الوسم: الجنواز

السلام عليك
معنديش بزاف ملي صرالي كيفك و السبب كان الخميرة مش مليحة و الله اعلم
و تاني كي تكوني طيبي فيها متفتحيش عليها كل مرة خليها طيب براحتها

اختي ما تنحيهاش من المول حتى تبرد تماما

نعطيلك وصفة ناجحة 5 بيض -كاس غير ربع سكر عادي -ربع كاس نشاء -كاس قرينة- ملعقة ص خميرة
تحفقي البيض والسكر على حمام مائي مدة 30د كلما يكون الخفق طويل كلما تكون النتيجة رائعة ختى تتحصلي على خليط ابيض ثم كاس فرينة ثم النشا والخميرة ولازم يكون الفرن الساخن وتدخليها الفرن ومتفحيش عليها قيل 30د ولا تهبطلك وصدقيني نتيجة رائعة ادعيلي بالخير

بسم الله الرحمن الرحيم الى حبيبتي لؤلؤة القلب وكل واحدة متصلحلهاش الجنوازمجموعة من النصائح الضرورية والمهمة لنجاح لجنواز وطبعا هي تعتبر اساس كل تارت وصدقيني اذاطبقتيهم راح تنجحي فيها باذن الله..-1-لازم توجدي كل المقادير لتسحقيهم وتدهني البلا نتاعك وترشيه بالفرينة وتسخني الفرن 30د(ضروري)نتكلم الان على المقادير -البيض حبيبتي لازم مايكونش بارد وانا نستعمل طريقة سريعةوهي اني نسخن الماء شويةونحط فيه البيض حتى يسخن فقط(بلاكي يكون سخون بزاف وتخليه يطيب ههه)ولازم حبات البيض مايكون كبار بزاف مايكون صغغارلان الحجم راح يزيد او ينقص وبتالي ماتنجحيش-2-لازم تضيفي دائما قرصة الملح وهذه النصيحة اعملي بيها في كل حلوياتك-3-ابداي تضربي في البيض والسكر وقرصة الملح وشوية فانيلابا لسرعة الصغيرة وكي تلاحظي ان السكر بدا يذوب ارفعي السرعة الى الاقصىنتاعها وخلطي حتى يطلع البيض ويصبح لونه كريمي-4-الفرينة حبيبتي لازم تغربليهاعلى الاقل 2مرات باش دخلي فيها الهواء وغربلي معاها كل الاشياء لحابة تضيفيهم مثلا الخميرة.النشا.الكاكاو………..وكي ضيفي الفرينة للخليط نتاعك لازم تخلطي بطريقة من الفوق للتحت وبحذر باش متكسريش البيض لطلعتيه ونسيت ضفي الفرينةعلى ثلاث دفعات وكيما قتلك خلطي بشوية من الفوق للتحت ولازم تستعيني بالسباتول واخيرا فرغي الخليط نتاعك في القالب وحاولي تسقميه شوية لكن بحذرثم ديريها طيب مدة30الى35دحسب الفرن نتاعك ومتفتحيش عليها الباب الى بعد مرور25دعلى الاقل وباش تعرفي بلي راهي طابت استعملي الكوردون اذا خرجلك ناشف راهي طابت وماتنسايش شعليلها من الفوق باه تحمار شويةومتخرجيهاش مباشرة من الفرن طفي عليها وخليها5دوخرجيها تبرد شوية برك اقلبيها باش متعرقلكش….وفي الاخيرانصحك ان تتوجهي الى الدروس لدارتهم الاخت كوثر(جزاها الله خيرا)راهي كفات ووفات في هذا الموضوع كما انصحك كذلك بحورية المطبخ شوفي حلقاتها راهي دارت شحال من تارت وصدقيني وصفاتها ناجحة وانا شخصيا نطبق الجنواز نتاعها ونجحت معايا مئة بالمئةواعدك انني نعمل تارت ونوريلك بالخطوات ومانتمني منك غير دعوت خير وتقبلي تحياتي

يعطيك الصحة الأخت ميمي على النصائح الجد مهمة بارك الله فيك ولا تحرمينا من تطبيقاتك وشروحاتك الوافية والكافية ما شاء الله عليك

الله يسلمك اختي pretty womanورانا هنا باش نتعلمو ونعاونوبعضانا من الاجل الرقي الى سيدة الجزائر بكل ماتحمله الكلمة من معنى وطبعا في كل المجالات..وصدقيني اني نحب نوري كل الاشياء لنعرفهاو تكون ناجحة والله من وراء القصد ولا اتمنى الا كلمة طيبة ودعوة خير فانا ارى هذاالعمل كالصدقة الجارية .تحيييياتي

شكووووووووووووووووورة أختي على النصائح

ربي يهنيك و يسعدك في الدانيا و الآخرةنصائخ رائعة تفيد كل سيدة بارك الله فيك حبيبتي

وفيك بركة اختي ام عبد الرحيم .ومشكورة حبيبتي على الدعاء الطيب.لك مني اجمل تحية

merciiiiiiiiiiiiiiiiiiiiiiiii