كانت عندي عرضة بنهار الجمعة درت نوعين من البوراك لحم و دجاج
لكن الاقبال كان بكثرة على بوراك الدجاج لانها وصفة جديدة و بنينة
رجعوا طلبوه و هاهي وصفة الامس
صدور دجاج تنحي منها العظم و تقطعيها بموس كبير قطع صغيرة جدا على لوح التقطيع بحيث كل القطعة تولي بحجم الظفر
في مقلاة على النار مع شوي فلفل ابيض و زيت تشوحيها جيدا و تستمري في التقليب من بعد ديري الملح و تقلبي تقلبي… حتى ينضج
من جهة اخرى رابي البصل في الغليظ بحيث يكون مع الدجاج نفس الكمية بشوي زيت و ملح و فلفل ابيض قليه حتى يذبال و يكتسب اللون الذهبي
ضيفيه للدجاج
قطعي فلفل حار اصفر (قرن غزال) نص او كلها اذا تحبيها حارة شوي
قطعي حبيبات زيتون اخضر و زيتون اسود
خليه شوي على النار من بعد ديري كمشة معدنوس مقطع رقيق و اطفي النار
ديريه كيما حبيتي مقلي او مشوي انا درتو مشوي بالزبدة في الفرن "لصحة اكثر"
و نوعت الديول اللي تحب الحار او بالاعشاب يجي بنين
و كاينة حاجة ما تخافيش يجيك ناشف لانو مش طايب في الماء ابدا جا روعة و ما احتجتش الفرماج باش يطرا
اللي حبت تزيدو تخبرنا
و بصحتكم حبيباتي
تسلم ايدك
ان شاء الله نجررررررربه
و الوصفة سهلة
بارك الله فيك
نورتو الله يبارك فيكم
ما تندموش عليه
انا كنت خايفة منو لكن جا بنين الحمد لله
ان شاء الله نجربو
شهيتيني
شكرا ضياء النسيم
بصحتكم مسبقا
باين من ايديك يخرج بنين
ي
[/IMG]
[/IMG]
[/IMG]
[/IMG]
………..نتوما تاني علابالي 
