السلام عليكن سيدات الكريمات ان شاء الله كل وحدة فيكم بخير و بالف هناء
لمحبي الكرواصون جيتكم اليوم بطريقة سهلة جدا عن الطريقة الاصلية و هي عمل الكرواصون بالعجينة المعروفة و هي العجينة الفورية او عجينة 10د هذه الاخيرة التي تصلح للبيتزا و الفطائر بانواعها لكن الذوق يختلف بين الفطائر المالحة و الحلوة
– اذا عملنا فطائر حلوة نضيف خميرة الحلوة + لفاني +الملح لكن مانكثرش + سكرو نضيف كمية معتبرة
– اما اذا كانت فطائر مالحة نستغني عن لفاني و خميرة الحلوىو نقص من كمية السكر
المقادير
المكونات رقم 01
– كاس و نصف ماء دافي
– 2م.ك حليب بودرة
– 6م.ك سكر حرش
– ذرة ملح
– 1م.ك لفاني
– 2م.ك خميرة الخباز
– 1 م.ص خميرة كيميائية
المكونات رقم 02
– فرينة حتى تتلم العجينة
– للتوريق 200غ زبدة الخاصة بالتوريق
– للحشو شوكولا او مربى
التحضير
– في روبو او ميكسور نخلط مكونات رقم 1 لمدة 05 د بعد هذه المدة نطفي على الخلاط و نخليها ترتاح مدة 10د حتى نلاحظ ان حجمها تضاعف
– فوق طاولة مرشوشة بالفرينة نحل العجينة و نضع فوقها زبدة التوريق
– نقوم بعملية الطي نطوي على 3 و نحل العجينة و مباشرة نطوي على 4 و نحل العجينة و مباشرة نكرر العملية للمرة الثانية ثم مباشرة ايضا نكرر العملية للمرة الثالثة أي لا نترك فاصل بين الخطوة و الاخرى
– نوضعهم في ضينية غير مدهونة ندهنهم بصفار بيضة + قليل من القهوة او حليب و نتركهم يخمرو
– في فرن يكون ساخن من قبل ندخلهم لمدة 30د حتى يدو لون ذهبي
و هذا شكلهم النهائي
لعمل خطوات طي العجينة على 3 ثم 4 اليكم طريقة ذلك عبر الرابط
طريقة 2 لعمل العجينة المورقة + ملفاي بالخطوات المصورة
والله فكرة رائعة ولا على البال
يعطيك الصحة والله لا يحرمنا منك ولا من جديدك
+ احلى تقيييييييييم
اختي layla يزيد فضلك كل شي بالبركة على خوك ان شاء الله ربي يهنيه و بالنسبة لطلبك حقيقة لست متخصصة في صنع الحلويات فقط لدي هواية في صنعها و حلوة تاج الملوك مانيش مجربتها مانقدرش نمدلك وصفة مانيش مجربتها و بالنسبة للانواع اللي تقدري تعمليها حلوى تشاراك المسكر و بمان عرس ذكر اعطيلها اللون الازرق الفاتح و تزيدي نوع حلوى معسلة كيما الياسمينة او الدزيريات و نوع الاخر حلوى الفاكهة بعجينة اللوز ……………و اليك الرابط ماجهزناه في عرس اخي مشكورة اختي
