التصنيف: إستفسارات وطلبات العضوات

سلام أخواتي

من منكن تعرف طريقة لحفظ القاطو طري لأطول مدة ممكنة لكن من دون وضعه في المجمد؟؟؟؟؟؟؟؟؟

شكرا

ينقل الى القسم المناسب

سلام حبيبتي
أحسن طريقة لحفظ القاطو طري هي تحطيه في علبة بلاستيكية أو معدنية مغلقة باحكام
أنا أضعهم في علب بيوميل (حليب الرضع) و أغلق عليهم
حتى البيمو يبقى طري لأشهر بعد فتحه

باه القاطو يبقى هش و ميتنداش حطي معاه مكعبات سكر تمتص الرطوبة

شكرااااااااااااااااااااا

أنا نسمع بيها برك و عمري ماشفتها و لا كليتها
راني نستنى نتعلم منكم
شكرا

فكرة رائعة هذه طريقتي في طهو الملوخية ناخذ عبر ملوخية وعبر زيت دون مذاق مع القليل من الملح ونضعها في قدر على نار هادية مع التحرك المتواصل حوالي 5 دقائق بعدها نمرق ونغطي القدر
من جهة ثانية نضع في الكيكوت البصل المقطع ناعما والثوم ونزود شويا الطماطم المبروشة فلفل احمر حار واللحم والقليل من الزيت نضعه على النار يتقلى مع القليل من الملح ولفاح راس الحانوت بعدها نضيف معجون الطماطم ونحرك الخليط ثم نمرق ونغلق الكيكوت
عند اقتراب نضج الصلصة نصيف لها القليل من الثوم راس الحانوت فلفل اخضر حار زنجبيل ورقة رند ونطفئ النار
يكون قد مر على الملوخية حوالي ساعتين وهي تطهو ننزع اللحم من الصلصة ونضيفه لها مع القليل من الصلصة ونبقى كل ربع ساعة نضيف القليل من الصلصة للملوخية الى انتستوي وذلك بان يطفو الزيت فوقها عندا نطفئ النار ونضيف آخر ما تبقى من الصلصة ويكون الفلفل الاخصر وورقة الرند تركناه للاخير
عند التقديم اعصري القليل من الليمون وهذا اختياري

نسمع بيها بصح عمري ولا كليتها، ممكن تقولولي كيفاش ذوقها؟؟؟؟؟

امممممممممممم الاكلة اللي نموت عليها
نحل الملوخية في الزيت حت تولي جارية
في برمة تكون تقيلة نحط البصل رابي وراس ثوم لانها تحب الثوم يتقلاو في الزيت ثم نضيف الدجاج يزيد يتقلى معاهم ثم نضيف الفلفل الاسود وراس الحانوت والعكري الحلو والحار ونقليهم مليح ثم نضيف شوية طماطم مصبرة ثم نمرق بالماء الساخن وعندما تغلي نضيف الملوخية ونقص على النار ونبقى نخلط مدة خمس دقائق تقريبا حتى تروحلها اللزوجة ونخليها على نار هادئة مع التحريك مرة على مرة اي كل عشرة دقائق تقريبا وفي نص طياب ننزع الدجاج ونحيلو لعظم ونخلي الملوخية تكمل طيابها كي تبدا تخرج في الزيت نضيفلها ملعقتي طعام زيت الزيتون والدجاج المفتت قطع كبيرة وليمونة مقشرة(احيانا نعصر فيها نص كعبة قارص)ونحرك جيدا ونخليها حتى تتلق الزيت يعني تعمل طبقة من الزيت في هذا الوقت نحط ملعقة صغيرة من الكمون ونحط قرن او ثنين فلفل حار تغلي مدة دقيقة ونطفي عليها وتؤكل مع كسرة مطلوع
تاخذ في الطياب حوالي ساعتين
صدقوني بنينة بزاف
وهدي صورة الملوخية

اكلة ليها شعبية كبيرة وليها جمهور كبير من المعجبين بيخليها طبعا في اوائل الاكلات المميزة والمحترمة

ولتزداد تميزا واحتراما خذي الافكار دي

لسهولة تجفيف الملوخية حتي تتخرط بسهولة وما تسقطش في الحلة توضع في كيس

خديه نظيف وتربط وتعلق في البلكونة او مكان متجدد هواء لمدة ساعة

لسهولة خرطها بلاش الفود بروسيسور لانه بيعصرها مش بيخرطها

توضع في كيس ويربط جيدا ونخرط بالمخرطة من خارج الكيس تفضل المخرطة زي الفل و ايديكي كمان

ضعي لها نصف ملعقة صغيرة سكر وشوفي هيفرق في الطعم ازاي

ضعي لها ذرة صغيرة من الكربونات ( الي بتتحط ع الطعمية) تحافظ على لونها الاخضر الجميل

واوعى تنسى تضعى مرقة الدجاج وقرن فلفل يتخرط معاها بالمخرطة

لما تضيفي لها الطشة ما تغطيش الحلة على طول عشان مش تسقط تحت استني 5 دقايق وبعدين غطيها
المقادير

كيلو لحم ويكون قطع صغيرة ويفضل تكون بالعظم

3 حزم ملوخية

1 راس بصل 2 راس ثوم
وكزبرة ناشفة وفلفل اسود

بودرة توم وبصل

الطريقة
يغسل اللحم ويسلق على النار ونشيل الزفرة ثم نضيف بصلة مقطع صغيرةونضع الملح والفلفل الاسود اذا نضجت اللحمة نكون مغسلين ورق الملوخية بعد قطفه ونضعة بصفاة حتى يذهب الماء ونفرد قطعة قماش اورق بصينية ونتركها حتى تجف من الماء

نقوم بتقطيع الملوخية بالسكين ثم نقوم بطحن الملوخية باليد او ماكينة الملوخية

الصورة تم تصغيرها تلقائيا. انقر على هذا الشريط لعرض الصورة بحجمها الأصلي. ابعاد الصورة الأصلية هي 1632×1232 وحجمها 397 كيلوبايت.

وتكون بهذا الشكل

نضع الملوخية على مرقة اللحم ونحرك بالملعقة حتى تتفك من بعض ونخليها تغلي

ونكون نجهز التقلية
وهي راس ثوم مدقوق توضع مع قليل من الزيت وتقلب على النار اذا بدأ يصفر
ضعي ملعقة كزبرة ناشفة وقلبيه

ثم ضعيها على الملوخية وغلوة واحدة وطفي القدر

ولكن لي ملاحظة
لاتكون المرقة كثيرة ولكن نقصي منها واذا شفتيها ثقيلة زيدي وتكون ساخنة وليس باردة
حتى لاتفرط الملوخية
ولاتغطيها وهي على النار حتى لاتفصل

وبالهناء والعافية

السلام عليكم
الله يعتق ريقابكم من النار اشنو نعمل بهاد النقاش يريت لونمادج بالصورة

وعليكم السلام
حبيبتي هاد نقاش جميل جدا تقدري تنقشي الحلويات بطريقة جميلة مقوسة اظن شكله ؟

شكرا لك عزيزتي hananour هو على شكل قلب
يريت صور الحلويات لي تيتعملو به

حبيبتي ام رايان والله غير بحثت وما لقيتوش
في رايي يستعمل عادي مثل النقاش اللي نخدمو بيه طول الوقت
بمجرد تضغطي عليه يخرجلك قلب منفوخ
بالتوفيق

راني حوست وصبت ليك هدو نتمنى يعجبوك
انا عندي في زمان ديال انوكس لكن ديال شباب

السلام عليكم
ابحث عن وصفة للشخشوخة تكون مجربة راني نهدر على المرق
لانو لاحظت انو الماهرات تاع هدا تامنتدى لما يكتبو وصفة

يكتبوها مفصله و حتى مقادير التوابل يكتبوها و هذا الشي الي راني حاباتو حاجة مفصلة
لاني كل ما نطيب الشخشوخة تجي بنتها غريبة و ماشي كيما الشخشوخة التقليدية و راني متاكدة انو المشكل راه في حاجة صغير يا اما نوع من الخضار مكثراتو على الاخرين يا اما كاين توابل ناقصة يا زايدة
فالله يخليكم راني حابة نتعلم مرق شخشوخة كيفاش يطيب بالتفصيل

انا راني نهدر على شخشوخة الي بالمسمن ماشي تاع الظفر و لا شخشوخة اخرى شكرا

والله يااختي العزيزة اولا تقدري تقولينا على الطريقة اللي تتبعيها واللي الطيبي بيها .
انا نداويها بالكسبر ناشف والفلفل احمر والملح والفلفل الاسود وندير الحمص و6 مغارف زيت و1طماطم وم ك طماطم مصبرة , اما بالدجاج و اللحم او الداند واللحم تجي مخلطة باش تجي بنينة نداويها ليلة من قبل باش الدجاج واللحم يتشرب الدواوات , وكي تجي تحطيها طيب زيدي حبة بصلة مسكرفجة و2 سنات ثوم وكي تقرب الطيب نجيب الفرماس نغليه (مشماش مجفف بالملح ) من بعد نرحيه في المرقة والزبيب نحطو في الماء السخون 15د اما الخضرة مانرميش .

هذه طريقتي وارجو من فحلات المنتدى يفيدوك اكثر

اختي الشخشوخة لي تحبيها تجيك بنينة …..نعطيك الوصفة -مشكلتي بالتصوير معنديش باه نصور -المهم الوصفة
بصل مقطع رقيق 2 روس
وزيت
وملح
فلفل احمر حار مغرف كبيرة
راس الحانوت نص مغرف كبيرة
طماطم مصبرة 2 مغارف كبار .وطبعا اللحم او الدجاج .وتمرقي بالماء الساخن اذا درتيها باللحم غنمي ديري شوية فول يابس .وشوية سكر .
هذه حنا نطيبوها

والبطاطا نقطعوها دوائر ولحوها …..بعد اللحم مايطيب .واذا دجاج لوحي كلش مع بعضاه .
انا من باتنة

شكرا اختي على حساب واش فهمت المرق يجي غير بالبطبطا
لامو انا ندير كورجيت اللفت زروندية و اكيد السكر

merci beaucoup likom ya mes soeurs

ينقل الى قسم استفسارات العضوات

و الخضار ؟ كيفاش طيبيهم؟

السلام عليكم اختي مرقة شخشوخة المسمن نديروها كيما مرقة شخشوخة الظفر بالصح ما نزاودولهاش البصل
تحبي ديري الجاج و لا اللحم و لا الداند و انا شخصيا تعجبني بالجاج احسنهم
المهم انا ندوزن بالجاج و البصل 2 روس مقطع رقيق و لا مرابي + الفلفل الاحمر الحارعلى حسب الذوق+ راس الحانوت اللي يتكون من كسبر يابس و كروية و حبة حلاوة و كركم حنا هاكا نديروه ديري2 مغارف كبار+ الزيت + الثوم 6 سنات+ الملح و تحمصي شوية و تزيدي ديري الطماطم المصبرة و الهريسة اذا تحبيها و تمرقي و تخلي الجاج يطيب و الحمص ما نرميهش طيب مع الجاج نديرو يطيب وحدو في كسرونة في المرقة نتاع الجاج
هذه هي طريقتي و نتمنى يزيدو يفيدوك الاخوات الفحلات

و الخضار ماكاش ؟

السلام عليك اختي انا انديرالمرقة انتاعي اللحم على حساب الي عندك حبة بصل او زوج على حساب المرقة الي اديريها وراس ثوم وفلفل حار يابس زايد الاخضر انديرو كي تطيب المرقة والتوابل انتاعي متنوعة وهي قسبر حب وكمون وحبة الحلاوة بسباس ونرحيهم مع بعض ونحط منهم قدر مغرف انتاع ماكلة وساعات نزيد ونضيف فلفل اكحل وملح على حساب الذوق والطماطم والزيت والخضر نستعمل البطاطا والحمص والزرودية وساعات اندير الجريوات ولا الخرشف على حساب الخضرة الي عندي ونضيف الفرماس وربطة حشيش متنوعة

merci beaucoup les filles
الله يحفظكن انشالله

السلام عليكن و صح رمضانكم …..أريد وصفة جديدة للفلفلة عملتها بلاصوص طومات بصح ماجاتنيش مليحة

شوي لفلفلة و طيبي دجاج و فتيه و قطعي الفلفلة على الطول و يكونوا رقاق و ديري شويا زيت و فلفل اكحل و خليهم على النار حتى ينشفوا من الزيت و حطيهم يجيو يهبلوا و ما ياثروش على المعدة

أنا في الإنتضار

جامي سمعت بيها وش الفلفلة

أختي قلي البصل مقطع شرائح في الزيت و مبعد زيدي الفلفلة مقطعة و سنينات ثوم و ملح و فلفل أسود، و ديري طوماطيش رابي و كاس صغير نتاع ما، و خليها تنشف و في ااخير فقصي حبات بيض أو ما ديريش البيض اختياري

السلام عليكم
يوم السبت عندي قطيع الشرط نتاع اختي وحبينا ندرولهم فطور وقهوة
حبيت لي عندها خبرة تقلي واش نديرو من اكلات وتتفضلو عليا بالوصفات
وجزااااااااكم الله خيرا
:00001 24:

..

ربي يتمم بالخير لعقوبة ليك
بالنسبة للفطور تقدري تعملي :
* حريرة او شربة
* طبق رئيسي مالح مثل الزيتون أو جلبانة بالشومبينيو
* الدجاج و الفريت
* طاجين حلو
* سلطة
* فواكه و مشروب

و للقهوة عملي نوعين من القاطو و إذا أمكن زيدي تارت

ان شاء الله نكون فدتك

حنا في ولايتنا يديرو
شربة فريك
المصور يعني لحم مشوي
السلطة خضراء مع طماطم وزيتون و خيار و بصل و مايونيز و ماييز
و السفة ب الزبيب و العسل و السمن البلدي
الجو و الفواكه
الاتاي و المكسرات
و كاين الي يديرو كسكس ب المرق حمرة و اللحم و البيض و الزبدة الطبيعية و الفلفل الحار
و الجو و الفواكه
لتاي و مكسرات

[


يعطيييييييييييييييكم الصحة يا الاخوات افدتوني بالنصائح دياولكم وان شاء الله نهار السبت نقلكم وش درنا فيها

[/U][/U][/I]

السلام عليكم
يا الحنونات ما كانش الي يسلكني من غيركم راني حايرة منين نبدا اولا انا عندي وحدة من العائلة مقيمة في فرنسا عيطتلي وقاتلي بلي راها جاية لعندي من ديك النها ر وانا نخمم واش هي الماكولات الي نقدر نوجدملها هي وولدها خاصت عندا السكر و100مرض الحاجة لحلوة ماتكلهاش سواء فالطياب ولا الحلويات يحبو لي سوب بزاف ولي بات مدابيكم تعطيوني الاقتراحات نتاوعكم وتسلكوني من هاد المصيبة هي جاية تحوس وانا نتفقس سمحولي الا قلقتكم نورمالمو نكتب فالحيرانة

هههههه قتلتيني بالضحك والله مانعرف وش ياكلو مرضى السكر
الواحد مع الصحاح حار وش يطيب كل يوم خلي يا عندها 100 مرض
هههه وقيلا تقتلك وتروح لفرنسا ,نضحك معاك حنونة ان شاء الله يعاونوك البنات

بصحتها اختي والله شيء يصحك
ماعليش تديها حسانات واكرام الضيف لازم
ادن وجدي المكتوب واليدين
ماتخرجيش على المالوف غير بالخضر تاع الموسم ومادام يحبوا لي سوب هدا شيء جميل مايطابوش بزاف العجائن
كل مرة شيء
قرنون دولمة
الله يبارك رانا في وقت لفليوا بطاطا حارة بالفيلو
والكابوية اعمليها سوب غير بسنة ثوم ولكرام فراش سهلة في نصف ساعة وجدتي لسوب
المحاجب
المعقودة راتي مع البصل الرقبي
وطبعا اعملي الكسكس بالحضر او مسفوف بالفول والجلبانة
الرشتة
المهم اختي ماتخميش والله غير تجوز حالة وهما كي يجو يحبوا يخرجوا يحوسوا ادن ماريحنش يقعدوا في الدار

[SIZE="4"]صح عندك حق اختي ام الحلوات نسيت
السلايط هدا تاع البسباس بزاف مليحة نديرها بزاف كي تعمليها مع االمعندوس والبيض المغلي
وسنينة ثوم الله عليها
الحميص راهو كاين الفلفل وطماطم مشوية مع زيت الزيتون ادرسيهم
والكرم الاحمر كدلك بزاف مليح خاصة انها مريضة المسكينة كثري السلطات لانها سهلة ومفيدة لحالتها
والقرنوت عندي وصفة بزاف كاملة الصورة تزيد في الشرح
تغلي قرنون ويعدها تحليها على شكل وردة بشوية تتفتح كي الزهرة وانزاي هداك الشعر اللي فيها
بعدها احشيها في الداخل بسلطة المارسيدوان
يعني كل شيء عندك رزودية البطاطا الجلبانة الماييز والوان كثيرة مع الروز مغلي
وتزيدي المايوناز وتحشي القرنون وتزيدي البيض المغلي والزيتون

سابحث عن الصورة انها سلطة كاملة وبريزونتابل كثير
سلطة صحية و متنوعة

سلطة اخرى 2
نبشر كل الخضر
*3حبات جزر مبشورة
*1 كبيرة البتراف او الشمندر *نستطيع عمل لكرم احمر نعمل في اناء فيه الخل والملح *ليلة كاملة
* الخيار حبة كبيرة
* وبصلة صغيرة مقطعة رقيقة نسطيع عمل فرماج مبشور
* كاس روز مسلوق او مفورن
صوص
زيت الزيتون + ملح + قطرات قارص سنة ثوم مبشورة نخلطهم

سلام اختي
اصحاب السكر لازملهم الخضر وحاجة قليلة مالعجائن موما الي يطلعو السكر
عندي حساء بسيط ولديد الي كلاه عندي عجبو وسقسا علا لاغوسات
زوج حبات بورو تقليهوم ملييييح+زودج حبات بطاطا مقطعين مكعبات تقلي +فطر من الاحسن طازج او علب تقليه ايضا
تمرقي ماشي بزاف باش اجيك بنينة وتغلقي غليها وتخليها اطيب
ارحيها +كريمة طازجة وتقدري تستغناي عليها +فلفل وقليلا من جوزة الطيب
تتقدري تحمري دجاج مع خضر سوتي
ربي معاك حنونة وحوسي فالمنتدى راهو كنز وكاين وصفات في القمة

ربي يخليكم يا الحنونات على الاقتراحات ديالكم جزاكم الله خير

أريد مقادير وطريقة كاطو القطيفة من فضلكم إن سمعتن به أخواتي الفضليات

اسفة اختي لم اسمع به من قبل لعل باقي الاخوات تقدر تفيدك

شكرا لكي حبيبتي

ولا انا سمعت به يمكن الاسم مختلف

500غ زبده
1 كاس سكر ناعم
1كاس زيت
½ كاس مايزينة
1 كيس خميرة كيميائية
1 ملعقة صغيرة فانيليا
فرينة على حسب جمع العجينة
مقادير الحشوة
500غ زبدة طرية (انا درت 2م ك فقط كفاتني)
½ كاس سكر ناعم
½ كاس عسل
التزيين
1كيلة جوز الهند المحمص في المقلاة
2 ملاعق كبيرة كاكاو مغربل
½ كيلة سكر مسحوق
1 علبة مربي+ ماء الزهر
طريقة التحضير
في وعاء اخاطي الزبدة و السكر.اضيفي الزيت و الفانيليا مع مواصلة الخلط.
زيدي المايزينة و الخميرة .ثم اضيفي الفرينة تدريجيا حتى الحصول على عجينة ملساء غطيهاواتركيها ترتاح مدة 15 دقيقة.
بواسطة الحلال.ابسطي العجينة بسمك 5ملم قطعي الدوائر بواسطة مول
ضعيها في صينية ثم اطهيها حتى تصبح الحلوى ذهبية اللون
في وعاء اخلطي المارغرين و السكر ثم اضيفي العسل حتى تصبح الكريمة بيضاء اللون
بعد الطهي.الصقي الحلوى واحدة بالاخرى بالكريمة (الحشوة) اللتي حضرتيها من قبل
اغطسيها في المربى الممزوج بماء الزهر ثم ذرذري ( الجوز الهند المحمص+الكاكاو+السكر المخلطان)
و هذا شكلها النهائي يذوب في الفم مممم اتمنى ان ينال اعجابكم
المرة الجاية نقدم لكم الانواع الاخرة لي درتها في الحفلة
اتبعونيانتظر ردودكم

خيري وختاري اختى

المقادير:

500غ مارقارين

كاس سكر قلاصي

كاس زيت

باكي نشاء

1خميرة

فرينة

للزينة:

200غ noid de coco

100غ كاكاو

50غ سكر عادي

معجون مشمش

ماء الزهر

breillon

الطريقة:

نحضر العجينة بالمقادير اللي فاتو و نديرها كويرات ثم نطيبها في الفرن في سينية مدهونة بالزيت
ثم نخلط الكاكاو وnoid de coco و السكر العادي ونخلط المعجون مع شوي ما زهر ونسخنو

وبعد مايطيب القاطو نحطو في المعجون و من بعد في الخليط تاعنا و اذا حبيتي ديري عليه شوي breillon اصفر

و يخرج بهدا الشكل:

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 49 كيلوبايت.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 77 كيلوبايت.

[rainbow]ماشاء الله عليكي يا أم هالة شهرزاد حتا حاجة ماتخفا عليكي[/rainbow]

ام هالة شهرزاد يعطيك الصحة شـكــ وبارك الله فيك ـــرا لك … لك مني أجمل تحية . هذا واش راني نحوس بارك الله فيك

شـكــ وبارك الله فيك ـــرا لك 26373379_24729924_3.. لك مني أجمل تحية . ام هاله شهرزاد1_155:

السلام عليكم
اسمحولي كثيرت عليكم بالاسئلة بصح الله غالب ما عندي عليمن نطلب النصيحة من غيركم والله نثق فيكم
امبارح شريت عجينة اللوز ما عرفتش كيفاش نطريها

قالتلي وحدة كاين لاماع سائل لعجينة اللوز والطلية انا جامي سمعت بيه عندكم اي فكرة يا البنات

أنا عندي عمتي تخدم الحلوى بزااااااااااااااااااف موالفة طريها بماء الزهر وزيدي شفي الأخريات واش يقولو

الله يخليك ربي يحفظك

بلا مزية حنونة وربي يوفقك

ديريلها االميزينة النشا و عجنيها ترجعلك طرية

بارك الله فيك اختي

سخنيها شوية دورك تطرا

كيفاش نسخنها مفهمتش اختي

ديريها في كاسرون من الأحسن تكون نتاع طيفال و تديري نار قليلة و تحركي و كي تشوفيها بدات تطرا نحيها و اعجنيها بالنشاء و شكلي كيما تحبي.

السلام عليكم اخواتي ممكن طلب مساعدة؟؟؟؟ط

انا حبيت تعطوني وصفة الشاربات العاصمية ماشي تاع بوفاريك لا انا قصدي تاع العاصمة لي كنا نعملوها في حمام لعروسة ولا في النهار الاول لصوم اولادنا ارجو المساعدة لاني نسحقها ضروري

وشكرا مسبقا

تحياتي