تحلية العلب كما وعدتكم
اعتذر نسيت بعض الخطوات ماصورتهمش
مكانش عندي الوقت الكافي
المقادير
علبة حليب مركز محلي (نيستلي) ، فنجال قهوة مركزة او نيسمافيه ، جينواز
مكسرات حسب الرغبة والامكانيات
موس اوشوكولا ، كرام شونتيي ، كورن فلس اي نوع
اول حاجة نطيبو جينواز بالطريقة العادية او اي نوع من المسكوتة
نخلوها تبرد ونفتوها
نفتحو علبة النيستلي وهي ماشي طايبة ونزيدوها النيسكافيه
نرحو المكسارت
نحضرو لي بوات تاعنا
نحطو فيهم شوي جينواز
نخلطو النيسكافيه بالحليب المركز والمكسرات كيما واضحين يكون كبار شوي
( استخدمت لوز وجوز وبيستاش وكثرت البيستاش بزااف)
نحطو المكسرات فوق لا جينواز
ونسقو كل بوات بمغرف كبيرة من خليط الحليب المركز
ومن بعد طبقة من لاموس اوشوكولا
ماصورتش خطواتها لكن نحطلكم الطريقة
3 كيسان ماء + 4 مغارف كبار سكر نخلوهم يغلو ويعقدو شوي
نذوبو فيهم 4 علب شوكولا نواغ
نحوهم من فوق النار يبردو شوي ونضيفو 10 صفار بيض
ونخلوهم على جنب
نخفقو 10 بياض مع رشة ملح ونطلعوهم مليح كي الثلج
ونزيدو البياض على الشوكولا ونحركو غير بلعقل ملفوق للتحت باش مايخسرش القوام
ونخلوها شوي في الثلاجة ساعتين على الاقل
وبعد مانحطوها نزيدو فوقها لاكرام شونتيي ونزينو بالكورنفلكس
ان شاء الله تكون عجبتكم الطريقة
واي استفسار ماعليكم سوى وضع رد
لاتنسوا
رايكم يهمني وردودكم تشجعني
التقي واياكم في وصفة جديدة باذن الله تعالى
نطبقها ونرجعلك الخبر مرسييييييييي
راكي قمتي بيهم كما يلزم
ومازال في جعبتي العديد من الوصفات سواء حلويات او طبخااااات
ان شاء الله يكون عندي الوقت ونحطهم كامل
في انتظار تطبيقك
ماتنسيش تحطي صور التطبيق
سلامي لاهل عنابة
الحمدو لله حطيتهم فوق الراس
يعطيك الصحة
ان شاء الله نرجربوه
رائع جدا جدا ويوصل الى ابعد الحدوود
راقي وانيق ويشرفك لما تحطيه للضيوف
والله ماعندي مايسالك امراة ماينخافش عليك
هنيئا بالناس الي داوك ليهم
ورحم بطن امك الي شالتك
ماشاء الله عليك
دمتي متالقة ودام عطائك
واحلى تقيم لاحلى اديين مبدعتين
استفسار بسيط لاهنتي
لي طاس الي واضعه فيهم التحلية متوفرة بالمحلات؟؟؟
وتحت اي اسم ؟؟
يعني لما نروح للمحل ايش اقوله يعطيني ؟؟
بوركتي عزيزتي
اللهم يدومها نعمة
سلمت يداك ان شاء الله نجربه