السلام عليكم أنا عضوة جديدة بالمنتدى ،،، عندي سؤال إذا تفضلتن هو انو عندي عزومة حبيت انطيب crevette en sauce مانعرفش كيفاه انطيبو اشريتو مجمد من فضلكم حبيت ايجي بنين و يحمر الوجه ،، و عندي لكم دعوة في ظهر الغيب ،،، بارك الله فيكن و جزاكن كل خير
– 500 غ من القريدس
– 1 بصلة
– 2 الكراث
– 3 فصوص من الثوم كبيرة
– علبة من الطماطم مقطعة مربعات صغيرة
– الزنجبيل 1CAS
– 1 cas من الفلفل الحلو
– ملح وفلفل
إعداد:
يقلى البصل والكراث والثوم المفروم فرما ناعما وتوضع جانبا. يقلى الربيان في poile مع التوابل، ثم يضاف خليط البصل والطماطم على الربيان (إذا لزم الأمر إضافة القليل من الماء). يقدم الطبق مع الأرز الياسمين.
ان شاء الله تفيدك هذه الوصفة البسيطة
لقيتها في موقع اجنبي و درتلك الترجمة سي بور سا بعض الكلمات ماهمش نيشان
ام مندر غايبة حنونة
شوفي اختي
اي لحم مجمد تشريه حطيه في ماء حنفية عادي +ملح وخليه فيه فترة حتى ساعة
منبعد حضري مرق احمر بالزيتون والفطر (زيت+بصل+ثوم+طماطم مصبرة+طماطم مقطعة مربعات صغيرة+معدنوس +فلفل اسود وقليل من الملح) من بعد امرقيه بشوية قيمة 2 كاس تقريبا ثم ضفي الزيتون الاخضر المغلى قبلا
قلي الفطر لوحده مع الزيت والقليل من البصل او الثوم
كدلك الحال للكروفات
من بعد ضفيهم للمرق الي يكون غلى وخليهم تقريبا 15د او اقل حسب حجم الكروفات
ومن بعد حطيلهم المعدنوس من فوق
ماتاخدش وقت كبير في الطياب انتبهي باه ماتتكسرلكش الكروفات في التقلية او في المرق
موفقة اختي
يعني ديري زيت يدفا ثم ضفي له البصل والكروفات وحركي غير بالشوية ومن بعد حطيها في مرق او صوص تومات انت واش حابة
اما الزيتون فيضيف بنة ومش ضروري لا هو ولا الفطر يمكنك الاستغناء عنهما
كي قلت عزومة قلت تشارجي الطبق تاعك لا غير
موفقة وبالصحة والهناء
ترحي راس ثوم +نص بصلة صغيرة+فلفل اسود +ملح+شوي كمون اختياري+ربطة دبشة+4 حبات طماطم كبار مرحيين+4 م ك زيت
من جهة اخرى فوري الأرز كيما مالفة تديريه
انا نديرها لي يحب ياكلها بالمطلوع ولا الخبز
و نزيد الأرز ثاني معاه لي يحب ياكلو
المهم قبل ماننسى ماطيبيهاش بزاااااااااااااااااف 10 و لا 15 دقيقة كفاية