الوسم: الكروكي

السلام عليكم اخواتي هدي وصفة كروكي جربتها كي عجبتني قلت نفيدكم بيها
المقادير;
180غ زبدة
250غ سكر
200غ مكسرات اختياري تقدري تستغناي عليها انا عملت كاوكاو حمصتو
خليتو حب كامل عذبني في التقطاع يعني من الاحسن ترحيه خشين
5بيض
قبصة ملح
ملعقة اكل خميرة الحلوى
2مغارف كبار حليب ربع مغرفة صغيرة قهوة
نص مغرفة صغيرة حبة حلاوة
فريتة حسب الحاجة
1بيض للدهن
التحضير;
في اناء اخدمي الزبدة السكر مليح ضيفي البيض الكاكاو ………..وباقي المقادير شيحي بالفرينة
لمي العجينة قسميها ل5 قضبان ادهني الوجه ببيضة مضربة مع شوية حليب او فاني سايلة او نسكافي
دخليه لفرن متوسط الحرارة طيبيه نص طياب خرجيه خليه يبرد قطعيه عاودي دخليه للفرن يتحمر خرجيه يبرد.
قدميه بالصحة والهنا مع التاي او اي مشروب تفضليه تحياتي

روعة يعطيك الصحة

يعطيك الصحة اول مرة نشوف كروكي بالكاوكاو والله نجربو بربي نشالله

رائع

أختي نعطيك فكرة باه ترحي الكاوكاو فوق مائدة أو في سشي نظيفةحطي الكاوكاو تاعك بعد ما يبرد و مشي فوقه الحلال(القراص)

بارك الله فيك اختي على الفكرة نجربها ان شاء الله

مرورك الرائع اختي تسلمي

مليح كيما قلتي الكاوكاو مرحي احسن فيه وصفتين ابيض او اسود يعني بالكاكاو او بدونه يعطيك الصحة
مشكورة

وفيك بركة عزيزتي مشكورة على مرورك العطر

السلام عليكم و رحمة الله و بركاته

منذ ايام درت الكروكي والله ما قدرت نضيف اييييي صورة تعبني الميكرو

المقادير

المكونات
6 بيضات
2 كيسان سكر احرش
2 كيسان زيت
3 اكياس خميرة حلوى
فانيلا
قشور حبة قارص
3 مغارف اكل نشا
فرينة حوالي كيلو

الطريقة
نخفق البيض مع الفانيلا وقشور القارص ثم نضيف السكر والزيت تدريجيا
وفي الاخير نضيف الخميرة والنشا ومن بعد نلمو بالفرينة
ندهن البلاتو بالزيت
ونقسم العجينة على 3 اجزاء حسب حجم البلاتو المستعمل
كما توضح الصورة

ثم ندهنه بالبيض ونرش الجلجلانية
ندخله الى فرن مسخن مسبقا 200 درجة مئوية

انا درت نصف هذه الكمية و شفو شحال دارتلي كمية مليحة

ان شاء الله يعجبكم

يعطيك الصحة اختي……تعرفي بلي انا عندي مشكل غير مع الكروكي……القاطوات لخرى الكل نطيبها و تجيني روعة غير الكروكي معمبليش و اش بيه معايا…..بلاك خطراكش منحبوش ياسر……..

الله يسلمك يا الحنونة ..جربيه يا الحبيبة .. انا من اول مرة نجحلي

ان شاء الله

يسلمووووووووووووووو

تسلم الايادي

بصحتك اختي خرج ليك هايل

يعطيك الف صحة

يمم يعطيك الصحة
الكروكون تاعك كيما لي نديرو

السلام عليكم إخواتي

لقالت و الكروكي (Les galettes et croquet)

المقادير :

750غ منقرين فلوريال
7 حبات بيض
1,5كغ فرينة
2 خمارة
600غ سكر
فانيلة
لطلية ديال لقالت والكروكي نستعمل :
1 بيض
2 مغارف صغار كاكو
2 مغارف كبار حليب

( أنا إستعملت نصف المقادير)

التحضير :

نخلط السكر مع المنقرين

تم نضيف بالحبة البيض حتى ننتهي منهم كامل

ثم نضيف الفرينة المخلطة مع الفانيلة و الخمارة حتى نحصل على عجينة لينة بعض الشئ كيما عجينة حلوة الطابع.

نحلها بالحلال و نعمل بالطابع ديال لقالت أشكال دائرية سواء كان الطابع صغير و كبير حسب ما تحبوا كما هو موضح في الصورة.

نحطهم في سنوة ندهنهم (بحبة بيض مع شوية حليب و الكاكو مخلطين مع بعض)

نشكلهم بالفرشيطة كما يظهر فالصورة و نحطهم يطيبوا.

نفس العجينة نستعملها لكروكي نشكلوا حربوش ندهنه بنفس الخلطة و نحطو يطيب بعدما نشكلوا بنفس طريقة لقالت (نسيت نصور طريقة تزينه)

بعدما يطيب نقطعو و نقلولبو من الجهتين بش يكمل طيابوا و يجي حمر. و شهية طيبة.

لتنسوني بصالح الدعاء لي و لوالديَا و لعائلتي

الله يبارك و ما شاء الله عليك…. يشهو شكرا على الطريقة.

الله الله على الابداع و الذوق و الشرح و الصور الواضحين

ربي يجزيك كل خير

م[align=center]اشاء الله ربي يبعد عليك العين مشكووووورة عالى الشرح[/align]

شكرا حبيبتي، الله يبارك فيك و يهنيك

مشكورة إشراق حبيبتي، و هذا من ذوقك سرني مرورك العطر

تبااااااااااااااارك الله عليك نور الهدى
والله فكرة باهية صح
تستاهلي احلى تقييم
وربي يسهلك ويعطيك ماتتمني ويحفظلك والديك

و الله يا وحيدة راكي قتلتيني بهذا الدعاء نولي كل يوم نحط طبق باش ندي دعاوي كيما هادوا ، هذا يدل على روحك و أصلك الطيبان
كما دعوت لي، اقول و لك و لعائلتك بالمثل يا رب آمين آمين آمين
سرني مرورك الذي أنار و عطر صفحتي، بارك الله فيك و جوزيت الجنة حبيبتي

الله يحفظنا أجمعين سرني مرورك عزيزتي

الله يبارك فيك حبيبتي مون شهادة أعتز بها مشكورة
ربي يحفظك و يحفظ كل غالي لديك و يهنيك

[read]واش نقولك اختي مشااء الله عليك ربي يحفظك اليوم جربت خرجلي روعة ربي يخليك لينا يارب [/read]