ان شاء الله نزيد ندير وحدة ليا نصورلكم صورة نهائية
هكذا عسولات تفهمو اكثر طريقة وماتقولوش مافهمناش ولا صعيبة يالله شمرو على ذرعيكم ونعتولي حنة يديكم
المقادير لعجينة فيلو:
Pate a fillo
05 كيلات فرينة
03 مغارف كبار حليب غبرة
حبة بيض
مغرف صغيرة فنيلا
نص كيلة زبدة
نشمخ بالماء وماء زهر ونلمها بلعقل نخلط كل شيء مع بعض ونبدى نلم بماء+ماء زهر
الحشو:
04كيلات مكسرات
كيلة ناقص صبع سكر
ملعقة كبيرة زبدة هي الي تخلي حشو رطب وماييبسش
نبدى نزيد فالماء زهر بشوية شوية (نتحصلو على حشو رملي ماشي جاري حذاري )
نقسم العجينة بعد ماخليتها رتحت ساعتين مهم جدا (كل مارتاحت كل ماجت رووووعة)
نقسمها الى07كريات ممكن08 اذا حبيتو ديرو 04طبقات تحت و04الفوق
نبدى نورق بالوحدة ونكثر من استعمال نشاء
حذاري من استعمال فرينة كبديل مهم جدا
اكثري من استعمال نشاء وماتخافيش
رققي الورقة قد ماتقدري اذا لم يتسنى لك استعمال الماشينة
ومن بعد حطيهم على بعضهم وزيدي رققيهم بالرولو
شوفو هنا طبقات باينين مليح
ندهن البلا تاعنا مليح بالسمن من الافضل
لانو هو الي يساعد على تحمير البقلاوة
هنا 04طبقات حليتهم على بعضهم مليح ونهزها باستعمال الرولو ونحطها فالصينية
نحط حشو تاعنا ونحاول نسوية مليح باش مايجيش جهة طالعة على الاخرى
نعيد العملية الاولى تاع فتح العجينة بالنشاء ونحطوها على الحشو
هنا كتغيير للشكل معتاد درت ديكور هذا
ندهنوها مليح بالسمن ذايب ونخلوها ترتاح ساعة ونطيبها ونعسلها وبصحتكم
اغلبنا يحوس عليها مورقة ومقرمشة يم يم يمييييييييييي
مالا كي تكونو تحلو فالكريات كثرو قد ماتقدرو من نشاء وماتخافوش وماتشحوش لانو نتيجة روووووووووووووعة اولا خفة ثانيا قرمشة ثالثا تورييق ماشاء الله الي ياكلها يكذب بلي مخدومة فالدار تمتعي معيا بالمدح ياعيني ياعيني 
دعوة خير تكفيني
وربي يرحم والديا يارب
شكرا لك أختي و إن شاء الله الكل يستفيد
مشكورة
الكثير منا لا تتقن عملها و انا واحدة منهن
في ميزان حسناتكِ
باينة بنينة وهايلة اذا كان ممكن كتبي لي لاباط فيلو المقادير نتاعها ربي يجازيك بالخير
شهيتنيا نجربوها ونردولك الخبر
وندعولك بكل خير ربي يجازيك اختي
سؤال
هل تضعين الدهن بين الورقات الاربع او لا
