حبيت نستفسر من الاخوات اللاتي ادين مناسك العمرة عن تجربتهن من في ما يخص المناسك … تكاليف السفر و الاقامة و الفنادق لأني ان شاء الله نويت تأديه المناسك و ما نعرف حتى حاجة …..نصائح و تجارب الاخوات نتمنى يفيدونا بها
ان شاء الله تروحي وتزوري هذاك البيت الطاهر
مي غدوة نحكيلك بالتفصيل
و يرزقنا كااامل زيارة بيتة الحرام
الحمد لله في نعمة من الله إن شاء الله تروحي وتزوري بيت الله وتحكلنا تجربتك.
إن شاء الله تفيدك الأخوات لراحوا للعمرة
اللهم أرزقنا زيارة بيتك الحرام
ربي يحفظكم اخواتي تأخرت في الاجابة لعدم توفر الانترنت
اختى ندى حبيت اول حاجة نعرف واش رحتي مع وكالة السفر ام بدونها ا
لاجراءات اللي قمتي بها قبل إدارية
و كيفاه تكاليف الفنادق هناك و التعامل في الشراء بالعملة هل قمت بتغيير العملة المحلية إلى السعودية في الجزائر و اي بنك
و مراكز التسوق راكي عارفة التقاليد تاعنا لازم نجيبو الهدايا اي المراكز تبيع سلعة ارخص
هذا وين شفت تساؤلك . و ان شاء الله اساعدك لانو ماما و بابا راحو عمرة مرة منذ عامين
اولا تشوفي وكالة تسجلي معاهم تدفعي الباسبور تاعك و التكاليف . و التكاليف تختلف شوية فقط من وكالة لاخري علي حسب الفندق الي يحجزولك فيه اذا 5 او 4 نجوم . يعني لاجونس هي الي تتكلف بكلش . تجيبلك الفيزا و تدير الحجوزات تاع الفندق و تذكرة الطائرة . اما الدراهم لازم تدي معاك باش تصرفي و تشري الهدايا كيما قلتي . اولا عليك تحويلهم للاورو فدزاير و كي تروحي هناك فيه صرافة يبيعولك الر يال .
نسيت حقا التطعيمات لازم تديري و لاجونس هي الي تمدلك جدول التطعيمات الي لازم تدفعيهملها .
بالنسبة للتسوق . ماتخافيش يوجد الكثير من المراكز و المحلات حول الحرم المكي . فيه الغالي و فيه الرخيص .و خصوصا الي ناصبين طابلات برا او في الارض يبيعو رخيس .
نتمني افدتك .و اذا عندك اي سؤال تخر راني هنا.
اه ملاحظة .بالنسبة للاكل فالفندق كيما سبق و قلتلك اذا لاجونس تتعامل مع فنادق 5 او 4 نجوم فيه فطور و غدا و عشا و اكيد رح تفعي دراهم بزاف .و اذا فنادق رخيسة فمافيهاش اكل . نتي تشري من عندك تاكلي برا. و ادي شوية معاك من دزاير كيما الكسرة و الرفيس هههههه.بالتوفيق
فقد قمتُ بالحج العام الماضي مع اخي و امي حفظهما الله