التصنيف: إستفسارات وطلبات العضوات

hadike alrouze kefeta ou 2 yekoulouleha keronefela

hada taba3e yeneba3e fe souke

louze yekoune merehi melihe me3a sokre na3ime ou lemiha be mazehare ou lafarese diri jinewaze ou lemiha be lakerame ou boure

السلام عليكم
الاول عبارة عن كفتة او راهي مشهورة
او اشريت الطابع انتاعها تقدري اديري بيه المقروط ايضا
ثمنه:55الف ايجو معاه 5 قطع اخرى وهي عبارة عن وردات باشكال مختلفة تقدري تنزعيها واتاعاودي اتركبيها

ولو اختي العفو

السلام عليكم
ام بيسو تحبي نحطلك الوصفة تع الكفتة بالصور و لا خلاص متسحقيهاش؟

مساء الخير راني مقلقة و غير نخمم و قلت غير خياتي لي يساعدوني خطيبي راه جاي و ماعرفتش واش نطيب باغسكو هو خاطيه القهوة و الاتاي يعني لازم تحلية من فضلكم انصحوني و لي عنطها تحلية او لي تار ت تساعدني و تحطلي الرابط و تنقص عليا مزالي الف حاجة نديرها و ربي يجازبكم الخير و العافية و يجعلكم اهل الجنة ياااااااااارب

ربي يوفقك اختي ويكملك للعرس الكبير

ديري سلاطة الفواكه مثلا

وهذه مجربتها من قبل
غلي نصف لتر حليب ضفي له عبلة شوكولاطة سوداء وفنجان قهوة غليها جيدا واتركيها جانبا .من جهة اخرى ذوبي 30غ زبدة ضفي لها 2 ملاعق مايزينة وقليل من لفاني و3 ملاعق سكر ثم اسكبي عليها الخليط الاول واخلطي جيدا حتى الغليان ثم اسكبيها في الاواني الخاصة بالفلان وادخليها الثلاجة .
ياريت نكون افدتك

يعطيك الصحة اختي احلام و اختي ام يوسف بارك الله فيكم

بارك الله فيك ام منذر ربي يجازيك كل خير انت و الاخوات ساعدتوني في وقت الشدة

السلام عليكم ورحمة الله تعالى وبركاته
اليوم كان في بالي صنع شيء جديد
فتحت الثلاجة وما وجدته بها صنعت منه تحلية انناس لذيذة

قطعة زبدة صغير + 3 ملاعق كبيرة سكر ومقدار فنحال
من العصير الموجود بعلبة الانناس
وضعتهم في مقلات على نار هادئة

حتى ذاب السكر والزبدة ووضعت عليهم شرائح الانناس

واعدتهم الى النار الهادئة وتركتهم حتى قاربو الذبول

وتغير لونهم وتكتهم على جنب حتى يبردو

للحشو والتزيين
كرام شونتيي ، كرام ديسار شوكولا ، قطعتين بسكويت ،
شكولا ، لوز ، وبودرة الكاكاو

العمل على ورقة المنيوم او ورق شمع حتى يسهل
نزعها ورفعها لتغيير الصحن
في البداية شريحة انناس وفي الوسط بسكويت مفتت

ثم طبقة كرام شونتيي

ثم قطعة شريحة اخرى انناس

ثم طبقة من كرام ديسار

ثم مرة اخرى شريحة انناس

ودوما في الوسط البسكوي المفتت

طبقة اخرى كرام شنتيي

واخيرا شريحة انناس
واغطي كل الجوانب بكمية من كرام شونتيي

وازينها بشوكولا مبشورة وحبات لوز
وتدخل للثلاجة حتى تماسك جيدا

وتقدم

زووووم

اممممممممممم بارك الله فيك ام منذر

وعليكم السلام و رحمة الله و بركاته اللهم امين تعيشي حنونة .. ايه والله يا اختي يعطيهم الصحة ما عندي ما نقول ربي يجازيهم الخير .

ديري شخشوخة

هههههه اللحم بقا شوي برك خبيناه ف المجمد للازمات ما نخلوش منو نقسموه
اللي قاتلي على الشخشوخة ديريها و ابعثيلي طبسي ههه من نيتك ما عنديش لا لحم لا دجاج اعطيني افكار اخرى الله يرضى عليك راهي 21:15 ههههه

شخشوخة غير بالخضر
قلي البصل ثم قطعي البطاطا قطع صغيرة ثم الدنجال ايضا قطع صغيرة وطماطم وكوسو خليها تثقال + نصف كاس ماء

ديري باطاطا purée ماش شرط تستعملي كل الخضر

رانى روطار بزااف في الرد معلباليش ادا طيبتى ولا مازال
انا نقلك اقلي البطاطا وديري معاها فلفل وطماطم وخلاص

ديري احميص دنجال واقلي البطاطا والفلفل والطماطم

ما تسلكها غير الفريت والشكشوكة ان شاء الله ديتي فكرة و عشيتيهم

تشكراااااااااات كنت حاطة النت حدايا في الكوزينة و نطل عليكم درت من كل رد زهرة ….
شويت الدنجال شرائح في الفرن و حطيت في الوسط شكشوكة فلفل و طماطيش
و فورت البطاطا حطيت معاها الجبن
و تفاح
و الحمد لله على نعمه
شكرا حبيباتي دايما نلقاكم الله يخليكم لي

:6 3976_imgcache:

يعطيك الصحة ختي على الوصفة

شكرا حبيبتي

جد مشكورة حبيبتي على الوصفة
بالصح ما هو "الشنان" اللي استعملتيه؟

مشكوووووووووووووووووووووووووووورات والله افرحني ردودكم مشكورة حبيبتي الجوهرة اتعبتك معي

مشكووووووووووورة حبيبتي

كلشي مبروك لكم
ان شاءالله ذوات الخبرة يفيدوك

عندي طريقة روووووعة للمادلان و ساهلة و جي خفيفة على ضمانتي
2 بيضات – علبة ياغورت عادي مديريش فرويتي – كيلي بعلبة الياغورت 1 زيت – 1 سكر -3 فرينة- خميرة..
ديري ملعقة اكل و نصف من الخليط في كل وحدة و تتنفخ و تعمرلك ليكيسات
للتزين:
ذوبي الشكولا في بان ماغي و ديري بها خطوط طوليا و من بعد عرضيا حتى تتحصلي على مربعات صغيرة يعني ديري خطوط بالطول و اقطعيم باخطوط اخرى بالعرض
… و اذا تحبي ديري كرام شونتي و لا اي كرام من الفوق بلابوش ادوي ديري غير حاجة خفيفة من الفوق و تكون في الوسط برك و حطي فوقها الفارمسال الملون ……
هذه الوصفة على ضمانتي جربي منها و رديلي ساهلة و اقتصادية
و اي استفسار انا في الخدمة

بارك الله فيكم اخواتي كفيتو ووفيتو عدة اشتراكات استفدنا منها ان شاء الله نعمل بيها وشكرا

يعطيكم الصحا اخواتي حتى حنا استفدنا

كل شئ مبروك ماتنسايش تصوريلنا واش درتي الحلوة

انا نظن تذوبيها في كمية منالحليب بااستعمال حمام مائى والحسن ماتكتريش الحليب باه ماتجيش خفيفة واذاكترت ضيفي شوية سكرقلاصي وصح فطورك

واه كيما قالت الاخت انا شريتها وخدمت بيها …زيديها شويا حليب يكون خاثر شويا يعني تقيل وتخدمي بيها نوغمال

كيما قالولك الاخوات شوية حليب مع اضافة قليل من الزبدة باش تعطيك اللمعان فالقلاساج

أنا نذوبها في حمام مائي بدون إضافة الحليب

بسمة حبيبتي أنا كينبغي ندر القلاساج بشيكولا ندوبها بالحليب في حمام مائي ونخدم بيها قاطويا بالحليب تخرج علامة وتحلاي ذوبها في حمام مائي باش مانتحرقلكش وتخسر والقاطو مايخرجش مليح

صراحة ابدا لم استعملها
شكرا على النصائح

رجاءا ان تساعيدوني في كيفية وضع الصور وبارك الله فيكم

ابحثي عن مواقع لرفع الصور
وانسخي الرابط الخاص بصور المنتديات لتظهر الصورة

كيفية تحميل الصور من مركز الخليج

عملت بهذي العملية ولكنني لم افلح

https://www.gulfup.com/

راني خادمة الطريقة بالصور و هاهي …

شكرا على المساعدة ربي يحفظكم وخليكم يا جميلات لكم مني كل الاحترام والتقدير لكن جميعا

ولو حبيبتي رانا في الخدمة اهلا وسهلا

السلام عليكم ورحمة الله وبركاته

اود اسال اي اخت من الغرب عن التوابل التي توضع باكلهم لانها بصراحة تعجبني بزاف

ياريت التسميات وكل حاجة اين توضع مثلا بالحريرة او الطعام …او

بانتظار اجوبتكن دمتن بالف خير

السلام عليك أختي

توابل الحريرة هي

الكروية +القرفة بكمية قليلة+الزعفران+الفلفل أسود كمية قليلة +الزنجبيل بكمية قليلة +الكمون (لا يوضع مع التوابل بل يوضع بعد طهي الحريرة في الأخير)
ملاحظة
الطماطم المعلبة و القزبر و المعدنوس و الكرافس يضيف نكهة ممتازة للحريرة
توابل الكسكس

قليل من القرفة +قليل من الفلفل الأسود+ قليل من الزنجبيل +قليل من الكروية +الزعفران +الكمون في الأخير و يكون بكمية معتبرة
حساء العدس

فلفل أسود+شوية قرفة+الكمون في الأخير بكمية معتبرة من الأفضل إضافة الثوم و القزبر لإعطاء نكهة جيدة نفس الشيء لحساء الفاصولياء
مرق عادي

القرفة +فلفل أسود+ زعفران

مرق حلو

إضافة القرفة بكمية معتبرة +الزنجبيل بكمية قليلة

أي شيء أنا في الخدمة

الطبق الي تبغي طيبيه قوليلي و نقولك واش تحطي فيه من التوابل

شكرا والف شكر على سرعة الاستجابة والشرح الدقيق بس بدي اسال عن الكسكسي كيف لاحظت انه مرقو ثقيل يمكن بفعل الكابو ولكن احتررت كيف اعمله وحبيت نسالكن عن لفاح وهو من التوابل المركبة لما لم تدكرنه ؟

وهل عنكن بالغرب طبق خاص بيكن مميز ياريت تفيدوني ولكن جميعا الف تحية وشكر …

ziton tajin howa taba9 momayaz 3and rarb hrira tani wa t3am

شوفي اختي كاين زعفران الشعرة الزنجبيلالكمونالحرور الحارالخرقومالكرويةالقرفةالفلف الاسود

اخواتي كلكن مشكورات بس يا ريت تتطوع وحدة منكن تشرح لي طريقة الكسكسي اقصد المرق التاعو كيفاش نردو تقيل…انا ثاني نعمل الخضار والكابو بصح يجيني خفيف الله يخليكن …

لكي يجيك مرق الكسكس تقيل كثري من الخضار والكابويا والبطاطة هما لي يثقلو المرق

وشكراااااااااااا

سلام أخواتي

من منكن تعرف طريقة لحفظ القاطو طري لأطول مدة ممكنة لكن من دون وضعه في المجمد؟؟؟؟؟؟؟؟؟

شكرا

ينقل الى القسم المناسب

سلام حبيبتي
أحسن طريقة لحفظ القاطو طري هي تحطيه في علبة بلاستيكية أو معدنية مغلقة باحكام
أنا أضعهم في علب بيوميل (حليب الرضع) و أغلق عليهم
حتى البيمو يبقى طري لأشهر بعد فتحه

باه القاطو يبقى هش و ميتنداش حطي معاه مكعبات سكر تمتص الرطوبة

شكرااااااااااااااااااااا