التصنيف: إستفسارات وطلبات العضوات

سلام لبنات بلاك تستغربو وتقولي يخي جايحة

بصح عمري ولا صلحلي لاتاي بالنعناع وزاد راجلي كثر عليا كي شافني منعرفش نطيبو بصح متاكدة بلي راني غير نخلط سالت بزاف بصح كلهم يورولي نظري وانا حابة ضركة تقولولي قياس بالفنجان تع لاتاي ولا اكثر وشحال نعناع ندير ونطيخو ولا لا
لقيتكم غير نتوما خوتاتي من فضلكم

لا لا اختي متقوليش ع روحك هكذاك حد ماخلق يعرف كلشي رنا كامل نتعلمو
شوفي سخني الماء حي فية الشاي يترنخ شوية او مبعد صفيه او رجعيلو الماء تاعو او حطيه يغلي او مبعد حطي فيه
النعناع اليابس و يلا حبيتي تنكهيه حطي فية القرنفل و نجمة البحر والقرفة هاذو كامل ديري منهم غير شوية برك
او خليهم ع النار
كي تنحيه حطي فيه وريقات تاع النعناع لخضر
ان شاء الله نكون افدتك حبيبتي

hجربي هذي بالك تعجبك أختيttps://youtu.be/05pdDN5cKr8

اغسلي اوراق الشاي الاخضر بماء سخون وصفيه ودريلو ماء جديد ودريه اطيب عندما يبدا يغلي نقصي النار النار تكون ضعيفة جدا وخليه مدةطويلة ممكن نقلك نص ساعة او اكثر قبل ما اطفي عليه اضيفي النعناع اذا كان يابس دقيقة يغلي معاه ثم طفي دقائق وصفي واضيفي السكر
بالمداومة تصيري تتقنيه بالتوفيق

نقولك تاي نتاعنا
حطي الماء يغلي خليه حتى يغلي مليح مليح
حطي حساب كف ونص تاي نتاع السوق اليابس
واغسليه 3خطرات
و
حطي البراد على نار قليلة وزيدي الماء المغلي
وخليه وحد 2دقايق
جيبي كاس وحطي فيه السكر قداش تبغو حلاوة تاي
وفىغي عليه تاي وبقاي تخلطي بلمغرف حتى يذوب السكر ويولي كلعسل
وكي يذوب السكر فرغتيه على تاي لي فلبراد وخليه يطيب شوية قد 3دقايق وخريه على النار وحطي فيه اوراق النعناع الاخضر ورديه يغلي غلية واطفي

طريقتي نفس طريقة ام أسعد فقط النعناع إذا كان اخضر مالازمش يغلي حتى لا يحترق و يتغير طعمه

لما طفي على الشاي نتاعك و تحطيلو السكر اضيفي النعناع يجيك هايل

ملاحظة جودة اأوراق الشاي مهمة

الاخوات عاونوك ماشاء الله و زيدي شوفي الناس اللي من الصحراء ههههههههه هما يعاونوك

ختي انا ندير 3 مغارف كبار حشيش نشللهم بالماء البارد و نصب فوقهم ماء ساخن نخليه يطبخ 10 دقائق تقريبا و نطفي عليه نحط اوراق النعناع و ندير السكر و نخلط

كاين بعض الناس يحبوه تقيل وبعض الناس يحبوه خفيف
كيما قالولك الاخوات غلي الماء واغسلي بيه لاتاي من بعد خليه يغلي مدة معينة حوالي ربع ساعة على نار قليلة
ومن الاحسن يكون النعناع جديد اخظر وانا مانغليش معاه النعناع
نحطعليه لاتاي وهو سخون

habibti tari9a limla7a ali 9atlek 3liha om as3ad psk w kima ta3rfi nass sa7ra rahom spicial b la thé
boncourage

أريد مقادير وطريقة كاطو القطيفة من فضلكم إن سمعتن به أخواتي الفضليات

اسفة اختي لم اسمع به من قبل لعل باقي الاخوات تقدر تفيدك

شكرا لكي حبيبتي

ولا انا سمعت به يمكن الاسم مختلف

500غ زبده
1 كاس سكر ناعم
1كاس زيت
½ كاس مايزينة
1 كيس خميرة كيميائية
1 ملعقة صغيرة فانيليا
فرينة على حسب جمع العجينة
مقادير الحشوة
500غ زبدة طرية (انا درت 2م ك فقط كفاتني)
½ كاس سكر ناعم
½ كاس عسل
التزيين
1كيلة جوز الهند المحمص في المقلاة
2 ملاعق كبيرة كاكاو مغربل
½ كيلة سكر مسحوق
1 علبة مربي+ ماء الزهر
طريقة التحضير
في وعاء اخاطي الزبدة و السكر.اضيفي الزيت و الفانيليا مع مواصلة الخلط.
زيدي المايزينة و الخميرة .ثم اضيفي الفرينة تدريجيا حتى الحصول على عجينة ملساء غطيهاواتركيها ترتاح مدة 15 دقيقة.
بواسطة الحلال.ابسطي العجينة بسمك 5ملم قطعي الدوائر بواسطة مول
ضعيها في صينية ثم اطهيها حتى تصبح الحلوى ذهبية اللون
في وعاء اخلطي المارغرين و السكر ثم اضيفي العسل حتى تصبح الكريمة بيضاء اللون
بعد الطهي.الصقي الحلوى واحدة بالاخرى بالكريمة (الحشوة) اللتي حضرتيها من قبل
اغطسيها في المربى الممزوج بماء الزهر ثم ذرذري ( الجوز الهند المحمص+الكاكاو+السكر المخلطان)
و هذا شكلها النهائي يذوب في الفم مممم اتمنى ان ينال اعجابكم
المرة الجاية نقدم لكم الانواع الاخرة لي درتها في الحفلة
اتبعونيانتظر ردودكم

خيري وختاري اختى

المقادير:

500غ مارقارين

كاس سكر قلاصي

كاس زيت

باكي نشاء

1خميرة

فرينة

للزينة:

200غ noid de coco

100غ كاكاو

50غ سكر عادي

معجون مشمش

ماء الزهر

breillon

الطريقة:

نحضر العجينة بالمقادير اللي فاتو و نديرها كويرات ثم نطيبها في الفرن في سينية مدهونة بالزيت
ثم نخلط الكاكاو وnoid de coco و السكر العادي ونخلط المعجون مع شوي ما زهر ونسخنو

وبعد مايطيب القاطو نحطو في المعجون و من بعد في الخليط تاعنا و اذا حبيتي ديري عليه شوي breillon اصفر

و يخرج بهدا الشكل:

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 49 كيلوبايت.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480 و حجمها هو 77 كيلوبايت.

[rainbow]ماشاء الله عليكي يا أم هالة شهرزاد حتا حاجة ماتخفا عليكي[/rainbow]

ام هالة شهرزاد يعطيك الصحة شـكــ وبارك الله فيك ـــرا لك … لك مني أجمل تحية . هذا واش راني نحوس بارك الله فيك

شـكــ وبارك الله فيك ـــرا لك 26373379_24729924_3.. لك مني أجمل تحية . ام هاله شهرزاد1_155:

السلام عليكم
اسمحولي كثيرت عليكم بالاسئلة بصح الله غالب ما عندي عليمن نطلب النصيحة من غيركم والله نثق فيكم
امبارح شريت عجينة اللوز ما عرفتش كيفاش نطريها

قالتلي وحدة كاين لاماع سائل لعجينة اللوز والطلية انا جامي سمعت بيه عندكم اي فكرة يا البنات

أنا عندي عمتي تخدم الحلوى بزااااااااااااااااااف موالفة طريها بماء الزهر وزيدي شفي الأخريات واش يقولو

الله يخليك ربي يحفظك

بلا مزية حنونة وربي يوفقك

ديريلها االميزينة النشا و عجنيها ترجعلك طرية

بارك الله فيك اختي

سخنيها شوية دورك تطرا

كيفاش نسخنها مفهمتش اختي

ديريها في كاسرون من الأحسن تكون نتاع طيفال و تديري نار قليلة و تحركي و كي تشوفيها بدات تطرا نحيها و اعجنيها بالنشاء و شكلي كيما تحبي.

السلام عليكم راني حاب تخمو معي في قاطو 3 لعرس اختي راح نديرو بقلاوة ومقروط اللوز زيدو عونوني في قاطو 3 ويطيكم صحة

انا من راي ديرو الكفتة ولا les fruit ب la pat damonde بسكو درتو لعسل والتسكار الوغ ديرو حاجة ناشفة وهمة ديما دموندي كلشي مبروك

ديري المخبز ولا العرايش

شوفي هذا الرابط ممكن يساعدك

فـــــهــــــــــــرس الحلويات ليسهل عليك البحث

من الافضل انك ديري صابلي يكون موداغن

من فضلكم,الي تعرف ,اكلة,اسموها(ازفيطي)كيفية طبخها, تقولي كيفاش,ولكم كل الشكر,وجزاكن الله خيرا

اول مرة نسمع بيها

السلام عليكم اختي الزفيطي اكلة تقليدية تشتهر بها منطقة بوسعادة

و لها عدة طرق لتحضيرها و لكن مكوناتها الأساسية واحدة و هي في متناول الجميع

خبز رخساس او فطير كل واحد واش يسميه و هو عبارة عن دقيق و ملح و ماء فقط
طماطم و فلف حار و ثوم مشويين
قسبر أخضر أو حشاوش مقطعة رقيق
بسباس مطحون
طماطم مصبرة
ماء يغلي و زبدة

الطريقة :

انا نعطيك طريقتي في تحضيره و هي بعدما نطيب الرخساس و نشوي الطماطم و الفلفل الحار و الثوم
هناك مهراس خاص لتحضيره نضع البسباس و ندقه جيدا ثم الثوم و ندقوه مليح ثم الفلفل و ندقوه ثم الطماطم مقطعة و نواصل الدق ثم القسبر و الطماطم المصبرة و بعدها نكون قطعنا الرخساس الى قطع صغيرة نضيبفه الى المهراس و نضيف الزبدة و الماء يغلي و نحرك بواسطة يد المهراس و هكذا يكون واجد

و قد اختلف الناس في كيفيته فهناك من يقوم بطهي الصلصة و هناك من يستعمل المعارك بدل الرخساس و لكن كما قلت لكي تبقة مكوناته الأساسية واحدة

اتمنى نكون افدتك

شكرا لك اختي شجون,راح انجربها

السلام عليكم عندي سؤال بخصوص الكرام فريش
لقيت بعض الوصفات لتحليات اللي بالكرام فريش وحبيت نسقسي انا نعرف ها بللي تجي فالاكل يعني طعمها كيما الجبن وهي تجي في علب يعني مش سائلة هل هي نفسها ام هناك نوعين المالحة للطياب والحلوة للتحليات ………..ممكن تفسير ان امكن
شكرا حبيباتي

ولا رد …………………محتاجتها ضروري

السلام عليكم اختي العزيزة اني نقلتلك هذا الرد من أحد المنتديات ارجو ان تستفيدي منه
يوجد نوعان من كريم فريش الثقيلة والسائلة
السائلة تستعمل في كل أنواع الطبخ والحلويات
الثقيلة تستعمل في بعض الوصفت فقط
يمكنك استبدالها بالياغورتا لطبيعي

شكرا حبيبتي مي هل السائلة بطعم حلو …….والتقيلة اللي معتادة نشريها نعرفها بطعم اخر هو الجبن

نعم أختي كاين الكريم الفريش المالحة تجي سائلة في قارورة أو خاثرة في علبة و أنا نديرها مع الشوكولا باش ندير الطلية و كاين كرام شانتيي حلوة

ان اشتريت لي في العلبة و لقيتها حلوة نضربها في الخلاط و نديرها في التارت اما الغبرة لازم نزيدلها الحليب و السكر حتى نديرها في التارت
و حسب معلوماتي كاين لي تنفع للمالح و الحلو وانت تتحكمي فيها حسب رغبتك جربي و شوفي

مساء النور عليكم كيف الحال ان الكل يكونو بخير بغيت نسقسيكم كاش وحدة دارت الزلابية الخشينة ومجربتها لاخاطرش نموت فيها وانا درت غوشاغت في قوقل لقيت بالي بالسميد خشين ولازم تبات بصخ مسييتهاش الي تعرفها ومجربها ما تبخلش عليا بيها وربي يجازيها

شوفي ختي هاذ الروابط ممكن تفيدك

زلابية من عندى جربوهاااااااا

زلابية

ينقل الى قسم طلبات و استفسارات الاعضاء

يعطيك صحة ولي عندها اضافات تقولي

السلام عليكم شكون تعرف كيفاش طريقة حضير الروينة يعني نتاع الحمص و القمح المقادير نتاعهم ىشحال ندير نعرف بلي نحمصخم و نرحيهم و نن باللي القمح اكثر من الحميصة بصح منعرفش المقادير اللي تعرف تقولي و ربي يجازيها

اختي انا لي نعرفها
روينة القمح ومعندهاش مقادير
نقلك كفاش نعملوها
في الاول نحرق القمح يعني نحمصو
ونرحيوه ونصيروه ونضع الماء في صحن ونضع سكر وملح ونديرو
الروينة عليهم ناكلوها سائلة
وهناك من ياكلها على شكل العجينة
يعني مثل الكسرة العربية بدون طهي يعني كرات كرات
وهناك من يعملها بي عسل وحليب وزبدة
وكل منطقة تختلف عن الاخرى
ان شاء الله نكون افدتك

كيما قتلك اخت ام بيسو هدي هي الطريقة المثلى وهنا نقولوها الروينة وكي نزيدولها الزبدة والعسل زرير ونا س بكري كانو يديرولها الماء وقرصة ملح تجي جارية او حليب انا الحقيقة ما نحبهاش نحب الزرير برك

ربي يجازيكم ان شاء الله يعني مقدار الحمص يكون قليل بالنسبة للقمح شحال يعني بالتقدير الربع و الا اقل

الروينة عندنا هي القمح محمص وشوية حمص و كمية مليحة من ويرحى الكل مع بعض زقوقي اوزقوقو محمص شوية اما بالنسبة للحمص لازم تدقيه شوية باش تديه عند الرحى وجي بنينة كاين اللي يضفيلها العسل ةالزبدة كبما الطمينةوالله يوفقك

يسلموووووووووووووووووووووووووو

السلام عليكم ورحمة الله وبركاته
بنات الحقوني زوجي جابلي الكتير الكتير من لانشوا وانا لالالالالا اطيقها ابدا خير شر ريحتها تزعجني
ومانعرفش نطيبها ولا فاه نستعملها
ممكن تقولولي كيف نستعملها متلا للبيتزا او اطباق تانية بحثت في النت لكن حابة طرق خاصة بكم انتم جربتوها:vieille-pleure::vieille-pleure::vieille-pleure:

انا نمووووت عليها و فقط فقط في البيتزا
لكن شمحيها مرات ومرات حتى يروح منها شوية ملح

السلام عليكم اخواتي
حبيت نسالكم شكون اللي تعرف تطبخ في الطاجين المغربي لبارح جات بيت عمتي و قالت لي طيب فيه برك و سالتها و لكن بخلتني في الشرح

حبيت نستفسر منكم شكون تعرف الطريقة الطبخ فيه و بالتفصيل و شكراا و هذه الصورة للتوضيح

انظن الاخت لؤلؤة البحر تلقي عندها الاجابة لانها مغربية

يلاللللللللللللللللللللللل يلؤلؤة البحر رانا نستناو

بالنسبة للطاجين المغربي هو عادة يطبخ فوق مجمر به فحم… لذلك عند استعمال فرن الغاز يتحرق… النصيحة هي أنك لا يجب أن تضعي الطاجين مباشرة فوق النار بل استعملي صفيحة حديدية بينه و بين النار… و من الضروري تحريك الطاجين أثناء تقلي اللحم و التوابل
الا حبيتي ديري طاجين باللحم دجاج والبطاطا
فرشي قبل البصل وديري فوقه اللحم والبطاطا ومرقي مع التوابل اكيد
على حسب دوقك اختي

شكراا للاخت زينا 31 و لكن انا بنت عمي قالت لي ما تمرقيش …. و اذا راكي مجربة فيه مادابيك تقوليلي
في انتظار لؤلؤة البحر المغربية

هنا جيت هدا وين شفت الموضوع ديالك انا عندي الطجين ديال الطين جابتو لي امي الله يحفضها
وراني مخلياتو ديكور ههههههههههههه ونطيب في طجين جدبتو من المغرب ديال لفونت كيف كيف في الطياب
شوفي هو يجي فيه اللحم والدجاج وحتى الحوت مشرمل او طولمة السردين وحتى كفتة بالبيض
وهادا يستحمل النار حتى هو يبغي تنقصي غير بالمهل
والطجين ديال الطين الا بغيتي يطول عندك عملي وحطيه على نار هادئة
نعطيك الطريقة الدجاج شرملي الدجاج بالتوم والفلفل اسود وسكنجبير وفلفل احمر والليم مصير مقطع رقيق والملح الزيت وحطي الدجاج في الطجين وخليه يتشحر شوية ومنبعد ضيفي البصل مقطع او مغبي مع التحريك وضيفي شوية ماء وغطيه بالبصل دوائر وجطي من الفوق واجد طماطم دوائر ورشي الملح والفلفل اسود والمعدنوس مقطع رقيق وحطي مزود حار وغطيه وخليه على نار مهيلة
هاد الطجين بالبصلة والطماطم وممكن ضيفي البطاطا او الزيتون
عندي بزاف لغوسيت مرة مرة نرسليك انا طجين كنديرو لضياف وخصوصا صحاب راجلي وكي يعجبهم بزاف
نتمنى وضحت ليك

بارك الله فيك لؤلؤة استفدنا كلنا

شكرااااااااااااااااااااااااا

حتى هاد الطريقة كنديرها مع اللحم غنمي كيجي هايل
الطجين المغربي يبغي المجمر يطيب على الفحم
الله يعطيك الصحة