بنات هدي بعثتها لجارتي
إضغط هنا لرؤية الصورة بحجمها الطبيعي.
نورتي الموضوع يا لينا ونحن فانتظار ابداعاتك يالفنانة تاعنا
بنات هدي بعثتها لجارتي
إضغط هنا لرؤية الصورة بحجمها الطبيعي.
المقادير
3 كسان فرينة نص كيلة زبدة انا نخلك مرغرين تخلطي و تزيدي قرصة ملح و شوي فاني و تلمي بالما ء زهر و اعجنيها شوية وقسمي شوية عجين و لونية باي لون اتحبيه و تقدري تلوني قبل ماتزيدي الماء زهر ديري الصبغة و من بعد اعجني بالما زهر باش تتصبغلك جيدا و غطيها ببلاستيك و خليها ترتاح نص ساعة ولا كثرالحشو
3 كيسان لوز مرحي و لا كوكاو مرحي كيلة سكر قلاصي قشور حبة قارص و تلمي ببياض البيض
تتركي الخليط شويا يتشرب و مبعد ديري كويرات ايكون قد بعضاهم
الان اتركك مع الصور لكي تفهمي جيدا
وهكدا تتغطي و نزعو لعجينة الزايدة
نعملو الورد من العجينة الملونة نديرو وردات كبار و الوردات الصغارنديرو 5 وردات ملونين و 5 بيوضا ء وتكون البيضاء شوية اكبر من الخضراء
و مبعد ديري فوق بعضاهم و اعكسي كي تحطي لملونا في الفراغات الي بين الورقات
حطي البيضا باش تجيك جيهة بيضا جيهة ملوتة شوفو صورة درك تفهمو وش قصدت
ومبعد تجيبي الكويرات
تغطسيها كامل في بياض البيض تبداي تلصقي الوردات كل حبة فيها 5 وردات ديري 4 في لجوانب و وحدة من الفوق
وتكملي باقي الوردات
و في كل وردة في النص نرشقو حبةفنيدة الفضية
ومبعد طيبي الحلوة و من يطيب عسليه و خليه يقطر مليح من لعسل و ديريلو النابج كي تحبي مش شرط باش يبقى يبرق
صلصة تستعمل لعدة اشكال من السلطات
2 بصل رقبي الطويل
نصف ربطة معدنوس
كاس صغير مايوناز
علبة ضعيرة تون زيت
نقطع البصل رقيق جدا كذلك المعدنوس ونخلط جيدا ونزيد التون وبضغط بالفرشطة جيدا
ونرمي فوقها المايوناز ونخلط .
ناخذ الخبز دوائر و نضع عليه الخضر وفرماج وزيتون ونزيد عليه الصلصة
كيراكم
مسمن معمر بالدجاج والفرماج
مقادير و طريقة تحضير المسمن معمر
مسمن معمر رائع في المذاق
نحتاج نفس عجينة المسمن العادي
حشوة المسمن معمر
نحتاج صدر الدجاج
فلفل شعرية صينية
بصل فرماج السندويش
جزر
مايونيز
كيتشاب
التوابل
طريقة تحضير المسمن معمر
نضع كل
المقاديرفي مقلاة حتى تطهى
نضيف شعرية صنية بيعدما نكون قد وضعناها في الماء
الساخن
بعد أن يطهى الخليط نضيف معلقة
كبيرة مايونيز ثم ملعقة كيتشب حلو
انبدا نعمرو نضع فوق الحشوة مربع من الجبن
كما هو موضح في
الصور
طبعا يمكننا ادخالهم للفرن او طهيهم في المقلاة
مذاقه لذيذ ويشهي
و بصحتكم
بقايا الخبز يحمص ويقدم على شكل سلاطة
نقطعه دائري وناخذ سنة ثوم ونحكها
نفور الخضر
كاس صعير جلبانة
كاس صغير جزر
كاس صغير درة
نفور الكل وعندما يطيبو ا
زيتون
طماطم
كاس صغير *فرماج مقطع مربعات
ناخذ *الخبز *دوائر و نضع عليه الخضر وفرماج وزيتون ونزيد عليه الصلصة
نسطيع ان نعملها تقريبا في كل السلطات الطاطم نحشها بداخل *او فوق البيض نحشيه *او فوق الخس
ونزينها بالزيتون بجانب الماسيدون ……………القرنون او البسباسجربيها ودوقها
انت مبدعة …
تجربتي المرة هاذي من مطبخ سيات الجزائر كانت مع ديسير
https://photos.azyya.com/store/upload…145408djQD.gif
الموضوع لاختي ام كوثر و هذا رابط الوصفة الاصلية وتاعي تقليد هههههههه
تحلية أممممممممممممممممممممم من مطبخ أم كوثر
غير انو الصور ما ظهرتش عندي ممكن عندي مشكل وممكن مركز التحميل اللي ترفعت فيه الصور تختفي بعد مدة قصيرة لانو الوصفة من ديسمبر 2024
المهم انا قريت الوصفة و دخلت مخي و قلت نجربها
بصح درت فيها تغيير بسيط على حساب المتوفر عندي
هاذي صورة تطبيقي
المقادير في الصورة + مغرف نشاء نسيت نصورها
و الصور يوضحو الطريقة
هنا طيبت الفلان فانيليا مع نص لتر حليب و مغرف نشاء
وهنا حضرت الشانتي و كي طلعت زدتلها مغرف سكر قلاص و زدتلها كريم ديسير بنينة بصح جزء الشوكولا فقط و جزء الكراميل كليتو هههههههه
وهنا رتبت البودوار boudoirs في الغرفيات
استنيت الفلان برد شوية فقط و صبيتو في الغرفيات و دخلتو للثلاجة برد
وبعد زينت بالشانتي و درت خطوط شوكولا
حبيت نقولكم حاجة الديسير خرج رااااااااااااااااااااااااائع ننصحكم تجربوه وتشكرو ام كوثر و نقولها الله يعطيك الصحة و يبارك فيك
شكرا اختي
راهو ساااااااااااااااااهل جربوه و تمتعو
و الفضل يرجع لحبيبتي ام كوثر
السلا م عليكم .اقدم لكم اليوم كيك بالفعل لذيذ ، اجتمعت فيه بنة الليمون و الشوكولا و قرمشة المورانغ ، جربوه و لن تندموا.
الكوب=150غ
نخلط 1بيض و 2 صفار مع (1 كوب ناقص شوية )سكر و نضيف 4 ملاعق كبيرة زيت و ملعقة كبيرة خل و 1 كوب حليب ثم نضيف المواد (1ك فرينة +4 ملاعق كبيرة مايزينة+1 خميرة القاطو و رشة ملح).تطهى في مول مستطيل صغير( طبعا مدهون ومرشوش بالفرينة). نترك الكيك يبرد نطليه بالكريمة(1 يايورت ذوق ليمون+2 ملعقة كبيرة شانتيي غبرة + نصف كوب حليب بارد + 1 ملعقة كبيرة زبدة + برش ليمونة نخلط بالباتور و نضيف 4 ملاعق كبيرة مربىالمشمش) ، ثم نطلي المو رانغ (نطلع 2 بياض بيض مع رشة ملح و قطرات عصير ليمون و السكرالرطب انا استعملت تقريبا 10 ملاعق) نعيد للفرن يحمر قليلا من فوق ، يبرد شوية و نزين بخطوط من( شوكولا+حليب) االذايبة. لي عودة مع وصفة اخرى ان شاء الله.