السلام عليكم إخواتي
لقالت و الكروكي (Les galettes et croquet)
المقادير :
750غ منقرين فلوريال
7 حبات بيض
1,5كغ فرينة
2 خمارة
600غ سكر
فانيلة
لطلية ديال لقالت والكروكي نستعمل :
1 بيض
2 مغارف صغار كاكو
2 مغارف كبار حليب
( أنا إستعملت نصف المقادير)
التحضير :
نخلط السكر مع المنقرين
تم نضيف بالحبة البيض حتى ننتهي منهم كامل
ثم نضيف الفرينة المخلطة مع الفانيلة و الخمارة حتى نحصل على عجينة لينة بعض الشئ كيما عجينة حلوة الطابع.
نحلها بالحلال و نعمل بالطابع ديال لقالت أشكال دائرية سواء كان الطابع صغير و كبير حسب ما تحبوا كما هو موضح في الصورة.
نحطهم في سنوة ندهنهم (بحبة بيض مع شوية حليب و الكاكو مخلطين مع بعض)
نشكلهم بالفرشيطة كما يظهر فالصورة و نحطهم يطيبوا.
نفس العجينة نستعملها لكروكي نشكلوا حربوش ندهنه بنفس الخلطة و نحطو يطيب بعدما نشكلوا بنفس طريقة لقالت (نسيت نصور طريقة تزينه)
بعدما يطيب نقطعو و نقلولبو من الجهتين بش يكمل طيابوا و يجي حمر. و شهية طيبة.
لتنسوني بصالح الدعاء لي و لوالديَا و لعائلتي
الله يبارك و ما شاء الله عليك…. يشهو شكرا على الطريقة.
هذا القاطو تستهلي عليه دعوة كبيرة يرحم لرباك
اللهم إنا نسألك لأختي نور الهدى و لوالديها و لعائلتها زيادة في الدين، وبركة في العمر، وصحة في الجسد، وسعة في الرزق، وتوبة قبل الموت، و شهادة عند الموت ومغفرة بعد الموت، وعفوا عنها و عن والديها و عائلتها عند الحساب، وأمانها و عائلتها من العذاب، وجعل لها و لعائلتها نصيبا من الجنة، و ارزقهم النظر إلى وجهك الكريم، اللهم إرحم موتاها وموتا المسلمين و شفي مرضاها ومرضا المسلمين، اللهم ارزقها و أهلها قبل الموت توبة وعند الموت شهادة وبعد الموت جنة، اللهم ارزقهم حسن الخاتمة، اللهم ارزقهم الموت وهم ساجدين لك يا أرحم الراحمين، اللهم ثبتنهم عند سؤال الملكين، اللهم إجعل قبرهم روضة من رياض الجنة ولا تجعله حفرة من حفر النار، اللهم قوي إيمانهم ووحد كلمتهم و نصرهم على أعدائك أعداء الدين، اللهم ارزقهم قبل الموت توبة وعند الموت شهادة وبعد الموت جنة، اللهم ارزقهم حسن الخاتمة، اللهم إرحم والديها و غفر لهما وتجاوز عن سيئاتهما و دخلهم فسيح جناتك و لحقنا بهم يا رب العالمين، وبارك اللهم على سيدنا محمد صلى الله عليه وسلم.
قولوا أميـــن.
شكرا حبيبتي، الله يبارك فيك و يهنيك
مشكورة إشراق حبيبتي، و هذا من ذوقك سرني مرورك العطر
[read]واش نقولك اختي مشااء الله عليك ربي يحفظك اليوم جربت خرجلي روعة ربي يخليك لينا يارب [/read]