التصنيف: الحلويات – الكيك

يعطيك الصحة نوالو

نعم سها كثير ويخرج كمية معتبرة وزاد يخرج عاى حبة
مادام يطيب في المول ياخد الشكل ومن فوق الطابع الوردة يزيد يتحفوا
فقط كي تعملي بالمول حطيه في الفرينة بعدها انفظيه واطبعي

راكم كل مرة تخلعونا بشكل جديد يا حوائيات دزاير يعطيكم الصحة فحلات الله يبارك

روعة بس خسارة ما عندي مول الوردة

شكرا لكم نعم اخواتي كل وحدة عندها رصيدها وبين ولاية واخري يوجد الجديد والابداع
شكرا ليتنا عندك حقا تخرج بالبوشون كدلك

شكلو يهبببببل
تسلمي حبيبتي

يثبت الموضوع
شكرا لك أختي و إن شاء الله الكل يستفيد

يعطيك الصحة ربي يقدرك على فعل الخير

الله يبارك حبيبتي
مشكورة
الكثير منا لا تتقن عملها و انا واحدة منهن
في ميزان حسناتكِ

الله يسهل امورك كيف ما سهلتي علينا صنع البقلاوة لاني نحبها بصح نتردد في خدمتها خوفا من لا تبقى معجنة بالطريقة القديمة

مشكورة اختي لي عطتينا سر نجاحها ما بقى غير نجربوها و نردولك الخبر

ماشاء الله اخت لينا ربي يبار ليك في صحتك ويشفيك ان شاء الله.
باينة بنينة وهايلة اذا كان ممكن كتبي لي لاباط فيلو المقادير نتاعها ربي يجازيك بالخير

يعطيك الصحه حبيبتي
شهيتنيا نجربوها ونردولك الخبر
وندعولك بكل خير ربي يجازيك اختي

تجنن لينا وبارك الله فيك وربي يسترك
سؤال
هل تضعين الدهن بين الورقات الاربع او لا

كل الاحترام و التقدير لك أختي حنان
على المجهود إلي راكي تبذلي فيه و الوصفات الرائعة إلي تقدميها

الله يخليك يارب كلنا نتعب لرقي المنتدى

merciiiiiiiiiii

اشكركم على الحلويات الرئعة

هاد التشيز كيك يجي رائع ومايدخلش الفرن المقادير هي
طبقة البسكويت
200g بسكويت عادي
80g زبدة ذائبة
ملعقة كبيرة نيستلي
طبقة الكريم
250g جبن كريمي فيلادلفيا أو جبلي أو ماسكاربون
4 قطع جبن كيري
100g سكر عادي
20 cل قشدة طرية مضربة مزيان
طبقةكولي التوت Coulis de framboise
200g توت framboises
100g سكر
ورقة ونصف جيلاتين
حبات توت للتزين

الطريقة نطحن البسكويت نضيف إليه الزبدة ونيستلي نخلط مزيان حتى تندمج العناصر كلها نضع البسكويت في مول يفتح من الجوانب نحاولو نعملوه بشكل متساوي ونضغط مزيان باش يقبض لينا البسكويت في القاعدة
نمر لتحضير كولي التوت نطحن 200g ديال التوت مع 100g سكر وندوزوه في المصفات باش نزولو البقايا ديال التوت نضع الكولي في كاسرونة يسخن نضيف إليه ورقة ونصف من الجيلاتين إلي كنا درناهم في ماء بارد باش ينزلو مين الجيلاتين يدوب مزيان مع التوت نحيده من النار ونخليوه يبرد

نعمل الجبن 250g مع 4 حبات كيري و-100g سكر نضرب بواسطة الخلاط الكهربائي حتى نحصل على كريمة وفي طبق أخر نضرب القشدة الطرية تكون باردة مزيان باش تطلع مليح نخلط خليط الجبن مع القشدة ونضيف 3 معالق كبار مين كولي التوت أنا عملت حبات ديال التوت مقطعين مع الخليط ونعمل الكريم فوق البسكويت وندخله التلاجة مدة 3 ساعات مين بعد نخرجو ونعمل فوق طبقة الكريم الكولي المتبقي لنا ونزين بحبات من التوت ونرجعها التلاجة مدة 3 ساعات وتقدم باردة بالصحة والراحة
ممكن تعويض التوت البري بالفريز

يسلمووو اختي

يممممممممممممم يشهي

ychahi yatik essa7a

رووووووعة شكرا

وااااااااااااااااااااووووو رووووعة مشكورة

رائع يعطيك الصحة

روعة بارك الله فيك
نقدرو نحطو petit suisse في مكان الجبن الكريمي؟

روعة حبيبتي تسلم الأيادي

راءءءءءءءءءءءءءءءءع يهبل خرجلك ماشاء الله

رووووووووووعة ماشاء الله

يعطيك الصحة كل شيئ متحوف و متقون و أعجبني اكثر مودال المقروط الجديد جاك رووعة

كل شئ تحفة بس ياريت لو شاركت في طاولتي احلى \ المسابقة وحطيتي كل نوع في صحن احس كنت اكيد رايحة تنجحي فيها

تشكيلة رائعة وخاصة المقروط جميل جدا

عصيدة التفاح هنا نستعملها في لتارت
عصيدة التفاح Compote de pommeلبيبي مجموعة كول واشكر واحمد ربي

تارت 100/100 تفاح
عجينة بريزي او صابلي او حتي عجينة مورقة لكي الاختيار

250غ فرينة
125غ زبدة

مغرفة كبيرة سكر
فاني
حبة بيض
الحشو

2 تفاح كبير او صغير للعصيدة
قرفة
250غ تفاح صغير ينقى ويقطع شرائح رقيقة كان عند ي هداك الصعير وماحبيتش نسمح فيه
نخلط الفرينة + زبدة نصابليها نحكها +سكر
نزيد حبة البيض لفاني ونلم العجينة
الحشو عبارة عن عصيدة التفاح
2حبات كبار تقطعهم صغار + مغرفة سكر وقرصة قرفة يطيبوا مع 2 معرف ماء
تم تطحن العصيدة
نحل العجينة في مول تارت كبير اوميني تارت

ونثقبها بالفرشاط نضع فوقها عصيدة التفاح
ثم ندور عليها شرائح التفاح على شكل دائرة ختي ننتهي ثم نرش عليها سكر مغرفة
كي تخرج من الفور نمسح الوجه بالجلي لتبرق

وخلاص بصحتكم اخواتي

تبارك الله عليك الحبيبة وربي يسلم دوك اليدين جاتك غزالة الله يبارك.

يااااسلام نحب بنة القاطو بالتفاح
يعطيك الف صحة

هدا طبيعي يغني مافيهاش
للكرام بتيسيار
غير بالعصيدة والتفاح ماشي حلوة بزاف

يميميم هايلة يعطيك الصحة

جات هايلة او دايما انحوس على الطريقة الصحيحة
انجربها باذن الله وانخبرك
يعطيك الف عافية

روعة

يعطيك الصحة اختي نوالو ماشاء الله

طريقة تحضير الجينواز بالشرح المفصل
اولا الجينواز تعتبر من الكعكات الاساسية لتحضير معظم الطورطات وهي خفيفة لعدم احتوائها على دهون ( لا زبدة ولا زيت )
اولا قبل البدء بتحضيرها يستلزم اخراج البيض من الثلاجة ساعة قبل التحضير
يستحسن فصل الصفار عن البياض وهي باردة حتى تسهل عملية الفصل
في الاصل الجينواز تخبز بدون خميرة كيميائية لكني اضيفها للاحتياط
نقوم بنخل الفرينة + رشة الملح + خميرة الحلوى مرتين
عدد ملاعق الماء = نصف كمية البيض
خفق الصفار اولا مع نصف كمية السكر ثم خفق البياض مع كمية السكر الباقية بعدها لاننا لو قمنا بخفق البياض في البداية ينكمش مع الوقت ودرجة الحرارة المرتفعة في المطبخ
ايضا اضيف كيس فانيلا للصفار وكيس اخر للبياض للقضاء على رائحة البيض المزعجة
بعد الانتهاء من خفق الصفار نغسل مضربي الخفاق الكهربائي جيدا ونمسحهما قبل خفق البياض
يسخن الفرن على 180 درجة مئوية قبل البدء بخفق البيض
ندهن البلاتو بالزبدة ونرشه بالفرينة مع نزع الفرينة الزائدة

6 بيضات

180 غ سكر عادي

180 غ فرينة

رشة ملح
3 م ك ماء ساخن
2 فانيلا
1 خميرة حلوى
نفصل الصفار عن البياض
نضيف للصفار كيس فانيلا ونبدأ بالخفق تديجيا بسرعة متوسطة

ثم نضيف السكر ملعقة بملعقة و 3 م ك ماء ساخن مع مواصلة الخفق وزيادة السرعة

نكمل كمية السكر ونواصل الخفق الى ان نتحصل على كريمة ثقيلة فاتحة اللون

نخفق بياض البيض + كيس الفانيلا جيدا ثم نواصل الخفق باضافة كمية السكر تدريجيا حتى نتحصل على مورانق

نضيف الفرينة + رشة الملح + الخميرة المنخولة مرتين ملعقة بملعقة الى مخفوق الصفار ونخلط بملعقة خشبية spatuleباتجاه واحد للمحافظة على كمية الهواء

عندما تتشرب كل كمية الصفار ويثقل الخليط نضيف المورانق بالتناوب مع المواد الجافة

الى ان نكمل الكمية . لنتحصل على خليط متجانس فيه اكبر قدر ممكن من الهواء

نضع المزيج في المول وندخله الى الفرن

ندخل طرف السكين للتأكد من نضج الكيكة

فور خروجها من الفرن ننزع الاطراف بسكين حادة من جوانب المول

ثم نقلبها على منخل او مشبك حتى لا تؤثر عليها الرطوبة
وهذي هي النتيجة النهائية

طريقة تزيين الجنواز

كيكتين جينواز
3 علب شيكولا نوار
300 ملل كريمة طازجة
سيرو لسقي الجينواز
100غكرام شانتيي
كاس حليب بارد
حلوى للتزيين

اولا نقسم كل كيكة الى اثنين يعني نتحصل على اربع طبقات

تحضير الكرام شانتيي

نذوب 100 غ شيكولة في حمام مائي ثم نخلطها مع كوب حليب بارد + 100غ كرام شانتيي

نخفقها جيدا بالخفاق الكهربائي الى ان نتحصل على كريمة

نضع اول طبقة ونسقيها بالسيرو ونغطيها بطبقة من الكرام شانتيي

ثم الطبقة الثانية ونسقيها ونغطيها ايضا بالكرام شانتيي والطبقة الثالثة كذلك

ثم نضع اخر طبقة

تحضير الغناش (le ganache)
نفرغ الكريمة الطازجة في كسرونة ونضعها على النار الى ان تصل الى درجة الغليان

ومن بعد نزيدلها 100غ شيكولة مقطعة

ونحرك الى ان تتجانس

نصبها على الكيكة ونسطحها على الكيكة وعلى الجوانب

كاينة اضافة من عندي

حبيت لون الكيكة يكون بني غامق
عاودت ذوبت 50 غ شيكولة وطبيتها من فوق حتى اتحصل على اللون الداكن

اخر خطوة زينتها بالحلوى

يعطيك الصحة هايلة

هذة الوصفه كانت حطتها اختي ام كوثر اليك الرابط فقط كان الاختلاف في الشكل وديكور و بعض التعديل الطفيف
https://hananour.com/vb/showthread.php?t=12680

المقادير
2 علب بيمو مطحون
3 بيضات
2 خميرة
3م ك عسل
2 م ك كاكاوو
250غ زبدة و فرينة حسب الحاجة

الكريمة
كاس حليب و م ك نشاء
125 غ زبدة مضربة مع كاس سكر رطب و عطر الموز او فروله و نخلط مع بعض
شوكولا للتزيين

ملاحظه انت ديري نصف الكمية ومتخليهش يحمار بزاف من تحت ومن فوق ميطيبش يعني متحمريهش وبنسبه للفرينه ديري على حساب الحاجة متيبسيهم بفرينه كيما صابلي تقريبا

موفقين

شكرا كتييييير اختي لاهتمامك

شكراااا لك على الوصفة

يعطيك الصحة نور الياقوت يبان بنين و الدكور ما نقلكش جا هايل

امممممممممممم جا يشهي الله يعطيك العافية

شكرا على هده الوصفة الرائعة

اسفة لكن الكريمة مافهمتهاش تحضري النشا مع الحليب ولما يتقلو تضيفيهم للزبدة ولا كفااااش؟؟؟؟؟؟؟؟

شوفي عزيزتي يسري حطي الحليب مع النشاء حركيهم مليح وحطيهم فوق نار حتي يخثار كيما محلبي

خليه على جيه يبرد

و ضربي الزبدة مع السكر و عطر كي تضربيهم غايه ضيفيلهم الخليط الاول نتاء الحليب ونشاء

اي سؤال اخر تفضلي راني هنا

العفو اختي يسري المهم جربيه و يعجبك حقا متخليهش يحمار فور اوكي موفقه حنونه

العفو اختي منورة

عجبتني هده الوصفة ياسر للسيدة الفاضله ام اماني وناوية ان شاء الله نديرها قي العيد
نقلتها للاستفادة لانها رائعة جدا

اليوم جبتلكم وصفة لحلوى التشاراك لكن مختلفة على الوصفة

لي متعاودين عليها

ولي فيها 3 كيلات فرينة بكيلة سمن هذا الوصفة نحضرها بعجينة

تسمى العجينة السحرية وهي اكثر من راااااائعة الحلوى تذوب

في الفم صراحة احسن وصفة جربتها على الاطلاق

المقادير:

كيلة سمن ذايب وبارد

كيلة زيت

كيلة حليب سائل

فرينة

نخلط السمن مع الزيت والحليب ونضيف الفرينة تدريجيا حتى نتحصل على عجينة

متماسكة مالا زمش تكون طرية يعني تكون حاكمة روحها لانها مبسسة مليح واذا

كانت طرية كي نحطها تطيب ما تحافظش على شكلها

نشكل كويرات انا عملتهم بحجم 28غ ولي تحب حجم صغير تعمل اقل

نغطيها ونخليها ترتاح

من جهة نحضر الحشو

انا عملت نوعين من الحشو

الحشو الاول: الحشو لي متعاودين عليه

3 كيلات لوز مرحي،كيلة ناقصة شوية سكر،قرفة،زوج م ك زبدة ذايبة

ونلم بماء الزهر مالازمش نكثر لازم يبقى الحشو متناثر

الحشو الثاني:

كيلة ونصف كاوكاو محمص ومرحي،كيلة جلجلانية محمصة،كيلةحلوة الترك،معجون
نلم به الخليط

ناخذ كويرة من العجينة نبسطها بالطول ونحط كمية من الحشو

نلف الحلوى وفي نفس الوقت نحاول نخرج الهواء منها

ونعطيها شكل التشاراك

ندخل الحلوى تطيب ونخليها تبرد تماما

في هذا الوقت نحضر الشربات:

كيلة سكر+3 كيلات ماء نحطهم على النار ونحسب 15 د بعدها نضيفلهم شوية

عصير ليمون ونطفي

بعدما تبرد الشاربات نغطس فيها الحلوى ونحطها تقطر في كسكاس

ناخذ كيس فيه سكر رطب نحط فيه حبة التشاراك ونغلق ونحرك نحط الحلوى فوق

مشبك حتى تبس ونعاود نحطها في السكر الرطب كيما المرة الاولى وعند التقديم

نرش فوقها سكر رطب بالصفاية وهذا شكلها

نتمنى تعجبكم الوصفة وتجربوها لانها فعلا تذووووووب في الفم وبنينة بزاف سواء

بحشوة اللوز او الكاوكاو

في امان الله
ادا عجبتكم الوصفة دعوة خير لصاحبة المجهود

بارك الله فيك ام راضية العجينة هذي انا موالفة ندير بيها المقروض يجيني هايل ننصحكم تجربوها

تبارك الله عليك يالحادكة
الله يعطيك الصحة

والله شهيتيني حنونة يعطيك الصحة

مشكوووووووووووورة اختي ام راضية و ربي يحفظك انت و ام أماني و ربي يدومكم لينا و بوصفاتكم الرائعة

Raw3aaaaaaaaaaaaaaaaaaa

بارك الله فيك على الوصفة المميزة

عندي استفسار كي ندير تشاراك بعد ايام ييبس لي هذاك السكر الرطب لي من فوق ويولي يتفتت ماهو السبب ؟؟ وماهو الحل ؟؟

جزاك الله خيرا

مشكوووووووووووووووورة

السلام عليكم اخواتي هدي وصفة كروكي جربتها كي عجبتني قلت نفيدكم بيها
المقادير;
180غ زبدة
250غ سكر
200غ مكسرات اختياري تقدري تستغناي عليها انا عملت كاوكاو حمصتو
خليتو حب كامل عذبني في التقطاع يعني من الاحسن ترحيه خشين
5بيض
قبصة ملح
ملعقة اكل خميرة الحلوى
2مغارف كبار حليب ربع مغرفة صغيرة قهوة
نص مغرفة صغيرة حبة حلاوة
فريتة حسب الحاجة
1بيض للدهن
التحضير;
في اناء اخدمي الزبدة السكر مليح ضيفي البيض الكاكاو ………..وباقي المقادير شيحي بالفرينة
لمي العجينة قسميها ل5 قضبان ادهني الوجه ببيضة مضربة مع شوية حليب او فاني سايلة او نسكافي
دخليه لفرن متوسط الحرارة طيبيه نص طياب خرجيه خليه يبرد قطعيه عاودي دخليه للفرن يتحمر خرجيه يبرد.
قدميه بالصحة والهنا مع التاي او اي مشروب تفضليه تحياتي

روعة يعطيك الصحة

يعطيك الصحة اول مرة نشوف كروكي بالكاوكاو والله نجربو بربي نشالله

رائع

أختي نعطيك فكرة باه ترحي الكاوكاو فوق مائدة أو في سشي نظيفةحطي الكاوكاو تاعك بعد ما يبرد و مشي فوقه الحلال(القراص)

بارك الله فيك اختي على الفكرة نجربها ان شاء الله

مرورك الرائع اختي تسلمي

مليح كيما قلتي الكاوكاو مرحي احسن فيه وصفتين ابيض او اسود يعني بالكاكاو او بدونه يعطيك الصحة
مشكورة

وفيك بركة عزيزتي مشكورة على مرورك العطر