السلام عليكم
اخواتي انا ندير الخبز في طاجين الحديد يخرجلي مليح
لكن شرينا طاجين طين و مازال ما عرفتش قواعد استخدامه
اخر مرة استخدمته دارلي شياط و و ولات الدار كامل غير دخان
كيفاش نطيب فيه؟
هل هنلك شروط
و شكرا
بالعكس الكسرة في طاجين الطين يجي اروع من الحديد اول مرة اغسليها مليح من الغبرة وكيما هزيت العاده من امي من تشري طاجين جديد تمسحو بصابون الطرف وهو سخون ومن بعد تمسحو بفوطة باش تمحي اثر الصابون وكي تجي تطيبي فيه ماتقويش للنار خليها عاديه والشياط ممكن تكون النار قاويه او الدقيق بالاك ارطب بزاف جربي نصائحي ورديلي الخبر وبصحتك الكسرة انا كيما شفتي الكسرة مطيبتها فيالطين
شكرا حبيبتي دنيا
الا جيت ندير طريقة امك الله يجازيها بالخير رحت ندير الخبز بالصابون
ان شاء الله نجرب حبيبتي
شوفي يالحبيبة حتى انا ماكنت نعرف طجين ديال الطين
تعلمت نطيب فيه من عند عجوزي وداب راه عندي ديال الحجر نطيب فية الكسرة سيرتو في البرد وعندي ديال الممسوح نطيب فيه الفطير لي حتى هي تعلمتها من عند حماتي وكيما قالت ليك الاخت دنيا دهنيه بالصابون او الزيت وخلي النار خفيفة باش ماتحرقش ليك الكسرة
تعلمت نطيب فيه من عند عجوزي وداب راه عندي ديال الحجر نطيب فية الكسرة سيرتو في البرد وعندي ديال الممسوح نطيب فيه الفطير لي حتى هي تعلمتها من عند حماتي وكيما قالت ليك الاخت دنيا دهنيه بالصابون او الزيت وخلي النار خفيفة باش ماتحرقش ليك الكسرة
شكرا اختي لؤلؤة
اليوم ما درتش غدوة ان شااء الله ندير فيه و نردلكم الخبر
