غريبة البهلة في الكوكوط
مقادير غريبة البهلة في الكوكوط
كيلو دقيق الفورص
رابعة السكر كلاصي
رابعة الزبدة دالعبار
قبيصة الملح
راس المعلقة مسكة حرة
الزيت على حسب الخليط
نصف رابعة جنجلان محمر
نصف رابعة لوز مفسخ و مقلي و مهرمش
ثلاث خمارات الحلوة
طريقة تحضير غريبة البهلة
كنحضرو الغريبة ديالنا على جوج مراحل
المرحلة الأولى نغربل الدقيق و السكر كلاصي فالقصعة نزيد شوية الملح و المسكة الحرة و الزبدة
نخلطو بأطراف الأصابع و نفرك الزبدة مع خليط الدقيق و السكر حتى ندخلها فيه مزيان
عاد نبدا نزيد الزيت و أنا كنخلط و ما نكترش غير القياس اللي يبسبس الخليط
نخلطها مزيان و بلا دليك بلا عذاب ندير الخليط فالكوكوط
نسد الكوكوط بلا منشعل عليها و نخليها فشي قنت فالكوزينة على الأقل 24 ساعة و كلما زادت المدة كتجي أحسن
ملي تدوز المدة تحلي الكوكوط غتلاحظي أنه العجينة رطابت
نعملها فالقصعة تاني و نزيد عليها جنجلان و اللوز
و نخلط مزيان و في الأخير نزيد الخميرة
نخلطها مزيان و إلا كانت باقية كتفتت ندلكها غير شوية و هدا شكها
نكورها بكل سهولة
و ندخلها لفران مسخن و نشعل عليها غير من الفوق فالأول واحد 5 دقائق عاد نشعل من التحت و نخليه مشعول من فوق
و هذا شكلها بعد اخراجها من الفرن
كتجي هشيشة و كتدوب فالفم أما المذاق غنخليكم تكتشفوه
أأأأأأأأأأأأأأأأأأأأأأأممممممممم
نموت على لغريبية شكرا على الوصفة
نموت على لغريبية شكرا على الوصفة
مع هاد الحرارة ماكنصحكش تعمليها فالكوكوط وتسدي عليها هاد المدة كلها لان الزبدة غايولي فيها مداق السمن.انا كنعمل نفس الخطوات ولكن عوض الكوكوط كنعملها فالثلاجة من بعد ونزل ليك طريقتي.شكرا على المجهود الرائع
يعطيك الصحة
امممم تبان بنينة
تسلمييييييييييييي
