التصنيف: إستفسارات وطلبات العضوات

chabine we bayenine benane ou hadake techarake mesekere jerebetou yeji benine ou yedoube fe feme

الحمد لله اللي عجبوكم

وكنت وعدت الاخوات اني نحط الوصفة وفي هذا الحلوى راح نستعمل العجينة السحرية لي سبق وحطيتها موضوع.

اذن لتحضير العجينةالسحرية نحتاج الى:
كيلة سمن ذايب وبارد
كيلة زيت
كيلة حليب فايض وبارد
فرينة
شوية فاني

الحشو:
كاوكاو محمص ومرحي خشين
نسلي طايب
شكولة
للتزيين:
بيستاش
كمية من الشكولة البيضاء

الطريقة:

اولا نحضر العجينة
نخلط السمن والزيت والحليب ونضيف الفرينة والفاني حتى نتحصل على عجينة متماسكة مالازمش تكون طرية لازم حاكمة روحها لانها مبسسة مليح
نغطيها ونخليها ترتاح حتى يسهل بسطها

من بعد نبسطها بالحلال بسمك متوسط نقطع دوائر حوالي 8 او 9 سم
ناخذ لي مول نتاع الكورني ونلف حولها دوائر العجينة ونلم العجينة المتبقية بدون عجنها ونكمل بنفس الطريقة.

نضغط عليها بواسطة الاصابع باه نغلقها ونحط الحلوى في صينية الفرن على الجهة لي غلقناه عليها حتى ما تتفتح اثناء الطهي
ندخلها للفرن على180درجة كي تطيب نخليها تبرد تما بعدها ننزعها من لي مول

نحضر الحشو
انا استعملت كاوكاو محمص ومرحي وضفتلو كمية من نيسلي كرامليزي وحشيت لي كورني

نذوب الشكولة فوق حمام مائي ونضيفلها شوية فقط من الحليب
نغطس لي كورني من فوق في الشكولة ونزين الجزء العلوي بالبيستاش

نحطها فوق مشبك تقطر ونزينها بخطوط من الشكولة البيضاء
من بعد ما تشيح نحطها في ليكيسات ونقدمها

هاهي الوصفة منقوووولة

يعطيك الصخة اختي

هايلين

ملاح يهبلو شكرا على الوصفة

ماشاء الله يعطيك العافية حتى انا كنت نحوس على وصفة لكورني شكرا منيني على طلب

العفووووووووووو ان شاء الله ام اية حقك راه مدسوس

السلام عليكم حبيت نسال على الطريقة الناجحة لعمل افضل شاي لان ما يجينيش بنين

السلام عليكم تطبخى الماء تم تديرى زريعة التاى فى ابريق تم تغسيلى الزريعة بشوى ماء طابخ و طيشيه مرتين تكرر العملية وبعد دللك زيدى الماء المغلى فى الابريق و حطيه فوق النار يطبخ وبعد دللك صفيه فى ابريق اخر تم ديريلو النعناع و السكر تم زيدى الابريق الثانى و الثالث و شهية طيبة ردى الخبر و شهية طيبة هدا تاى الصحراء

اختي الكريمة راااني ملللللللللللللليت من تحضير الشاي مرتين في اليوم هههههه
تقريبا قريب نطيبو و عينيا مغمضين ههههه
نعطيك الطريقة
اغسلي لاتاي و ديري الماء يغلي كي يغلي حطي الاتاي و و حطي ورقات نعناع او حتى يابس و طفي النار و غطيه و خليه يتنقع شوية
من بعد جيبي البراد و حطي فيه السكر و صبي الشاي و ابداي تفرغي الشاي من البراد الى كاس تاني حتى يدوب السكر و جامي تحلي الشاي بالملعقة
و استمري في التقليب من بعد عاودي سخنيه و قدميه و على فكرة عملية التقليب من البراد للكاس هدي لي تمد النكهة للشاي بحيت تتداخل اتناء التقليب جزيئات الاكسجين في الشاي
نتمنى تكون فهمتي عليا

السلام عليكم حبيباتي عندي فول اخضر و ما عرفتش نطيبو قولولي شي وصفة زوينة لطهي الفول مشكوووورين

السلام عليكم
تقدري اديريه طبيخة تقطعيه شوي شوي وتفوريه مليح ومن جهة تقلي شوي بطاط مربعات وتوجدي شوي طماطم مرحية وفلفل حار مقطع مقلي وحبة بصل صغيرة مقطعة رقيقة ومقلية في الزيت كي يطيب الفول حطيه في المقلاة مع الملح وعرقيه شوي وزيدو فوقو الطماطم حتى تنشف من الما ثم ضيفي باقي المكونات نصف ملعقة طماطم مصبرة وفلفل احمر حار واكسري علي البيض انت كمية الفول وثم قطعي الدبشة وتجي بنينة يميم
تقدري اديريه طعام اي بربوشة بمرق احمر مع حبة بطاط تجي تشهي
انا نحب الفوووول تدير بيه خلووطة

انا نقص الفول الى قطع صغيرة اضعه ينضج فى ماء مملح حتى يطهى ثم اظيف البصل المقطع رقيق و زيت و الثوم مهروس و الملح و الفلفل الاسود و الكمون و الحمار و طماطم حب و طماطم مرحية عندما يتختر قليلا اظيفى الدبشة و اتركيه بضع دقائق

دلال ام سمير الله يحفظك ان شاء و يعطيك ما تتمناي شكرا

نزهة الله يخليك و يحفظك مشكووورة مخلوفة ان شاء الله

حنا نقطعوه رقيق ونفوروه وتمرسيه مع حبة بصلة وثوم مقليين فالزيت وديريله الكمون والحرور والملح وديري البيض يجي هبال

واذا كان كبير دي فصوص انتاعه وفوريه وكي طيب الملح والزعتر

يحفظكم حبيباتي

انا نديرو في المرقة تا الكسكسو ولا الارز ثاني

ديري سكسوووووووووووووو( مسفوف) ممممممممممممممم الله الله وادهنين بالزيت الزيتون ياعيني

باسم الله الرحمن الرحيم

السلام عليكن اخواتي واسعد الله اوقاتكن بكل خير

ابحث عن وصفة الميلفاي بارك الله فيكن
اللي تعرفها اتقولنا او ربي ايجازيها كل خير اختي راهي مستحقتها قلتلها ماتخافيش عندنا الشيفات بزاف قتلها دوك اندير استنفار ايجيبوها ماايغيب عليهم والوا الفحلات
او راني جيت مااتحشمونيش ياك؟
بلاه نوالوا لينا او كامل لبنات اعطوني الوصفة ربي يحفظكم ان شاء الله

راني نستنى بارك الله فيكن

تبعي للاخير https://www.dzhawaa.com/vb/showthread.php?t=50878

شكراااااااااااااااا

ربي يحفظك اختي لينا او يعطيك ماتتمناي او ايفرحك
اممممممممممممممم كون كملتي قطعتي واعطيتيني 1 هههههههه

بارك الله فيك ام ضياء شكرا لك

نعرفك كريمة وحنينة اختي لينا
شكرا لك موفقة لكل خير

السلام عليكم صح فطوركم

اختي ام منذر عندك غريبية من مطبخك شفتها في المدونة نتاعك عجبتي وحبيت نجربها بصح مالقيتش فيها خميرة كيميائية نورمال؟ فيها الفرينة والزبيت والسكر وزيد نخلط السكر والزيت لمدة نصف ساعة بيدي؟ اختي تعيشي حابة نجربها وحابتها نتجحلي اعطيني كل اسرارها وربي يخليك ويحفظك من كل شر
هذا هو الرابطالغريبية اللي طلبتها مني منى1

اختي الغربيبة عموما مافيهاش الخميرة

شكرا مديرتنا العزيزة وشكرا حبيبتي ام منذر لي كل الثقة في الله ثم فيكم ان شاء الله يارب

السلام عليكم
شكون تعرف هاد النوع دالغريبة لي باللون الاخضر وفيها لوزة على يمين الجهاز الله يرزقها الجنة تعطيلي المقادير والطريقة

حنونة انا نعرف المقادير انتاع المشقق و لي هو باللون الاخضر

هذاك ماشي غريبة هو باللوز او الكوكاو والسكر و البيض و الفاني اذا حبيتي نمدلك المقادير كاملين

حلوى المشقق رووووووعة و سهل جداااااااا

الله يرزقك كل ماتتمناي اختي والله يبيض وجهك يا غالية

استفدنا من الموضوع بارك الله فيك

اللهم امين و اياكم ان شاء الله

السلالالالام عليكم

قولولي لبنات وخاصة العاصميات………
مور العيد ان شاء الله راهم جايين باش يجيبولي لمهيبة
و راهم جايين من alger
بغيتكم تعاونوني و تقولولي شا نطيب , parce que هذي لمرة لولى ليجيو بعد العيد
خاصة العاصميات قولولي نتوما شا طيبو و شاديرو حلوة
راني نسناكم حباباتي ماتخلونيش منكوبة هههههه

ah svp recette te3 le 2eme plat mais avec la viande, kelke soit la recette

لست عاصمية لكن ان شاء الله نسقسيلك صحاب العاصمة …
.
.
.
.

ok hanounti, mayensseynich berk

حبيبتي علا ش مديريش الاكل نتاعكم وهذه فرصة باه يتعرفو على عاداتكم

صح يا الحنونة كيما قالت الاخت لي سبقتني حتى هوما جايين متشوقين باش ياكلو طيابكم ههه
اما الحلوى ديري بقلاوة و مقروط و حاجة ثانيية اختيارية اذا راح يباتو متنسايش القريوش ولا الحنيفيات

ok mais goulouli kech wasfa tkoun special te3 lham

شوفي هذي انا راني معولة عليها هذا العيد هههه الكبة المشوية هي عبارة عن لحم ترحيه مع التوابل و المعدنوس و الملح امبعد تجيبي عيدان الشويان و تلفي اللحم المرحي فوقهم و تضعطي عليهم و امبعد اذا تحبي الشحم ديري هذاك الشحم الابيض النقي اممممم ديري طبقة رقيقة فوقهم و اشويهم

ديري الكبدة المشرملة

اصحاب العاصمة معروفين بالشوربة البيضاء و الرشتة (لا ادر هل يعملوها في المناسبات)
و طبق رئيسي دير من تقاليدكم و زيدي معاه الكبدة المشرملة لانها مشهورة عندهم هي و المثوم
زيدي اللحم الحلو و اكيد السلطات
يعني تقدري تصنعي اطباق خاصة بكم و اطباق خاصة بالعاصمة …
الحلويات كيما قالولك البقلاوة او المقروط بوسو لا تمسوا و قاطو من منطقتكم …

صح القاطو تاع قناة سميرةيجيو يابسين شكون جربهم يقولي

سلام اختي فيفي علاه يجو يابسين والا جا واحد يابس مش معنتها الكل يابسين

يعني وصفات كتب سميرة دايما ملاح والقناة من اجمل ما يكون يعطيهم الصحة وربي يوفقهم

لا لا ختي كاين وصفات مينجحوش لكن انا جربت بزااااف منهم و الحمد لله
هاااايلين ربي يسترهم فادونا

لالاة راني جربت قداش من واحد ما جاوش يابسين

لالالا ماش كامل يابسين انا جربت الله يبارك انواع و كامل خرجو ماماي

السلام عليكم ورحمة الله وبركاته
مرحبا اخواتي اولا كل الاخوات معانا خير وبركة
ولكن قلت العنابيات لان نحتاج بنات من عنابة باه نشري الي محتاجتهم وهما اكواب المقادير
قلبت عليهم الدنيا ومالقيتهمش للاسف وصلت للعلمة في محلات البلاستيك ومحلات اغراض لحلويات واااالو لا حياة لمكن تنادي
الي عندها بليز توصفلي المحل الي جابتهم منه او العنوان المهم تفيدني برك لان حطيتهم في بالي ومانقدرش نتهنى غير لما نشريهم ان شاء الله

ماشي هادوا راهم عندي هادوا اخواتي

هااااااااادوا

منيش عنابيه حبيت نضرب طله برك

هيا العنابيات هاااااااااااااا دخلو

موفقه ان شاء الله يفيدوك

ههههههههههههههههههمنورة بطلتك حنونة ان شاء الله برك تجي وحدة تفيدني هادا حلي الاخير باش نلقاهم هاد لبن العصفور جابلي ربي

ههههههههههه حنونة
هادو كما لي عندي و شريتهم من العلمة
ادا تحبي المرة الجاية نجيبلك معايا
هنا في عنابة ماحوستش عليهم بصح نديرك في بالي وكي نلقاهم نقلك

ربي يعيشك يا ام كوثر والله روحت للعلمة وكتروا عليا المحلات ماشاء الله الي نسقسيه يروح يجيبلي هادوك نتاع الزجاج وهنا في عنابة راهم قريب غير ندخل عليهم من الباب يقولولي ياو ماكااااااااااااااااااااااااااااااااااااااااااااااا ااااااااااااش من كتر مانطل كل اسبوع عليهم
اما العلمة ان شاء اله رايحة نهبط هاد الشهر ونشوف في العلمة او البليدة ويارب نلقاهم
ربي يحفظك حنونة تعيشي

نو نو علاه قاع هذا الشي عليهم خبريني كاش ما اختراع جديد هههههههههههههه

والله والو غير عندي طبيعة مش مليحة كي ندير حاجة في بالي نبقى موراها حتى نعملها وهادوا ملاح ونحب نجمع كل انواع القوالب واغراض الحلويات وغيرهم

ياعمري كاش ما نهار متلقايش وين ترقدى من تجماع ههه
موفقه كون جيتي حدايا كون بعثتهملك كادو من عندى
الله غالب ارحلي وارواحي تسكني بحدايا نقلش عمري هههه

ههههههههههههههههههههههههههههههههههههههههه الله يخزي شيطانك يا نور تخيل روحي راقدة فوق كومة نتاع الخردة
وربي يعيشك وين تسكني نجي نرحل عندكم يلا كاين عندكم الكيسان ههههههههههههههههههههههههههه

اختى موجودين حتى في دزاير و بليدة شفتهم لاكن ماشريتهمش غير قلبي مليح

سلام اريد طريقة للاحتفاظ بالفلفل المشوي في المجمد دون ان يفقد الفلفل مذاقه

وعليكم السلام
اشوي الفلف ونقيه مليح وديريه في بوات مونجي ولى في ساشي وحطيه في لكونجيلاتور
وكاين طريقة اخرى ديرها خالتي تشوي الفلفل والطماطم وتنقيهم وترحيهم وتخبيهم في بوات وعلى لكونجيلاتور مباشرة ووكي تستخدميه خرجيه وحطيه في لفريجيدار قبل ومن بعد خرجيه من لفريجيدار هادي عملية ديكونجيلي صحية وزيديلو زيت وثوم مرحي وملح وبالصحة

افضل طريقة للحفاظ على مذاق الفلفل المشوي انك لما تشويه حاولي تنقيه باقل قدر من الماء اي لا تغسليه في حوض الماء ابدا
بعدها ضعيه في لي بواط او ساشي دكونجيلاسيون

انا كنعمل نفس طريقة الاخت ام محمد 22
ونضيف ليك نجيب فلفل اخضر بلامانشويه نغسله ونقطعه دوائر وفي لبورت منجي او ساشي والى المجمد
نستعمل في ضلمة سردين

انا نشوي الفلفل كنعملو في كيس بلاستيك حتى يعرق مليح نحي له القشرة بدون استعمال ماء فقط نغسل يدي مرة مرة من القشرة ونقطعه ونعمله في الساشي وندخله الكونجيلاتور اما ادا حبيته مامقطعش نعمله في صينية وندخله الكونجيلاتور حتى يجمد تم نجمعه في ساشي والى الكونجيلاتور وادا كان عندي فلفل كثير ومافي مانشويه نقطعه ونعمله في الساشي ونكونجوليه حتى نحتاجه نجبده ويبقى غزال.اما الفلفل المشوي كي نكون نستعمله بزاف ماندخلهش الكونجيلاتور نعمله في قرعة ديال الزاج ونخوي عليه زيت زيتون وندخله الثلاجة يبقى هايل وحتى الزيت نتاعو نسم بيها الاكل

شكرااااا لصاحبة الموضوع والاخوات والله استفدت منو بزااف شكراااااااااااااااااا

شكرًا اختي على النصيحة

اسعدني مروركي سيدتي