الوسم: اليوم

صحا فطوركم لبنات هاد فطوري اليوم

امممممممم يشهي

مشكورة

امممممممم يشهي
سلمت يداك أختي الكريمة
بصحتكم
اللهم أدمها نعمة

الله يسلمك اختي

سلام عليكم ورحمة الله وبركاته
تنويع جميل
بصحتكم اختي

بصحتكم ربي يدومها نعمة ان شاء الله

يعطيك الصحة والعافية ربي يطرح البركة ان شاء الله

امين الله يسلمك حنون

اللهم امين اجمعين يارب

يعطيك الصحة بصحتكم

ربي يدومها نعمة فحلة

بصحتكم. ومطرح. مايسري. يمري. ياغالية

بصحة ليلوش

الله يدومهاااااااااااااااااااااااااااااا وهذيك الكسرة نقولولها المشوط عندنااااااااااااااااااااا نحبوها اصباح كي تصبح ونسخنوووها تولي تتقرقش قوفرات

تبارك الله علي سلفتي فحلة

بصحتكم ذكريات

بارك الله فيكم الله يسلمك اخواتي نورهان تختلف في تسمية وصح كتصبح وتسخنيها تولي مقرمشة
تسلمي ياسلفتي نورتي صفحتي

شوفي الكدب حرام راني طالية سباغة لشعري وحابة ندخل نغسلها ونلبس روب نتاع الدار ونقعد………………..لي نلبسله راه غايب ونهار يجي هدرا وحد أخرة

كيما قالت ام اسيا الكدب حرام راني فدار والبرد يقتل ماتنفعني غير سورفاتمون وبنتوفةة ههههههههههههههه

بدعية تاع فتون مع هدا البرد

انا راني قاعدة بغوب دنتريوغ في الدار مع هاد البرد مكمشة في بلاصتي

بصحتكم اختي

صحى فطوركم والله يدومها نعمة

صح فطورك حنونة راهي المايدة باهية ماشاء الله

ماشاء الله
بصحتكم حبيبتى ربي يدوم النعمة ان شاء الله

اليوم راهو بارد الحال عندنا ياسر وصب شوي ثلج حبيت ندير حاج سخونة وحارة درت شوربة حارة بصدر الدجاج والنعناع وطيبت كسرة الرخساس الي كانت طريقتهم كالتالي اولا الشوربة قمت بوضع الزيت على النار واضفت البصل مقطع وقمت بتفتيت صدر الدجاج قطع صغيرة واضفته للبصل كي لايحترق في الزيت اضفت مغرف ونصف طماطم ومغرفة قهوة هريسسة+راس الحانوت الهرس بالثوم ومرقت بالماء وهك شويا تغلي نضيف الشوربة كيما طيب نحطها في صحن ونضيفولها النعناع

الرخساس نقوم بوضع الدقيق+الزيت+ملح+السينوج+زريعة البسباس+شوي خميرة الكسرة والا كاربوناتنخلطهم بالماء ونتركها ترتاح شوية نعاودوها بالزبدة ونطيبوها

اممممم ما اطيبها من وجبة بصحتكم ختيتو

بصحتكم

بصحتكم والكسرة تاعك هايلة الله يبارك

بصحتكم الشريبة والكسرة راهي نفس طريقتي
يعطيك الصحة

يعطيك الصحة

حنا نقول لها كسرة الطجين
يعطيك الصحة يالحادقة

باينة لذيذة جدا و خصوصا مع الكسرة بصحتكم

جو رمضان بصحتك .

بصحتكم ،،

إلى كل سيدة جزائرية حرة بعض النصائح لتمضية يوم نشيط بدون فراغ زائد, طبعا راحة الجسم والنفس مطلوبة, ولكن ننصح كل أخت أنو ما تأ جلش عمل اليوم للغد يعني لوكان عندها ماعين أوملابس متراكمين وتقول حتى غدوة ونغسلهم رايحين يكثرو عليك وماتصيبيش الوقت باش تكمليهم وراح تتعبي بزاااااااف نهار تجي تغسلي وهنا راكي تضيعي في صحتك وفي الوقت على هذا نقول لكل وحدة لوكان يكون عندك فنجان برك موسخ روحي اغسليه ماتعجزيش عليه وطبعا إذا كنتي مريضة لازم تريحي طبعا ماشي تفورصي على روحك .هاكذا باش تربحي الوقت وتنقصي على روحك التعب.

-كي تنوضي الصباح قولي هاذ الدعاء : الحمد لله الذي أحيانا بعد ما أماتنا وإليه النشور

وبعدها قولي أذكار الصباح:

واقراي سورة الكهف

فوائد التمر

إذا كان عندك التمر كليه أول ماتفيقي قبل لا تشربي القهوة نتاعك لأن الرسول الكريم وصانا بأكل التمر في الصباح وبعد إفطار الصائم قال رسول الله صلى الله عليه وسلم: " إذا أفطر أحدكم فليفطر على تمر ، فإنه بركة ، فإن لم يجد تمرا فالماء ، فإنه طهور " رواه أبو داود والترمذي .

وعن أنس رضي الله عنه أن النبي -صلى الله عليه وسلم- كان "يفطر قبل أن يصلي على رطبات فإن لم تكن رطبات فتميرات فإن لم تكن تميرات حسا حسوات من الماء " رواه أبو داود والترمذي . نظن فهمتو الحديث يعني اللي ماعندهاش تمر تشرب شوي ماء

ومبعد القهوة نتاعك اشربيها بصحتك

وماتنساوش لاتأجلوا عمل الصباح للغداء يعني الكاس اللي شربتي فيه القهوة اغسليه فورا .

مابين الصباح ووقت الغداء كاين فراغ كبير يعيشوه بعض السيدات يعني اللي ماعندهوش صوالح متراكمين ما تخلوش الوقت يفوت غير هاكذاك استغلوه في المطالعة أو حرفة يد أو أي شيئ يفيدكم المهم ماتخلوش الوقت يفوت غير هاكذاك

لما يلحق وقت الغداء طيبي غداك نورمال وقبل مل تعملي أي شيئ ماتنسايش تقولي بسم الله حتة لو جيتي ترفدي صحن أو رايحة تلبسي حاجة أو أو أو… يعني لازم تقولي بسم الله دائما لكي يكون عملك كله بركة بإذن الله تعالى.

وماتأجليش عمل الغداء للمساء نذكر ونعاود .
وبصحتك الغداء

وكيما قلت ماتضيعوش الوقت متخلوش الفراغ يعييكم اشغلوا نفسكم بأي شيئ وننصح كل وحدة ماتقعدش بزاف وحدها وتخمم لانو هاذ اللحظات يكثر فيهم التوسويس أعوذ بالله استغفروا ربي كثير في كل لحظة وفي أي وقت وحمدو ربي على كل حال في السراء والضراء وكيما يقولوا اللي الصبر مفتاح الفرج , وزيد هاذ الدنيا زايلة علاش نكسرو ريساننا معاها نقنعوا بلي كتبو ربي والفايدة واش تدي معاك لقبرك أمالا ماتقلقوش رواحكم هاذ الدنيا ماتستهلش وعيشوا حياتكم بساطة.

لما يلحق الليل بعدما كملتي صوالحك طبعا اقراي قبل ماتنامي شيئ من القرآن الكريم أو إستمعي له في الكيتمان او التلفاز او الراديو المهم ماتخليش يوم يروحلك بدون ماتقراي أو تسمعي شيئ من القرىن الكريم

هذا اللي عندي نقولولكم وتهلاو في رواحكم ولي رجعة في نصائح أخرى إن شاء الله تعالى.

chukran lik akhti 3la nasaya7 masi kun ykun ghir fanjal masakh taghaslu tab9a ghir taghsal nhar kamal ana ngul al3aks dir wa9t ta3 lama3an wahdu w kulchi mratab hadi ghir rayi merci

شكرا على رأيك اختي , طبعا كل وحدة وكيفاش تنظم وقتها و كل وحدة الطريقة اللي تريحها بالتأكيد ماشي شرط تدير كيما راني نقول ,شكرا مجددا على رأيك ونتمنالك ليلة سعيدة.

شكرا علئ النصائح باركه الله فيك

يا ختي يعطيك الصحة

عندك الحق يا حبيبتي كلو ولا التاجيل والله نندمو و نتعبو جسديا و نفسيا

انا الحق كنت ناجل لكن درت موقف و بدلت حياتي

ودرت جدول منظم ظرك نهبطهولكم تشوفوه و ما نا جلش عمل اليوم للغد

بارك الله فيك

بارك الله فيك موضوعك رائع في القمة

شكرا ليك أختي سالي ونتمنالك الهناء والراحة طول الحياة إن شاء الله ورانا نستناو في الجدول أوكي.

مشكورة على الرد الرائع .

جازاك الله كل خير
كلامك كله صحيح

ضحكتيني بصح الي نقولهولك انو واحد ماخلق معلم والناس كامل تعلمت المهم ارادة والي خصر اليوم غدوة يصلح وتعرفي في كل مرة ديري فيها واش هو الخطئء نتاعك وهكدا تتعلمي بصح لازم تجربي ماشي تروحي تشري والحاجة الي تخدميها لازم تحبيها هدا سر من اسرار نجاح الوصفات

ههههههههههه هم يضحك وهم يبكي
بصراحة والله غير صدمتيني ماشي للدرجة هاذي بصح ماعليهش لي يحب يتعلم لازم يخسر

حاسة بيك اختي حالك كي حالي ما نعرف ندير والو تمنيت نكون مرا برك ماشي مرا ونص هههههههههه

نقولك اختي واحد مازد متعلم والعيب ماشي في اللي مايعرفش العيب في اللي مايحبش يتعلم
اول خطوة ديريها واحدة واحدة انت دخلتي فيها دخلة روس وتحبي تتعلمي ابداي بالحاجة
وثاني حاجة وهي الاهم لازم تشوفي بعينيك هدا هو السر اللي خلاني نتعلم حوايج بزاف شوفي من عند ناس يعرفو ولا شوفي في اليوتوب على وصفات
وثالث حاجة ابداي ديما بالحاجة الساهلة ماتروحيش ديراكت للواعر انت رحتي ديراكت للبقلاوة اللي هي شوي صعيبة
صدقيني والله نصحتك من قلبي وحبيتلك الخير طبقي وش قتلك وان شاء الله تستفيدي

يا اختي الله يكون في العون قاع تصرا ننصحك مرة اخرى عمرك متجربي حاجة جديدة في الوقت الضيق كنتي تخدمي قبل و ماشي في نهار واحد حابة تتعلمي كلش انا كانت تصرالي نهار تكون تورتي نبغي ندير حاجة جديدة و منقولكش نتقلق كي متخرجش و نتنرفا علا هادا ضحكت بزاف كي قريت واش درتي فكرتيني بروحي و لكن اليوم الحمد لله هههههههههههههههههههه

اول مرة ديري القاطو لازم تشوفي وحدة قدامك تخدمو وبداي وحدة وحدة ماتبعيش الكتب في الاول لانو لازم تكوني مجربة اول مرة في حياتي درت القاطو قدام ماما وكي نحط نطيب نجرب حبة وحدة ونشوف الحمد لله لكن ديما كاين مشاكل مثلا كي درت الصابلي هذي المرا عند ماما ماصلحش وكيداروهو بيت شيخي ماصلحش ثاني خاطر الفارينة ماشربتش الزبدة يقولو الزبدة مش مليحة والمشكل تاعك ممكن من هذا السبب ماتلوميش روحك

هههههههههههههههه و سمحيلي على الضحكة
بصح شوفي حبيبتي هبة كي تحبي تتعلمي ما تتعلميش في المناسبات تعلمي في وساع الحال باش هاكة ما تفشليش
بصح نتحيك حبيبتي لا خاطر راكي ناوية انتاع الصح تكوني ربة بيت ناجحة
بالتوفيق يالغالية وما تزعفيش مني

نصائح قيمة لكن الهدايا تبقى شيء مميز وذكرى مهما كانت قديمة نصائحك قيمة لكن مع عدم الاسراف طبعا

واضيف انه اعجبني البرنامج

موضوع في غاية الروعة وضحكتني بزاف هاد الجملةمتربيش الكبدة على كل حاجة والله غير عندك الحق على خاطر انا فيا هاد الديفو ان شاء الله راني معاك خطوة بخطوة ربي يحفظك ويبارك فيك

أحسنت أم نظام
واصلي

موضوع رائع و نصائح رائعة شكرا أختي سيرتو نتاع اللبسة و الهدايا و أي حاجة نشوفوها و نقولو بلاك ممبعد نحتاجوها كيما قال خبير في التنظيم في وحد الحصة: مثلا عندك تنورة ما لبستيها لا في الصيف لا في الشتا و جاز عليها عام صدقيها ولا ارميها ولا بيعيها حتى و تكون جديدة يعني عام ما استعملتيهاش وقتاش تستعمليها، إن شاء الله اليوم شوف واش نقص

رانا متابعين الدروس جيدا
مشكورة واصلي.

بارك الله فيك
فعلالالا مبربين الكبدة على اغراض لا معنى لها

فعلا مشكل تاع الارتباط العاطفي بالاشياء هذي نقطة هامة جدا الله يعيننا على انفسنا

درت اليوم جلبانة صوص بيضاء باللحم و الجزر و البطاطا مقلية . و زوجي ما يحبهاش درتلو دجاج مشوي بالاعشاب . و درت سلطة الزبادي بالخيار نموت عليها.

و فيه صور لعشايا البارح في مطعم هندي . برياني دجاج و كباب و شوربة روبيان و خبز نان بالجبن نحب دوق المشاوي تاعهم رائع و البرياني كذلك لذيذ جدا جدا .

بصحتكم لينا قوليلي كيفاش الديري الزبادي بالخيار

بصحتكم اممممممممممم

جميل بالصحة والهناء اختي الغالية

علبة زبادي او ياوورت طبيعي + فص ثوم + خيار + ملعقة طحينة انا لم استعملها اليوم خلصتلي+ شوية نعناع يابس مطحون او نعناع طازج مفروم شوية برك للنكهة + شوية عصير ليمون شوية برك و ملح و فلفل ابيض اختياري.

شكرا لكن علي المرور جميعا

بصحتكم يالحبيبة

الله يسلمك يا لعزيييييزة.

يسلمك أختي ياسمين

تارت هايلة مشكورة على الوصفة بصحتكم

حاجة هايلة يعطيك الصحة