السلام عليكم اخواتي في الله ارجو منكم المساعدة زواجي على وشك الانهيار تزوجت من رجل عمره 42 يكبرني ب22 سنة تزوجته وانا لا اعرف عنه اي شيء جاىت امه وقالت لنا انه راه شافك وقالي باش نجي نخطب وخطبوني وسالتهم على الصلاة ودخان والخمر قالولي يصلي في المسجد ولا يدخن ولايشرب وافقنا وهذا هو لى تمنيته رجل صالح وشافني وشفته وعجبني ومن هذي المرة ماتلاقينا ماحكينا في الهاتف حتى نهار لعرس تقابلنا عرسنا وفرحنا وكنت اسعد امراة في حياتي ماتقابلتش معا رجل و……… راكم عافين لمس والى اخره وبعد اسبوع دهبنا شهر العسل الى مكة وجبنا عمرة وهذا كل ماكنت اتمناه وبعد شهور حملت حتى بدات الاحظ زوجي يغلق الباب صالون في ضلام على نفسه ولم اشك فيه وطالت وكل مرة ولا ينام حتى ساعة 3 صباحا واقول راه يقراء اخبار الانترنت وبدا الشك وبدات اراقبه تنصة عليه وسمعته يتكلم ودخلت عليه ورايته ماسك الهاتف في ادنه ولم اكن اتوقع ودهبت الى غرفتي و بكيت بحرقة وطلب السماح وقالي بانه راه يتسلى وانا احبك انت وانت زوجتي وانتظر منك ابني وسامحته وشيء اخر والاخطر قطع الصلاة يصلي يوم الجمعة وقاطعته عن الصلاة ومافي فاىده حد اليوم رانا عامين ولا يصلي حتى الجمعة راه يصليها في البيت وكي نقوله نعل شيطان وروح صلي يقولي انا كي نكون هاني في راسي نصلي لوكان نصلي نقعد نخمم عييت معاه ولي صدمني راه يدخن والله تعبت معاه كل مرة يجيب حاجة اكثر من الاخرى عيت راني غير نبكي راني مصدومة رانى حابة اطلب الطلاق راني خايفة على ولدي راه متعلق بابوه بزاف مرات اقول راه كبير ويعرف
لا حول ولا قوة الا بالله اختي حاولي تعرفي سبب التغيير وعلاه كل مرة يخرج بحاجة الطلاق مش حل زيدي اصبري وشوفي معاه وربي يسخرلك زوجك لما يحب ويرضى
استغفر الله و لا حول و لا قوة الا بالله العلي العظيم //
و الله كل يوم نسمع قصة جديدة ، يا اخواتي في الله واش راهي صاري في الدنيا ؟؟؟؟؟؟؟؟؟
وشبيهم الرجال كي يلقاو بنت فاميليا يكرهوها بدون سبب ؟؟؟؟؟؟؟؟؟؟؟؟
علاه هذا التناقض و علاه هذا الظلم ؟؟؟؟؟؟؟؟؟؟؟؟؟؟
راسي يحبس كنت قبلا نقدر نعبر شوية ، الأن اسمحولي اسقلت من مهنة التعبير ،،،،،،،،،،،،
حابة نصرخخخخخخخخخخخخخخخخخخخخخخخخخخخخ
مزال مكملتش الحكاية هذه 3اسابيع الاخيرة راه ينام بغرف روحه تسبب على ولدو راه ميخليهش يرقد ولدي اصله ينوض غير مرة يرضع وينام لوكان نقولكم بلي انا رانى واقفة معا روحي دوش كل يوم خاصة عندما اقلي الاكل واللبسة ومكياج الخفيف والعطور راني نتعب مع شغل دار وروحي وولدي خاصة راني عايشة مع اهله راكو عارفين الكنة كتكون
اختي العزيزة الطلاق عمرو ماكان حل لازم تصبري وتدعيلو ربي بالهداية وحاولي وما تيسيش واستخدمي معاه السياسة
ربي يفرج عليك
يا اختي يتحججوا بلا سبة حتى لو ما كنتيش تهتمي بنفسك كما يلزم و يكون يحبك يشوفك وردة الورود ،،
انا زوجي كان يرقد على الأرض كي نقولو علاه يقولي ما والفتش السرير ، حبطت المطرح للأرض ، يقولي السخانة بزاف على المطرح ، وليت نرقد على الأرض كيفو ،
خرجهالي طاي طاي يقولي راهي تخرج منك واحد السخانة ،
حسبي الله و نعم الوكيل ..
يا ربي واش صرا لهادو الرجال اذا كانوا حقا رجال؟؟؟؟؟ استغفر الله على هذه الكلمة لكن اصبحت ظاهرة حساب ما رانا نسمعوا
المراة الصالحة راهي تعاني مع من لا يقدرون هذه النعمة نسال الله العظيم ان يهدي عباده الى الخير وان يرزقهم خوفه في السر والعلن
ربي يفرج عليك حنونة انت لا تياسي من رحمة الله تواصلي معاه برقة وحب واربطيه بيوم العرض يوم الوقوف بين يدي الله عز وجل يوم الحساب وما ادراك
ما تخليش فرجة بينك وبينو وقولي لو تارك الصلاة عمدا كافر لا يجوز معاشرته ولا الاكل معه ولا العيش معه في هناء…فهميه حبيبتي بكل ود وصرامة في نفس الوقت لكي تتخذي موقف بين امام الله ….
وشوفي ايضا روحك مليح حنونة هل انت مهتمة بنفسك كما يجب؟؟؟ علا بالك سن الاربعينات من اخطر السنين عند
بعض الرجال ترجعلو المراهقة من جديد ويحب يشوفك كيما لي يشوفهم في الخارج او الشارع
البسي مليح وزوقي ومشطي
وكوني عصرية وما تنشغليش عليه بتربية ابنك اعطيه جرعة زائدة من الحنان والعطف
ما تخليهش في فراغ وحدو اقتربي منه اكثر وصارحيه
ما فيها والو كي تفهميه انك ما ترضايش به وهو يدير الحرام راه يرجع على وليدكم نسال الله العافية
راكي ديري لله من اجل ارضاء الله وراكي في عبادة تامة
اذا مع كل ما حاولت من اسباب شفتيه مصر على الحرام وترك الصلاة هنا موقف اخر انت صاحبة القرار فيه
لكن اعطيه فرصة ربي سبحانه وتعالى يقبل التوبة بل ويفرح بها اصبري وزيدي حاولي والله مع الصابرين….
الله معك ومع كل مبتلاة
https://www.dzhawaa.com/vb/f6/
ان ابغض الحلال عند الله الطلاق وبالتالي منروحوش ليه الا ادا تغلقت كل الأبواب وفشلك كل الحلول
وماتسبقيش دائما لهاد الفكرة الا بعد صبر ومحاولات عدة لاصلاحه ما تنسيش راه عندك اجر كبير من جهة صبرك ومن جهة اخر الحاحك عليه بالاستقامة ممكن تكوني انتي سبب هدايتو تخيلي اجرك عند ربي شحال راح يكون
تريثي اختي ولاتستعجلي لو كان تشوفي قصص اخرى لمتزوجات تحسي روحك راكي ملكة فدارك
نصيحتي تريثي وحاولي انك تكوني سبب هداية زوجك وهدي الدنيا لازم يكونو فيها ابتلاءات وماتيتميش وليدك وباباه عايش هدا هو الحرام بعينو
