عاونوني البغرير ماينتقبليش في الوسط 2024.

السلام عليكم اخوات رايحة نهبل كل مانجرب البغرير ماينتقبليش في الوسط قولولي وش الحل وكي تطيبوه النار كيفاش لازم تكون وشحال يخمر تع الفرينة ساعدوني وشحال لازم الما وكم مدة الخلط بالباتور و كي تحطوه في المقلة هل لازم تسقموه بالغراف او لا

تع سميد وفرينة ماينتقبش خلاص تع فرينة ينتقب بصح في الوسط لا
السلام عليكم أختي البغرير تخلطي سميد متوسط مع فرينة أو سميد رطب وحدو النار ديريها عادية فوق طابونة و لازم المقلاة أو الطاجين الي يطيب فيها يكون نوعية جيدة و ما يلصقش نتاع الطين مثلا يجي فيه البغرير رايع و نعطيك فكرة لما تحلي البغرير نتاعك كي تكملي صفيه في الكسكاس ثم ظفيلوا 1 خميرة كيميائية و ضربيه مليح بالمكسور bras ثم خليه يخمر أتمنى أني أفدتك
شوفي انا درت مرة موضوع وحطيت فيه صور

مي ماعليهش نعاودلك هنا الوصفة
شوفي
زوج كيسان سميد
مع كاس فرينة
مغرفة صغيرة خميرة قاطو
مغرفة صغيرة خميرة خبز
مغرفة صغيرة سكر
الملح تاني مغرفة صغيرة
حبة بيض
وزوج كيسان ونص ماء دافئ تخلطيهم وحد الخمس دقايق فالخلاط
ومن بعد انا نحطهم قدام الفورنو مدة 5 دقايق
ومن بعد نحط المقلاة ع نار هادئة وندهنها بالزيت
وتطيبي مي كي تصبي الخليط متمسيهش فالنص اعدليه بلالوش غير من الحواشي برك
واصبري عليه حتى يطيب مليح
نورمالمو هكدا برك
انا درتو شحال من مرة ويجي خفيف مثقب فوووور
جربي ورديلي الخبر

انا نديرو في الطاجين لكن ندهن بالصابون القالب الطاجين قبل مانبدى نطيب يتنحى وحدو

مثلي قالتهالي ماماالجيريا
الجيريا

هدا هو الي درتو بالوصفة الي كتبتلك

البغرير من يديا
الجيريا
شوفي هدا الرابط
تبعي المقادير راح يخرجلك كيما الصورة
وعلى المقلاة انا مانديرش الصابون.
ديري سربيتة مشمخة حداك كل ما طيبي وحدة فوتي عالمقلاة بيها كي تنشف
اسكبي الخليط.
واشن هدا ختي ياسمين هدا سليما بلا دراهم ماشي بغرير ما شاء الله راني جاية عندك غدوة دبري راسك راني حباتو سخون تنوضي صباح تعجنيه
والله كيما أنا عندي نفس المشكل و كي قولت لراجلي قالي أتقبيه بالإبرة ههههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.