اليوم جيتكم بخرجة جديدة جبت وصفة تع شيبانيات تع عجايز ههههههههههههههه
المخلعة او كيما يقولو ف الشرق خبزة الشحم
درتها بالمطلوع نتمنى تنال اعجابكم
توجدي العجينة تاعك بالفرينة والسميد
ديري الفرينة اكثر بمرتين من السميد
وديري الملح و تجمعي بالماء
و تخليها تخمر
تروحي تجيبي الشحم تاعك الافضل تاع الكلاوي تكون جامعاته
تدقيه مع الفلفل الاحمر حت يتفتت و يدخل فيه الفلفل الاحمر
في زلافة اديري الشحم تاعك و معاه البصل محكوك
و المعدنوس مفروم رقيق و الثوم و الملح الفلفل اسود و الفلفل احمر و الكمون و سكنجبير
تخلطيه مليح و تخليه يخمر
تروحي للعجينة تعاوديها بشوية ماء و تدلكيها مليح حتى تنطلق شوية و خليا تخمر
لما توصل لفوق في القصعة بداي
تقطعي ف الطبسي بالواحدة
ما تكبريش باش ما تحصليش
تحطي السميد ف الطبسي باش ما يلصقش العجين
تسمسلي مليح ثم تحطيها ف طبسي كبير او طبق و تقرصي شوية و تحطي الشحم و تغلقي بهاد الطريقة
لازم تكوني خفيفة
تغلقي مليح و تقرصي
تحطيها في طاجين سخون تكون ماسحاته بشوية زيت و تقلبي
و هادا الشكل النهائي نتاعها
البنة ما نحكيلكمش
ما قدرتش نزيد صورلكم البقية يدي بوحدي
الله غالب نكور و نصور هههههه
نتمنى تنال اعجابكم و اي استفسار راني هنا
شهية طيبة
ننتظر تقييم الموضوع
و ردود كثييرة
.
hhhhh
الي تشاهاتها تجي عندي و لا تشمر و ديرها الله غالب البعد
شكرا على المرور و الرد الجميل حبيبتي زهرة
تسلم الأيادي، خموس عليك حبيبتي………..
الله يسلمك مونلايت حبيبتي
شكرا سوسو
آنا كاين الي ديرها بمعارك اي مسمن ولا راني غالطه لأنو هذى مهيش مشورة من جيت الغرب
و يعطيك الصحة
ًصح يا
نورالياقوت كاين تع المسمن بصح هادي خير منها و هي مشهورة عندنا
هادي كانت ديرها جداتي الله يرحمها
و انا عمري ما درتها هاذي اول مرة
شكرا حنونتي احلام بريئة
تسلميلي يا الزينة
راكي غير قريبة عليا ارواحي تاكلي معايا