زيديه للخضر المفرومة وخلطيه داخلهم مليح

حطي طبقة من خليط اللحم والخضر فوق طبقة الكرنب زيدي قطع جبن عندك اظيفي طبقة اخيرة من الكرنب وفوقه خليط اللحم والخضر

اخيرا قطع من الزبدة من الفوق
3 ملاعق او 4 من مرق اللحم فقط لمذاق اجمل
وغطيه بالبيشاميل

جربوه لذيذ جدا وصحي جدا حتى الاولاد يحبوه ويكلوه

ممكن تعوضوا الدجاج بصوص من لحم الخروف المطحون…..

لعيون ام عبد الودود…..

الله الله يشهي وفعلالا لذيذ ….ياريت لو في صور

والله احلام وردة تمنيت لوكان صورتلكم الطبق مباشرة كي يخرج من الفرن لكن اسال الله ان ييسر لي ذلك مستقبلا

شكرا على المرور حبيبتي

الفعو اختي اللهم امين

ان شاء الله يجربوه اخواتنا بالصور

تبارك الله ام حسني طبق لذيذ ك فيه الجبن ههههههههههه نبغيييييييييييييييييييي الفرماج بزااااااااااااااااااف هههههههه

يعطيك الصحة اختي

كون غير صورتيه والخظرة نغابوها حرابيش كيما السلاطة تاع الجزر ؟؟؟؟؟؟؟؟؟؟؟؟ خبريني

وهذ الورود لعيوووووووووونك

فعلا وصفة صحية وسهلة ولذييييييييذة
اه ام الحسنى راكي طباخة ومتخبية ههههههه
ننتظر جديدك

اخت احلام

شيماء التلمسانية

شكر الله لكما المرور ان شاء الله جربوه وتدعولي معاكم

نورهان يا جارتي راني قريبة ليك تيارت ههههههه نعم حبيبتي الخضر رابيهم كيما الجزر في السلاطة