الوسم: البغرير

السلام عليكم لقيت وصفة جديدة تع البغرير بالفرينة في النت وانا دقت بغرير الفرينى خفيف هايل لكني ولا مرة عملت البغرير حابة نجربو وخفت ماينجحليش وهما حاطين كيلو فرينة اكيد تخرج بزاف حابة كيل يخرجلي 5حبات كيفاش ندير ادن لي تعرف مقادير بش يخرجولي حبات قليلة برك تفيدني وادا نجحلي ندبر اطثر ان شاء الله

طريقتي المعتمدة و ناجحة بزاااف يجي رووووعه خفيف
2 كيﻻت فرينة و كيلة دقيق خميرة ملح و فنجان حليب دافئ… ماء

انا فرينة وحدها ما يعجبنيش مرة جربت وصفه نتاع فرينه وسميد جاني خفيف وشباب

Chehal ndir khemirat el khobz? Et chehal mn haba ykhrjo hed makadir
Rebi yfarhek

على حساب المكيال لراح ديري بيه
انتي جربي بكاس اكيد ميش راح تفوت 10 حبات
انا مالفة نكيل بول شرية و ندير مغرفة و نص خميرة
يعني عينك ميزانك في الخميرة ^_^
خمير لتستعمليها خميرة الخبز

شكرا ميوسة راح اجرب طريقتك ما ينجح معي كثير

جربيها و ادعيلي يجي رووووووعة خفيف و مثقب ^_^
كاضافة فوري حبات زبيب
غير تحطي حبة البغرير قبل متنشف حطي عليها حبات من زبيب
جي رووووعة خاصة للاوﻻد

جربي حبيبة قلبي ….
و ما تنسي تحطيلنا تجربتك نشوفوها
بالتوفيق لك

. اخواتي يسعد أوقاتكم جميعا مثل ما جاء في العنوان اللي تعرف وصفة البغرير الناجحة تكتبهالي وجزاها الله كل خير وتذكرخاصة نوعية السميد رقيق او متوسط ،،،، وأجركم على الله ومشكووووووورات سلفا

السلام عليكم انا نقولك على طريقتي في صنع لبغرير

نعملوا باسميد وفرينة معا ضعي كيلة سميد متوسط ونص كيلة فرينة وخلطي معاه 2 مغارف خمارة صغار وملح وماء
وفرغي السميد في جفنة وتبداي تخلطي بالماء بيديك حتى تحصلي على عجينة سائلة ضعيه يخمر في صحن كبير ولما يخمر تعرفي كفاش يبان يدير فقعات من لفوق هنا ديري طجين يسخن مليح اذا مكانش يلسق طجينك ممتاز واذا كان يلسق فيك تمسحيه باصابون لحجرة لكن امسحي صابون باورق ماتخليش صابون في طجين وديري لخبزة طيب وباصحة وعافية
وانا مجربة نطيب لبغرير في المقلاة تفال ماتلسقش خلاص

كااااااااااااين واحد العظوة نسيت اسمها دارتنا موصوع على بغرير اك براس

وهو ب 3كيسان سميد رقيق و1كاس فرينة وحبة بيض خمارة الخبز وخمارة قاطو ودير 4 كيسان مااااااااااااء هي دارت 3 انا طبقت الوصفة بربعة كيسان وباطة خمارة ومغرف خمارة خبز وجا يشهي وهذاك نهااااار بزاف لطبقووووووووووووووووه وان شاء الله تنجحي خليييييه يخمر مليح حتى يطلع في السمااااااااااااااااء

ana mwalfa ndir kima galat oukht norhan raw3a

جربي كيما قالولك البنات و اكيد راح تنجحي فيه

ان شاء الله افاد وك اﻻ خوات .

. الله يوفقكم وألف شكر وراح نجربه باْذن الله ونقوللكم على النتايج

السلام عليكم اختي الأخوات كفاو ووافو يعطيهم الصحة لكن حبيت نقولك على طريقتي لأنو دايما ينج لي بيها والكل الي ذاقوه عندي حبوه انا نديرو غير بالسميد برك اي نوع رقيق او متوسط المهم ما يكونش خشن ندير كاس فيه مادافئ ومغرف اكل خميرة الخبز وشوي سكر حتى تطلع نحطها على كمية الدقيق المناسبة والملح واخلط جيدا ثم اضيف الماء حتى تصبح عجينة سائلة ثم في الميكسور لثواني فقط حتى يتجانس الخليط جيدا نخليه يطلع مليييييييح وكي نجي انطيبو نزيدلو 1 خمية كيميائية ونطيبوانا عندي المقلاة الخاصة تاع ليكراب راني جربتو فالطاوة تاع الخبز (الرقاق والمطاوي…….)وجاء هايييييييييييل بالتوفيق اختي.

احلى بغرير من يديا مجموعة كول واشكر ربي

كنت جربت اختي العديد من الوصفات للبغرير
ولقيت وصفة ماشاء الله كما قالت الاخت بغرير سريع والذوق لايختلف عن الاخر وخفيف عليه بشهادة شيخي
ههه
والوصفة
زوج كيلات سميد رطب -كيلة فرينة -م ع ص سكر وملح
وملعقة ك ونصف خميرة خبز
وديري عطر ماء الزهر روعة هذامن افكاري لاني منحبش ريحة خميرة الخبز
وضيفي ماء دافي على حسب الكمية انا ندير غرفية تاع الشربة نبلل بالماء حوالي زوج ونص
ونخلط بواسطة ميكسور ثم نضيف زوج كيس خميرة نوارة
ونخلط ايضا
للحصول على مزيج سائل وليس ثقيل جدا
ومباشرة للمقلاة تيفال

السلام عليكم اخواتي…..كل وحدة عندها مشكلة في تحضير البغرير اليوم رح نعطيلها الحل…..

المقادير

. 2كيلات سميد متوسط مع كيلة1فرينة
.1ملعقة كبيرة خميرة الخبز 1/2 ملعقة ملح
.2حبات بيض

. كاس لبن وهذا هو السر
.4كيلات ماء دافئ

طريقة التحضير

نضع النواشف(السميد+الفرينة+الملح+الخميرة ثم نضع البيض والماء واللبن) وبعدها نخلط بالميكسور مدة5الى8 دقائق حتى يصبح الخليط ناعم نتركه يرتاح لمدة من 6الى10 دقائق على حساب الحرارة
كي يخمر نحركو بلطف بملعقة خشبية(كيما بياض البيض)ونضيف كاس ما دافئ

[BIMG]https://www.oklat.com/public/recettes/image-photo-recette-de4bd60f8c9d1ad05102c797aa564494-1540-i303178746_55754_4.jpg[/BIMG]
وبعدها نطيبوه في مقلاة او في الطاجين حسب الرغبة……….q=tbn:ANd9GcSY-CDplNkiiTUgk1A6zDwUkBnohkMUdGF9yWnpf-8fL_YlRPa6[/url]
[BIMG]https://t2.gstatic.com/images?q=tbn:ANd9GcSY-CDplNkiiTUgk1A6zDwUkBnohkMUdGF9yWnpf-8fL_YlRPa6[/BIMG]
وشهية طيبة
[BIMG]https://i70.servimg.com/u/f70/12/10/81/56/baghri10.jpg[/BIMG]
اتمنى اني افدتكم

واش تقصدي باللبن عادي تاع الشكارة لي نشروه راكي متاكدة اللبن مشي حليب وماتجيش ريحة اللبن فيه انتي جربتيها انا نديرو بنفس المقادير ولكن مانديرش اللبن وندير حبة بيض فقط واحيانا مانديرش البيض ويجيني روووعة

لالا ختي ماشي الحليب اللبن عادي تاع المسفوف…وانا كل ما نديرو ندير هذي المقادير وصدقيني يجي رووووووعة نورتي

تقدري تقوليلي باه كيلتي انت و الماء الي تضيفيه في الاخير كاس واحدة اخرى يعني يولو 5كيسان و الا تديري 3 كيسان و مبعد تزيدي الرابعة.
بارك الله فيك

اختى ما قلتيش واكتاش نحطو اللبن ممكن نحطو انتاع الشكارة و شكرا

نورتو

تقدري تقوليلي باه كيلتي انت و الماء الي تضيفيه في الاخير كاس واحدة اخرى يعني يولو 5كيسان و الا تديري 3 كيسان و مبعد تزيدي الرابعة.
بارك الله فيك

مشكوووووووووووورة

الغرايف وصفة سهلة وناجحة 100بالمئة
المقادير
4كيسان دقيق ناعم
5كيسان ماء دافئ
ملعقة كبيرة خميرة الخبز
ملعقة صغيرة خميرة الحلوى

فانيلا ملح بيضة
اولا تخلطي المقادير الجافة وتبداي تلمي بالماء تدريجيا حتى تتحصلي على سائل تجيبي الباتور وتخدميه مليح وتضيفي البيضة خليه يخمر مدة 1سا ونطيبية بالصحة والهنا

يعطيك الصحة نور

وانتي تاني اخت احلام

جربتو بهاد الطريقة وخرجلي روعة

شكرا على الوصفة الناجحة تسلم ايديك

السلام عليكم ايه هادي وصفة ناجحة اكيد برك ملاحضة اختي
ليكون القسم منضم اكتر

تم تعديل العنوان لعدم تناسبة مع الموضوع
ينقل الى قسم المعجنات والسندوشات
تقبلي تحياتي

شكرا

حتى اصوت يجب ان ارى الصورة اسفة

وشكرا على الوصفة

للاسف ماكانش الصورة كيفاش نصوتو مشكورة اختي

شكرا على الوصفة اختي

mrc pr l recette m soeur

انا دائما نديرو بالدقيق ولاول مرة نشوف البغرير بالفرينةنظن راح يجي اخف راح نجربو باذن الله
شكرا اختي على الوصفة خرجلك هايل
بصحتكم

ما شاء الله خرجلك هايل بصحتك

اممممممممممم حنى ثان نديروه بالفرينة فقط رووووووعة يعطيك الصحة اختي نموووت على البغرير

يسلموووووووووو لكن للاسف لم تظهر الصورة

يخرجلي هايل مي أختي هدي صورة من النت ماعنديش كيفاش ندخلكم الصورة

مي جربوه والله ما تندمو

السلام عليكم ورحمة الله وبركاته
اليوم ما لقيت ما ندير …درت الغريف او البغرير…

وجربت نتاع البيض …جا خفيف يهبل ..ويبقى طري..وتقدري تسخنيه يبقى هو هو
استعملت ..دقيق ..قرصة ملح ..3بيضات..الماء..خميرة ..زبدة …عسل
والطريقة يخي تعرفوها

الله يبارك جا يشهي ماعليش تفليكسيلي حبة نشرب بيها القهوة نتاع لعشية هههههههههههههههههههههه

منورين حبيباتي وهاذي ليك زهرة

تبارك الله عليك خرج ليك هايل بصحتكم

الله الله تسلم الايادي يا هديل
ياريت لو تشرحيلي الطريقة
سلام

روعة يا هديل .
راني نموت عليه
بصحتكم

ربي يخليك حبيبتي هدووووووووووووووولة

بصحتكم يشهي

السلام عليكم اخوات رايحة نهبل كل مانجرب البغرير ماينتقبليش في الوسط قولولي وش الحل وكي تطيبوه النار كيفاش لازم تكون وشحال يخمر تع الفرينة ساعدوني وشحال لازم الما وكم مدة الخلط بالباتور و كي تحطوه في المقلة هل لازم تسقموه بالغراف او لا

تع سميد وفرينة ماينتقبش خلاص تع فرينة ينتقب بصح في الوسط لا

السلام عليكم أختي البغرير تخلطي سميد متوسط مع فرينة أو سميد رطب وحدو النار ديريها عادية فوق طابونة و لازم المقلاة أو الطاجين الي يطيب فيها يكون نوعية جيدة و ما يلصقش نتاع الطين مثلا يجي فيه البغرير رايع و نعطيك فكرة لما تحلي البغرير نتاعك كي تكملي صفيه في الكسكاس ثم ظفيلوا 1 خميرة كيميائية و ضربيه مليح بالمكسور bras ثم خليه يخمر أتمنى أني أفدتك

انا نديرو في الطاجين لكن ندهن بالصابون القالب الطاجين قبل مانبدى نطيب يتنحى وحدو

مثلي قالتهالي ماما

هدا هو الي درتو بالوصفة الي كتبتلك

البغرير من يديا

شوفي هدا الرابط
تبعي المقادير راح يخرجلك كيما الصورة
وعلى المقلاة انا مانديرش الصابون.
ديري سربيتة مشمخة حداك كل ما طيبي وحدة فوتي عالمقلاة بيها كي تنشف
اسكبي الخليط.

واشن هدا ختي ياسمين هدا سليما بلا دراهم ماشي بغرير ما شاء الله راني جاية عندك غدوة دبري راسك راني حباتو سخون تنوضي صباح تعجنيه

والله كيما أنا عندي نفس المشكل و كي قولت لراجلي قالي أتقبيه بالإبرة ههههههههه