وصفة اليوم راائعة جدا وتحمر الوجه للضياف وللمناسبات السعيدة " عرس خطبة ولادة وووو "
انا شخصيا نحبها ونسخف عليها وبنتي تحبها بزززاف وبما انني في الغربة نحب ديما ندير الاطباق التقليدية نقول باه يترباو عليهم بناتي خير من الفاست فود والماكدونالد
تفضلو معايا
المقادير
3 كيلات سميد
كيلة تبساس " زيت او مرغرين ذايبة او زبدة " ان خلطت مرغرين وزيت
شوية ملح
كاس ماء زهر
كاس حليب
فنجان تاع تاي كوكاو محمص ومرحي
سكر
مكسرات دراجي وسكر رطب وعسل للتزيين
الطريقة
نبسس السميد ملييح " كما نعملو مع المقروط ولبراج " ثم نلم بالماء ونقرصها في بلاطو يدخل للفرن
لم نشوفوها بدات تحمار شوووية من تحت نشعللها من فوق تحمار شوووية برك
نخرجوها من الفرن ونبدا نهرسو فيها سواء نخليوها تبرد ونرحيوها بالروبو " خاصة moulinex "
والا نحطها فوق طرشو ونفوت عليها الحلالة
نحط في قصعة ونبدا نشوف بعيني الحبات لي مزالو كبار كاامل نزيد نفتتهم ملييح بيدي
ثم نحط برمة وكسكاس لما يغلي الماء نحطو يفور الفورة الأولى
لما يفور نبخو بماء زهر وحليب ونخلط ملييييح باه مايتعجنش كي نشوفو نشف نزيد لو شوي ماء زهر وحليب ونزيد نخلط ملييييح " كما نديرو مع الكسكس "
نحطو يفور التفويرة الثانية لما يزيد يفور
نحلو مليييح ونزيد نبلو بالماء الزهر والحليب " كما درنا المرة الأولى " ونخلط معاه الكوكاو مليييح
ثم نحطو يفور التفويرة الثالثة والأخيرة
هنا نحطو في القصعة نخليه يبرد شويا " يولي دافئ " ونحط لو ملعقتين زبدة وسكر حسب الرغبة ونحرك مليييح
لي يحب الحلاوة ممكن يزيد يحط العسل على الوجه في الصحن " انا ماحطيتش "
والتزيين كل واحدة ومقدوراتها انا هذا واش كان عندي
شكرا على العرضة حبيبة
دخلت وقتها
يعطيك الصحة.
شكرا على العرضة ام الحلوات
بالصحا و الهنا
يعطيك الصحة على الحدمة وعلى العرضة
كان الفوط وكيراح راجلي يفوطي قالوله فليل نديرو عملية الفرز يلا تجي تعاونا …..وحدين قالولهم نجيبولكم طعام وأنا قالي نديلهم احلويات و2 برارد أتاي قلتله لالا روح جيب بلاطو بيض ورواح راجل داك ماسمع طار بلفرحة ؟؟نبداو على بركة الله أنا هاد الجينواز ناجحلي وغير بيه نخدم يجي هشيش وخفيف وكي نبغي نكبر لطارط ندوبلي المقادير للجينواز نحتاج 6بيضات/150غ سكر /180 فرينة/فاني/ 1خمارة/نطربو البيض مع سكر حتى يطلع ويولي لونو قريب لأبيض …نزيدو الفرينة ولفاني ولخمارة على 2 مراحل ولكن غير بلمغرف ونخلطو من لفوق للتحت غير بشوية باش مايخرج العوين نفرغوها فيمول مدهون ونخلوها طيب وتبرد…نقسموها على 3 قطع جينواز .. نحط الجينواز1فوق الوح نتاع تزين ونسقوه بلقازوز ونطلو بلكرام شونتيي ونفرش قطع من البوعويد ونحط الجينواز2 ونفخه بلقازوز ونطلي شونتيي ونفرش قطع البوعويد ونرش شوية لوز مكلي ومكحون ونحط قطعة الجينواز 3 ونطلي شونتيي [/] نعمرو لابوش آدوي بلكرام شونتيي الموضاف لها شوكولا ونعمل نجمات فلحاشية وزينة بقطع الخوخ وعجينت الوز لي صنعت بيها العلم الجزائري وورود وضعتها في لأطراف وزينة بشوكولا المدابة ودوبت شوكولا بيضة وسرحتها فوق الورق لأليمينيوم وعملت خطوط بشوكولا البنفسجية ورشيت الملمع وخليتها يبست وكسرتها بطريقة عشوائية وعملتها في لجناب…. إيه قالي زوجي نخلعو فيها و القنصل الجزائري تصور معاها وقطعها وتوتة توتة خلصت الحدوتة 
وهادي الغد من داك شفوني البنات كي شافوها ومكلاوش درتلهم هادي وحطيت أسمواتهم 
إضغط هنا لرؤية الصورة بحجمها الطبيعي.
يعطيك الصحة ام منذر تسلم ايديك ربي يجازيك بالخير على تعبك