اكيد مكاش اللي ما يحبش الطمينة … و لكن هناك مشكل ؟؟؟ فأحيانا بعد دقائق ترجع يابسة
و اليوم جبتلكم السر اللي يخليها هشيييييشة و بنيييييينة
السر هو
،
،
السميد قبل تحميصه لاااازم
،
،
تْفوريه…. نعم تْفوريه … اكيد رايحة تقوليلي كيفاه
نقولك كيفاه…. حطي شاش في الكسكاس ثم فرغي السميد و خليه يْفور كيما الطعام
من بعد فرغيه في جفنة و خليه يبرد
ثم حمصيه في مقلاة … ما تحمريهش بزاف
و من جهة حضري العسل … انا أفضل العسل المنزلي احسن من اللي يتباع
اضيفي للعسل الزبدة و حلوة الترك و نصف كاس جلجلان محمص … الجلجلان سيعطي ذوق جُوناااااان ثم بواسطة الميكسور خلطي هاته المقادير حتى تتحصلي على كريمة … ثم اضيفي السميد
صدقوني حتى و لو بقيت هاته الطمينة شهر ستبقى طرية …..
حبيبتي الله يعطيك الصحة
حنا تاني نفوروها في دارنا و من بعد نحمصوها
تجي رووووووعة
انا دار شيخي يقولولي الطمينة نتاعك تجي هايلة
ماعلابالهمش بلي نفرها
لاخاطر يقولو الطمينة المفورة ماتجيش مليحة
و بما انني راني رايحة نولد بعد ايامات انشاء الله
اكيد راح نجرب الخلطة نتاعك
تسلمي حبيبتي
بوركتي حبيبتي م هديل نموت على الطمينة
مشكورة على هذه المعلومة إن شاء الله نجربها
أحلى تقييم